Летните гужви за менување на лични документи ќе траат до зима

Чекаш на телефон, се обидуваш да најдеш термин електронски, па ако добиеш, потоа чекаш ред во ходниците. Долгите редици во лето не се нешто невидено во Одделението за управни работи Скопје, кај МТВ. Но, оваа година, гужвата ќе трае подолго од вообичаено бидејќи граѓаните треба да ги сменат сите лични документи, со новото име на државата до 12-ти февруари. Потоа, со старото име, Република Македонија, ќе бидат неважечки.