Достапни линкови

Двајца министри во српската Влада заразени со коронавирус


Архивска фотографија- министерот за одбрана на Србија, Александар Вулин

Претседателката на српското Собрание, Маја Гојковиќ е хоспитализирана откако е потврдено дека е позитивна на Ковид-19. Таа има воспаление на белите дробови, но според српски медиуми добро се чувствува.

Со новиот коронавирус заразени се и министерот за одбрана на Србија, Александар Вулин и шефот на Канцеларијата за Косово, Марко Ѓуриќ.

Според денешните податоци, во таа држава драстично е зголемен бројот на новозаразени – 227 од Ковид-19. Бројот на активни случаи е 1.197, а на респиратори се 32 пациенти. Во изминатите пет денови во Србија има трицифрен пораст на новозаразени. Седуммина студенти од Студентски град во Белград се заразени со Ковид-19, а присуство на вирус е потврдени и кај четири ученици од осмо одделение и двајца директори на училишта во Белград и Нови Пазар.

XS
SM
MD
LG