Трагедијата во Индија низ фотографии

мај 10, 2021

Гоце Атанасов

Вкупниот официјален број на луѓе со вирус корона во Индија надмина 20 милиони од почетокот на пандемијата, што ја прави втора земја по САД со најголем број на заразени луѓе во светот. Повеќе од 200.000 луѓе починаа, а експертите сметаат дека бројот на заразени и мртви е далеку поголем од официјалните податоци.

Индија преживува хуманитарна криза кон крајот на мај и почетокот на април поради недостаток на кислород, голем број на заразени лица и смртни случаи на дневна основа, што делумно е последица на предизборните активности.

Ситуацијата е особено тешка во крематориумите и гробиштата поради големиот број смртни случаи.

Покажи повеќе Show less

1 Човек плаче откако загуби роднина од ковид-19. Тој е еден од повеќе од три илјади Индијци кои ги губат своите животи за 24 часа во таа земја како резултат на пандемијата. Њу Делхи, 5 мај 2021 година

2 Роднините во заштитни одела жалат за загубата на член на семејство за време на неговиот погреб во крематориум во Њу Делхи. Индискиот главен град забележа рекордни 400 смртни случаи на ден на почетокот на мај.

3 Членови на едно семејство над телата на нивните најблиски за време на кремирање на северот на земјата, во Алахабад, Утар Прадеш, на 6 мај 2021 година.

4 Роднина плаче над пепелта на телото на член на семејство по кремирањето во Њу Делхи, што е епицентар на новиот бран пандемија во Индија.

Вчитај повеќе

Гоце Атанасов

Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

atanasovg@rferl.org