Достапни линкови

Први мај во пандемија- ретки протести и инвентивни начини на одбележување


Турција- членовите на синдикатот беа спречени да продолжат со маршот низ Истанбул и да стигнат до плоштадот Таксим, 01.05.2020

Работниците низ светот се откажаа од традиционалните демонстрации за Први мај поради мерките за спречување на ширењето на коронавирусот, а спроведуваа акции на интернет, додека малку протести се одржаа и тоа со потребната физичка дистанца и маски.

Агенциите јавуваат дека денеска имало приведувања во Филипини, Русија и Турција, немири во Индонезија, а солзавец бил употребен во Хонг Конг поради прекршување на правилата за јавни собири во време на пандемија. Другите собири за денот на работниците генерално беа мали и поминаа без инциденти.

Во Турција властите им дозволија на некои синдикати да положат цвеќе на симболични места, а најмалку 45 луѓе беа приведени во Истанбул и Анкара откако ги прекршиле правилата на движење донесени како мерки за спречување на коронавирусот. Полицијата, како што јавуваат агенциите, го опколила седиштето на левичарскиот работнички синдикат ДИСК и ги спречила неговите членови, кои носеле цвеќиња во рацете и извикувале слогани да маршираат низ Истанбул.

Грција- протест на членовите на синдикатот ПАМЕ пред зградата на парламентот во Атина, 01.05.2020
Грција- протест на членовите на синдикатот ПАМЕ пред зградата на парламентот во Атина, 01.05.2020

Во Грција неколку стотини членови на комунистичкиот синдикат ПАМЕ денеска излегоа на демонстрации пред парламентот во Атина, а насобраните стоеја на физичка дистанца препорача за да се спречи ширењето на коронавирусот.

Во други земји, како Финска на пример, традиционалните пикници беа заменети со преноси во живо од рестораните кои одржуваа часови за правење коктели, а ја доставуваа до домашни адреси храната која традиционално се подготвува за Први мај.

Конгресот на британските синдикати ги откажа јавните собири и побара од луѓето да постираат видеа на социјалните мрежи со кои им се заблагодаруваат на „работниците кои прават разлика“ пред се на вработените во Националниот здравствен сервис.

Најголемиот синдикат во Данска почна кампања на социјалната мрежа Фејсбук под слоганот „Заедно сме посилни, но секој останува безбеден одделно“ додека синдикатите во Мароко и Тунис ги охрабрија луѓето да го одбележат Први мај онјалн.

Италијанците традиционалниот концерт на плоштадот во Рим го заменија со виртуелен перформанс кој се емитува во живо на јавниот сервис.

XS
SM
MD
LG