Достапни линкови

Бектеши: Колку ќе се зголеми минималната плата ќе знаеме за 2-3 недели


Министерот за економија Крешник Бектеши

Министерот за економија, Крешник Белктеши, денеска изјави дека зголемување на минималната плата ќе има, но се уште не се знае колкаво ќе биде тоа, зашто во тек се разговорите со бизнис заедницата и стопанските комори.

„Досега не сум кажал колкава ќе биде минималната плата. Висината на покачувањето ќе ја утврдиме во наредниве две-три недели. Како Влада сме должни да ги зголемиме платите и во приватниот и во јавниот сектор, како што беше примерот за покачувањето на платите во јавниот сектор за пет отсто од септември“, изјави Бектеши.

Што се однесува до економските мерки за подобрување на бизнис-климата и стандардот во земјава, додаде, паралелно се работи на неколку мерки од кои и зголемувањето на платите во приватниот сектор.

„Веќе сме во преговори со бизнис заедницата околу новиот закон за покачувањето на платите во приватниот сектор. Очекуваме да добиеме коментари, сугестии и врз основа на нив, да го подобриме законското решение, зашто за секое покачување на платите до 6 000 денари, Владата ќе ги субвенционира придонесите. За подобрување на стандардот и на животот на граѓаните многу се важни мерките и за заштита на животната средина, за субвенционирање нови модели како што се инвертерите, за енергетската ефикасност, како и инфраструктурните проекти“, рече Бектеши.

XS
SM
MD
LG