Достапни линкови

Успешен митинг или дебакл - некој бара, друг не дава избори


Macedonia - Protest of VMRO-DPMNE

Предвремени избори за спас или за дестабилизација на Македонија - ова е главниот мотив за коментари на нашите социјални мрежи по митингот на ВМРО ДПМНЕ и одговорот на владините коалициони партнери за тоа дали треба да има парламентарни избори предвреме или во редовниот термин во 2024 година.

„Власта не дава предвремени избори и не прифаќа уцени, премиерот Димитар Ковачевски категоричен дека редовните ќе се одржат во регуларниот термин во 2024 година – опозицијата обвинува за партизација на Владата“, пишува во информацијата на РСЕ како сублимат на препукувањата помеѓу СДСМ и ВМРО-ДПМНЕ дали опозицискиот протест бил успешен или дебакл според бројот на посетители и колку пари биле потрошени за него.

Мицкоски – Избори за спас на Македонија
please wait

No media source currently available

0:00 0:03:06 0:00

Илија Колев кратко коментира: „Страв лозје чува“, а Бранко Трајчевски смета: „Проблемот не е во уцена, проблемот е во нелегитимноста на оној што се жали дека е уценет!?“

Во врска со тврдењето на премиерот Ковачевски по средбата со коалициските партнери дека коалицијата е стабилна, Ружа Малиновска со мислење: „Коалицијата е стабилна во крадењето и уништувањето на Македонија“, а Панде Спасов напишал: „Народот ќе одлучи дали ќе има или ќе нема предвремени избори“. На протестниот митинг првиот човек на ВМРО-ДПМНЕ, Христијан Мицкоски го отфрли францускиот предлог, кој инаку сè уште не официјализиран од страна на сите членки на ЕУ, и актуелната власт ја нарече „разуздана, криминална и предавничка“ и побара „избори за спас на Македонија“. Потпишан со Рамбо Давид бара „не само пораз на СДСМ, туку и на ДУИ, доста е од нив“, но Трајче Мојсов со помнење па ги потсетува опозиционерите: „Ве видовме и вас, бетер сте, што понудивте кога и вие бевте на власт, криминал и арамилак, што сте подобри“. Анна Јакимова смета: „Мицкоски треба да понуди нешто повеќе од барање да дојде на власт по секоја цена. И да покаже зрелост и одговорност, а не да подрива влада постојано само со една единствена цел: тој да владее. Нема ниту програма ниту решение за кој било проблем“. Едо Лисичани коментирал: „Доста беше ВМРО, и никогаш више на власт“. Блажо Хогар Страшниот со прашање до лидерот на ВМРО-ДПМНЕ: „Абе Мицко, кога ќе се ослободиш од Милошоски и другата оставштина од Грујо и Мијалков?“ РСЕ, вообичаено, прави директен пренос на митинзите и собирите, без разлика дали ги организира опозицијата или некоја партија од власта. Верица Јаковчевска со поддршка за протестниот собир: „Само напред, долу влада проклета, нè изедоа со давачки“, а Игор Саздов со порака: „Многу филозофии, народот бара конкретни решенија за енергетсјата криза, инфлацијата...“. Љубчо Данилов смета дека говорот на Мицкоски е слаб и потсетува: „Љубчо и Грујо многу громогласно држеа говори на митинзи и беа лидеришта, а ти си слаб, ѝ треба друг лидер на Партијата“.

Војната во Украина продолжува да го задржува вниманието на нашите читатели на веб страницата, па коментираат на ФБ.

Мариупол: Пред и потоа
please wait

No media source currently available

0:00 0:02:11 0:00

Генсекот на НАТО Столтенберг предупеди дека војната во Украина може да трае со години и побара снабдување со најмодерно оружје за Киев, дури и ако „трошоците се високи“. Трајковски Далибор коменрирал дека „цел свет ја плаќа војната за гордоста на НАТО...“, а Димитар Митровски го потсетува: „Цел свет не гледа така на ова. Во Македонија и Србија луѓето мислат дека е крив Зеленски... Во појќето западни земји луѓето сметаат дека Путин е крив и мислат дека војната треба да застани за да не се прошири низ други земји. И единствен начин за тоа е да се донира оружје и помош на Украина“. Сали Зекир со реторичко прашање: „Луѓе, дали Русија се бори против Украина или против Америка, НАТО или Европа?“ Горан Блажевски смета дека „целава работа ја подбуцнаа НАТО и Европа“, но Благица Имлер му реплицира: „Војната е против Европа и НАТО“. Блажо Хогар Страшниот и овде со коментар: „Овие двајца погоре си направија муабет и ја решија војната. Све експерти до еден. Уста ги болела“. Ружди Нурединовски коментирал: „Некој што се богати од интерес за војни сигурно не поклонува оружје. А кој го плаќат, кој ако не ние, народот, со зголемени даноци, зголемени цени на артиклите...“

  • 16x9 Image

    Горица Попова

    Родена е во Кочани, дипломирала во 1976 год. на Филозофскиот факултет во Скопје. Како новинар работи над 30 години. Почнала во Македонско радио- Радио Скопје во 1978 год. Од јуни 2009 год. е соработник на Радио Слободна Европа.

XS
SM
MD
LG