Претседателот на Република Македонија Ѓорге Иванов денеска во своето годишно обраќање во Собранието зборуваше за политичката криза во земјата, случувањата од 27 април, за неопходните реформи, геополитичките случувања, состојбата во медиумите, законот за јазиците и за други прашања.
Во новоотворената Црква Свети Ѓорѓи во ирачкиот град Телескоф, христијаните ги прославија своите божиќни традиции за првпат по три години. Овој град беше под милитантите на Исламската држава кои насилно ја расселија тамошната христијанска заедница.
Папата Франциско во неговата Божиќна порака упати силна порака во одбрана на мигрантите. Тој оцени дека верата бара да се прифаќаат странци.
Христијан Мицкоски, кој денеска на Конгресот на ВМРО ДПМНЕ во Валандово беш избран за претседател на партијата, рече дека ќе докаже оти не е нечија марионета
Судењето на предметот „Таргет-Тврдина“ денеска беше одложено. На заминување од судот, екс директорот на УБК и обвинет Сашо Мијалков изјави дека немало законски услови за одржување на расправата. Додаде дека се уште е рано да зборува за доказите кои преку адвокатите ги доставил во своја одбрана.
Партиите кои се за независност на Каталонија, врз основа на скоро сите пребројани гласови од вчерашните избори, добија мнозинство во парламентот на тој шпански регион кој има 135 пратенички места.
Американскиот претседател Доналд Трамп се закани дека ќе им ја укине помошта на земјите ако гласаат за резолуцијата на Обединетите нации во која се осудува неговото признавање на Ерусалим како главен град на Израел. Резолуцијата е на дневен ред на денешното Генерално собрание на ОН.
Грчките законодавци синоќа со мнозинство гласови го одобрија буџетот на земјата за 2018 година. Владата вели дека тој ќе биде последен со услови од меѓународните доверители за финансиска помош на земјата. Овие услови ја држеа Грција во состојба на строго штедење скоро осум години.
СЈО отвори седум нови истраги со кодни имиња „Странски служби“, „Друмарина“, „Рентген“, „Продуцент“, „Лидери“, „Тарифа“ и „Транспортер 2“. Осомничени се 17 лица, меѓу кои поранешни министри и пратеници.
Американскиот претседател Доналд Трамп во понеделникот објави нова стратегија за национална безбедност, нагласувајќи ја пораката „Америка на прво место“. Тој ги именуваше Русија и Кина како американски конкуренти на светската сцена.
Претседателот Доналд Трамп денеска ќе ја изложи новата стратегија за национална безбедност на САД, врз основа на неговата политика „Америка на прво место“. Тој, меѓу другото, според извори во Белата куќа, ќе оцени дека Кина е „конкурент“.
Две години откако мигрантската криза ја подели Европската унија, нејзините лидери се уште се обидуваат да ги надминат разликите за тоа како да се справат со ова прашање.
Вчитај повеќе