Достапни линкови

Мерките за превенција од коронавирусот може да ја пролонгираат школската година


Архивска фотографија, ученици во битолско училиште

Училишната година не мора да заврши на 10 јуни, изјави денеска на прес-конференција министерот за образование Арбер Адеми. Тој во врска со владините мерки да се прекине наставата на 14 дена заради коронавирусот истакна дека законот е јасен за тоа колку наставни денови се предвидени во една училина година како и за тоа што треба да направат надлежните институции кога имаме прекин на наставата поради епидемија и вонредни состојби.

„Имаме две опции. Училишната година не мора да заврши на 10 јуни. Втората опција е подготвување на скратени наставни програми. Пред да се определиме за која било опција треба да се измени и дополни годишниот календар за организирање на настава. Така што образовните институции ќе бидат благовремени известени од нашата страна. Ова изменување и дополнување на календарот може да се направи и сега и по 14 дена, зависно со какви ситуации и состојби ќе се соочиме“ изјави Адеми.

Филипче објави нови мерки за заштита од коронавирусот и за ослободување од работа

Тој посочи дека средните училишта наставата може да ја организираат за време на викенди или со скратени програми. Адеми апелира до општините и до самите раководства на училиштата да организираат дезинфекција на образовните институции, конкретно на основните и средните училишта.

XS
SM
MD
LG