Собранието под работничка блокада

Со по 21 човек на две локации, Сојузот на синдикати на Македонија денеска (10 февруари) го блокираше Собранието. Работниците бараат минималец од 600 евра и покачување на останатите плати за 6000 денари. Задутре излегуваат на нова блокада, која е најавена за пред Стопанската комора. Идниот вторник ќе блокираат пред Владата. Блокадите следуваат и покрај договорот на Владата со дел од синдикатите со кој над 10.000 административци ќе потпишат индивидуални договори за процентуално зголемување на платите секоја година.