Со електрична гитара во рака и песни на кои е кант-авторка, гостиварчанката Михаела Антеска сака да стигне до светската музичка сцена. Сама најдобро можам да искажам што чувствувам, вели рокерката која сака да се држи надвор од „калапот“ и да остане бунтовна, каква што е и музиката која ја сака.
Тетовецот Алдин Шерифи има оштетен вид и желба да стане физиотерапевт, кој ужива во музицирање како хоби. И покрај сите секојдневни предизвици со кои се соочува, вели - го сакам мојот живот!
Деветнаесетгодишниот Кристијан Пешевски веќе една година на скопските улици го продава списанието „Лице в лице“. Ова искуство, вели, му го сменило животот на многу подобро. Има нови познанства, финансии за остварување на желбите, но и чувство дека оди во добар правец.
И Агенцијата за млади и спорт и Македонскиот олимписки комитет ја прогласија таеквондистката Милијана Релиќ за најдобра млада спортистка за 2023. Таа верува дека водена од тренерот Александар Ефтимов може да го оствари својот најголем сон - да добие олимписки медал.
Кога скопјанката Теодора Тодоровска ќе ги замени високите потпетици со поудобни обувки за да оди на градежен објект како машински инженер, вели, почнува адреналинот.
Кога 24-годишниот Филип Маневски бирал професија не му било важно тоа да биде некоја од професиите кои се актуелни меѓу младите денес, туку да го работи она што вистински го сака. Па вели, иако е можеби невообичаено некој на негова возраст да се занимава со столарија, тоа е неговиот пат.
Четиринаесетгодишната Садије Дура е единствената девојка во боречкиот клуб „Лирија“. Решила да ги игнорира обесхрабрувачките коментари за тоа дека овој спорт не е за девојчиња.
Животот во Крива Паланка за Мери Акиевска бил пеколен. Вели дека растела во семејно насилство и во сиромаштија. Денес е трикратна светска шампионка во бодибилдинг и фитнес, а минатото ја научило да биде борбена.
Четирикратниот светски шампион во модерен балет, гостиварчанецот Анди Исмаили, доби директен влез во полуфиналето на хрватското „Суперталент шоу“, кое е по лиценца на британско шоу ,,Got Talent”.
Куманово скелетонс или Куманово костури се првиот и единствен клуб за американски флег фудбал или фудбал со знаменца во земјава. Она што почнало како ентузијастичка идеја меѓу пријатели, денес ги носи на меѓународни натпревари.
Скопјанката Теодора работи во средина каде мажите се убедливо доминанти според бројноста. Но, ниту ова, ниту коментарите на околината дека на градежен објект е небезбедно или дека не е добро да соработува само со мажи не ја одвратиле од идејата да го следи својот сон.
Дваесетитригодишниот Драган Денковски како средношколец почнал да зема улични дроги и тоа го правел пет години. Пред камерата на РСЕ раскажа како наркотиците му го уништувале животот, но и како успеал да излезе од кругот на зависноста.
Вчитај повеќе
