Првата Македонка на НБА камп: Не е важно дали почнуваш од Америка или од Македонија

За името на седумнаесетгодишната кошаркарка Михаела Алексовска веќе се врзуваат неколку титули. Ново во низата признанија е поканата да биде дел од интернационалниот НБА камп „Кошарка без граници“, кој ќе се одржи од 1. до 4. мај во Милано, Италија. Таа ќе биде првата Македонка која учествувала на ваков камп. Вели дека не е важно од каде почнуваш, туку каде сакаш да стигнеш и колку ќе бидеш упорен во остварување на сонот.