Министерството за вантрешни работи соопшти дека од утре ( 12 март ) ќе биде затворен граничниот премин Прохор Пчински согласно препораките на Владата во врска со коронавирусот. Станува збор за премин кој Србија и ќе биде затворен за патници и возила.

„Поради тоа сите патници и возила од нашиот граничен премин Пелинце ќе се пренасочуваат на Заедничкиот граничен премин Табановце-Прешево“ се вели во соопштението објавено на интернет страницата на МВР.

До ова доаѓа откако Србија на владина седница донесе низа мерки за заштита од коронавирус, а меѓу другите реши да затвори 44 мали и повремени гранични премини. Сите патниците, возила и товарни возила ќе бидат пренасочувани кон главните гранични премини.

МВР ќе казнува за лажни вести за коронавирусот

Претходно, од македонското министерство за внатрешни работи соопштија дека ќе се санкционира корисници на социјалните мрежи кои споделуваат и шират непроверени, односно „лажни“ вести околу вирусот Ковид 19, со кои се создава вознемиреност и паника меѓу граѓаните.

СЗО прогласи пандемија на коронавирусот

Ограничената независност на судството, политизираниот Судски совет и несоодветното финансирање, што и натаму ја спречуваат ефикасноста на корупцијата се дел од проблемите кои се нотирани во последниот извештај на Стејт департментот за човековите права што беше објавен денеска.Во него е наведено дека за човековите права сериозен проблем претставуваат и високата корупција и насилството кон ЛГБТ заедницата. Во земјата има законски казни за корупција на службените лица и финкционерите, но иако владата генерално го спроведува законот сепак има случаи на функционери кои се вклучени во корупција, пишува во извештајот.

„Владата постигнала напредок во почитување на слободата на медиуите и слободата на говор, но проблемите остануваат, меѓу кои и слабата независност на медиумите и насилството и заканите кон новинарите“ се вели во него.

На светско ниво значајни прекршувања на човековите права се регистрирани во Иран, Кина, Саудиска Арабија и Венецуела. Соединетите американски држави ги обвинуваат авторитарните влади ширум светот за сериозни „повреди и злоупотреби на човековите права“ за да контролираат какви било активности што можат да ја загрозат нивната моќ.

ВМРО-ДПМНЕ на конвенција во Македонската Филхармонија ги промовираше носителите на листите и кандидатите за пратеници за новиот парламентарен состав. Слоганот на оваа опозициската партија на парламентарните избори ќе биде „Обнова на Македонија“.

Лидерот Христијан Мицковски во својот говор истакна дека нема да биде носител во ниту една изборна единица и дека тоа го прави затоа планира да биде мандатар на новата влада а носителите и кандидатите за пратеници по изборот ќе останат во Собранието и нема да бегаат во извршната власт.

„Ако до пред 3 месеци Заев убедуваше дека ќе победел на изборите, сега на партиските состаноци ги лаже дека ќе изгуби СДСМ, ама малку, тесно, за два до три пратеника, а он ќе формирал влада. Значи почнаа со тесна победа да завршат сега пак со тесен пораз. Не би го употребил она неговото знаете познатото „мало сутра“, ама неодминливо ќе искоментирам господине Зоран Заев грешна ви е проценката. ВМРО-ДПМНЕ ќе победи, а ова не е филмот кој што го гледавте еднашка во 2016-та година. ВМРО-ДПМНЕ ќе направи влада“ рече Мицкоски во својот говор.

Пратеничките листи со нови луѓе за исти политики

Професорката Гордана Силјановска Давкова која претходно беше кандидат за претседател сега е носител на Изборна единица 1. Потпретседателот на партијата Владо Мисајловски е носител во втората, а генералниот секретар на партијата, Игор Јанушев, во третата, додека другиот потпретседател, Александар Николовски, во четвртата, оперскиот пејач, Игор Дурловски, во петата и актуелната пратеничка, Дафина Стојановска, во шестата изборна единица. Тие ќе им се спротивстават на носителите на листите на власта - Никола Димитров, кој е во првата, Оливер Спасовски во втората, Љупчо Николовски во третата, на Зоран Заев во четвртата, Радмила Шеќеринска во петата и на Билал Касами во шестата изборна единица.

Четврток 12 март е крајниот рок политичките партии да ги поднесат кандидатските листи до Државната изборна комисија. Изборите се закажани за 12 април, а изборната кампања почнува на 23 март.

Лидерите на политичките партии утре имаат координација во Владата со премиерот Оливер Спасовски заради состојбата со коронавирусот и евентуално одложување на големите митинзи.

Министерството за внатрешни работи соопшти дека ќе се сакнционира корисници на социјалните мрежи кои споделуваат и шират непроверени, односно „лажни“ вести околу вирусот Ковид 19, со кои се создава вознемиреност и паника меѓу граѓаните. Во нивното соопштение е наведено дека лажните вести што создаваат неоснована паника имаат долгосежни последици и врз општествената состојба, но и врз колективното здравје на граѓаните.

„Ваквите злоупотреби ќе бидат законски санкционирани затоа што на овој начин се вознемируваат граѓаните и се создава непотребна паника. Нема да има компромис во санкционирањето на оние кои свесно шират лажни вести“, велат од МВР.

Филипче: Два нови случаи на заболени од коронавирусот

МВР апелира до медиумите и корисниците на социјалните мрежи да се повикуваат единствено на официјално објавените податоци од надлежните институции.

Претходно министерот за здравство Венко Филипче изјави дека се евидентирани два нови случаи на заболени од коронавирусот со што бројот на заболени во земјава се искачи на 9.

СЗО прогласи пандемија на коронавирусот

Светската здраствена организација прогласи пандемија со коронавирусот и порачаа на владите да преземат мерки и механизми за делување во вакви ситуации.

Лидерите на политичките партии Алијанса за албанците Зијадин Села и Алтернатива Африм Гаши кои ќе настапат во коалиција на претстојните избори ќе ги предводат лиситите со кандидатите во две изборни единици. Комлетните листи ќе бидат објавени утре,најавија од овие политички партии по Централното собрание кои вечерва се одржа во Гостивар.

„Јас ќе бидам носител на кандидатската листа во шестата изборна единица, а нашиот партнер Африм Гаши во втората изборна единица. Највиското партиско раководство реши да поднесеме листи за вкупно пет изборни едници, првата, втората, третата, петтата и шестата, а за четвртата изборна единица, можноста ќе биде отоврена. Кончената одлука ќе ја донесеме до утре,“ изјави Сеља.

Италијанското обвинителство денеска соопшти дека е разбиена голема криминална мрежа на препродавачи на заштитни маски и средства за дезинфекција кои на овие производи сакале да заработат огромна сума пари. Во текот на претресот што полицијата го извела синоќа во просториите на триесетина фабрики во дваесетина општини во околината на Бари, во покраината Апулија, запленети се заштитини маски, гел за дезинфекција и влажни марамчиња во вредност од 220.000 евра, информира денеска државното обвинителство.

Криминалната мрежа планирала да ја искористи епидемијата од коронавирус во Италија од која се заразени над 10 илјади луѓе, а од кои досега починаа повеќе од 800 заразени. Првите луѓе на фабриките во кои биле извршени претресите се италијански и кинески државјани. Маските ги купувале на големи и одделно ги препакувале во проѕирни кесички.

Лидерот на СДСМ Зоран Заев изјави дека не гледа можност да се одложат изборите и не е добро да се одложат изборите, тие треба да се одржат. Сите државни ресурси се подготвени, екипирани и парламентот е распуштен, веќе е подготвено се она што е претходна постапка и е завршено, вели Заев. Целта на утрешната лидерска средба, како што вели, е лидерите на поголемите политички партии да разговараат околу модалитетите на кампањата, каков вид кампања е дозволена и што е пропорачливо за да можат партиите да ги промовираат нивните програми, кандидати и визии, а при тоа да се испочитуваат сите државни задолженија и препораки за заштита од корона вирусот.

„Можеби коронавирусот ќе не стави во позиција да користиме некој поинаков вид кампања. Електронските медиуми и интернет можностите ни се на располагање. Верувам дека ќе допреме до граѓаните. Важно е да не чујат за да гласаат. Важно е граѓаните да излезат и да гласаат, бидејќи успешноста на изборите не е иста дали ќе гласаат 45 отсто или 75 отсто од граѓаните“, посочи Заев по потпишувањето договор за заеднички настап на предвремените парламентарни избори на 12 април со лидерите од партиите од Коалицијата „Можеме“, предводена од СДСМ.

Од денеска на сила се мерки за превенција од ширење на коронавирусот. Се затворија вратите на основните и средните училишта, детските градинки и високите образовни институции, потоа од утре се затвораат и библиотеките, студенстките и ученичките домови а вработените се ослободуваат од работа. Родители на деца до десетгодишна возраст се ослободуваат од работа, а исти мерки се преземени и за хронично болните.

Светската здравствена организација им порачува на владите дека е време за агресивни мерки сега откако ширењето на коронавирусот во светот достигна ниво на пандемија. Директорот на СЗО Тендрос Аданом Габриезус изјави дека со прогласувањето на пандемија, сите земји се повикани да разработат механизми за одговор при итни случаи.

„Во последните две недели бројот на заразени со коронавирусот надвор од границите на Кина се зголемува. Бројот на земји, кои пријавија случаи позитивни на овој вирус, се триплираше. Во моментов имаме 118.000 заразени во 114 држави во светот. Вкупно 4.291 лица досега ги загубија своите животи, а илјадници други се борат за своите животи низ болниците“, изјави Габриезус.

Тој при илустрацијата на сериозноста и брзината на ширењето на вирусот, ги наведе последните податоци од италијанските власти за евидентирани 12 462 заболени од Ковид 19 во Италија и 827 смртни случаи.

„Подготвените ги вашите болници, заштитувајте ги и обучувајте ги здравствените работници и сите да внимаваме, затоа што сме си потребни едни на други“ е дел од советот што тој го упати до сите влади.

Тој додаде дека во следниов период се очекува борјот на заразени да се зголемува.

Заштитна опрема за вонредни ситуации и сет мерки за заштита на матичните лекари од коронавирусот, бараат од Здружението на приватни лекари на Македонија кое брои околу илјада и петстотини приватни лекари во земјава. Тие бараат од Центрите за јавно здравје да достават до приватните амбуланти во земјава печатени флаери со препорака за населението односно на пациентите за заштита од корано вирусот.

„Како и на нашите колеги од јавните здравствени установи и ние лекарите од приватните амбуланти бараме од надлежните да добиеме заштитни маски и средства за дезинфекција, кои ќе ги поставиме во нашите чекални за заштита од корона вирусот. Министерството за здравство до нас нема доставено никаква помош, а ние матичните доктори сме први на удар од настинати, со вируси и бактерии“изјави д-р Дервишова Чолакова.

Филипче: Два нови случаи на заболени од коронавирусот

Таа ја информира јавноста дека еден нивни колега лекар од Центар Жупа веќе се наоѓа во карантин затоа што бил во контакт со заразен од коронавирус.

„Фондот треба да направи некои посебни правилници за вакви вонредни ситуации,бидејќи неговите две илјади пациенти сега нема кој да ги прегледува и никој не сака да ги прими и не смеат финансиски да се оштетат ординациите во никој случај. Ако некој лекар е во карантин како неговата ординација ќе продолжи со работа по две недели“, прашува Чолакова Дервишова.

Два нови случаи на заразени со коронавирусот од Дебар покажаа тестовите од вкупно 12- лица кои беа денеска тестирани , изјави министерот за здравство Венко Филипче. Тој истакна дека овие две лица се соседи односно биле во непосреден контакт со веќе заболениот и хоспитализиран брачен пар од Дебар. Сите роднини кои живеат во истата куќа имаат негативни резултати на тестот за Ковид-19и се испратени на домашна самоизолација.

Во однос на новите мерки кои се донесени на владината седница, Филипче изјави декахронично болните луѓе со потврда од матичен лекар ќе може да го оправдаат на работа своето отсуство. Во оваа категорија спаѓаат кардиоваскуларни заболувања, дијабетес тип 1, малигни и респираторни болести.На сите вработени во јавното здравство им се препорачува да не користат годишни одмори во следниот период. Министерството за здравство бројот од „Ало Докторе“ ќе го пренамени во соодветен кол центар зазголемување на капацитетот.

МРТВ ќе има обврска во наредниот период на дневна основа да ги емитува сите препораки и мерки кои се однесуваат за справување и превенирање на коронавирусот.

Мерките за превенција од коронавирусот може да ја пролонгираат школската година

За родителите на деца до десетгодишна возраст што ќе останат дома да ги чуваат своите деца од претшколска возраст на своите работодавачи ќе треба да им достават потврда од детска градинка или копија од уплатница за платен надомест, како и копија од патна исправа или копија од извод матична книга како доказ за возраста на детето или доколку е децата се ученици ќе треба да достават копија од последното сведителство или потврда дека посетува училиште.

„Да се прекине со работа на сите библиотеки, студентски и ученички домови во наредните 14 дена а вработените во овие институции да бидат ослободени од работа во тој период“ изјави Филипче.

Од владините мерки се изземаат вработените во министерствата за здравство, внатрешни работи и одбрана како и армијата и противпожарните единици, царина и домови за нега на стари лица.

Филипче најави дека и Министерството за внатрешни работи добива задача да преземе соодветни мерки за луѓето кои на социјалните медиуми ќе објавуваат дезинформации и лажни информации за коронавирусот како и медиумите кои ќе ги пренесуваат тие дезинформациите.