Достапни линкови

Брзи тестови за коронавирус на Клиниката за пулмологија и алергологија


Тест за коронавирус

На Клиниката за пулмологија и алергологија ќе биде воведен тест кој за 40 минути ќе покаже дали одреден пациент има коронавирус или некој друг вирус, најави денеска министерот за здравство Венко Филипче.

„Тие тестови и досега ги имаше, со тоа што во палетата го немаше овој Sars-Cov-2. Таков апарат ќе биде инсталиран во амбулантата на Клиниката за пулмологија, како и на Клиниката за инфективни болести. За 40 минути ќе може да се детектира дали е пациентот позитивен на овој вирус или на некој од палетата останати вируси коишто вообичаено се јавуваат во есенските месеци“, изјави Филипче, кој денеска заедно со директорот на Клиниката за пулмологија и алергологија, Дејан Докиќ, го пуштија во употреба новиот модуларен амбулантско-поликлинички оддел, лоциран во непосредна близина на зградата на интерните клиники.

Од почетокот на епидемијата досега во Македонија има над 14800 регистрирани случаи на коронавирус, а 609 луѓе починаа од болеста. Досега се оздравени над 12 илјади заболени, а сè уште има 2200 заболени. Повеќе од три месеци секој ден има во просек над 100 заболени. Властите стравуваат од забрзано ширење на заразата со почетокот на есента.

XS
SM
MD
LG