Достапни линкови

Вести

Онлајн работата на Парламентот пак на дневен ред в четврток

Илустрација - Седница на Собранието на Република Северна Македонија

Предлогот за дополнување на Деловникот за работа на Собранието, по сратена постапка, што предвидува вклучување на далечина на пратеници со Ковид-19 и во самоизолација во работата на Параламентот и работните тела, е ставен на дневен ред на седницата закажана за в четврток, 26 ноември.

За да се донесе Предлогот, на мнозинството му требаат 61 пратеник што во моментов ги нема поради отсуството на неколкумина пратеници од здравствени причини, дел поради Ковид-19.

Опозициските партии предводени од ВМРО-ДПМНЕ и Алијанса на Албанците и Алтернатива се противат на какво било онлајн работење на Собранието, со образложение дека „на таков начин владејачкото мнозинство сака да го прикрие тенкото мнозинство од само 62 пратеници и оти со тоа ќе се прекрши член од Уставот“.

види ги сите денешни вести

По две години, изгласан новиот состав на Комисија за заштита од дискриминација

Архивска фотографија, Невладини протестираат за законот за дискриминација

Со 61 глас „за“ пратениците денеска ги избраа новите членови на Комисијата за спречување и заштита од дискриминација. На денешната пленарна седница пратениците гласаа за листата на кандидати за членови за Комисијата, која беше утврдена на 5 јануари годинава.

За членови на Комисијата за спречување и заштита од дискриминација беа предложени дипломираните правници Игор Јадровски и Неда Чаловска-Димовска од Скопје, политикологот Лимко Бејзароски од Пласница, лекарот Ирфан Деари од Боговиње. Нивниот мандат трае 5 години. Со три годишен мандат се избрани политиколозите Кире Василев и Исмаил Камбери, како и психологот Весна Бендевска.

Слаби резултати од деценискиот обид за спречување на дискриминацијата

Оваа комисија во мај 2019 остана без своите членови и повеќе од една година чека пратениците да се договорат кој ќе ги наследи
Пред 3 месеци Собранието по втор пат го донесе Законот за спречување и заштита од дискриминација, со кој се обезбедува принцип на еднаквост во заштита од дикриминација и во остварување на човековите права и слободи.
Законот претходно беше донесен во 2019 година, но Уставниот суд во мај оваа година го укина поради одредени пропусти.

Демократите се подготвуваат да го испратат импичментот за Трамп до Сенатот

Спикерката на Претставничкиот дом на САД Ненси Пелоси планира да ги испрати документот за импичмент против поранешниот претседател Доналд Трамп до Сенатот

Актот за импичмент на поранешниот американски претседател Доналд Трамп денеска ќе биде донесен и претставен во Претставничкиот дом во Сенатот. Утре сенаторите ќе положат заклетва како судии и судењето ќе почне за две недели. Демократите во Претставничкиот дом работат на подготовките за импичмент.

Основна задача на девет претставници на демократите во својство на обвинители е да убедат доволно републикански сенатори да го осудат Трамп, а потоа на повторно гласање да му забранат повторно извршување на функција. Трамп е првиот претседател за кој Претставничкиот дом гласаше двапати за отповикување и прв на кој ќе му се одржи судење за импичмент по напуштање на функцијата.


Причината за отповикување е „ говорот за поттикнување насилство “ кој резултираше со насилен упад во зградта на Конгресот на 6 јануари.
Лидерот на републиканците во Сенатот, Мич Меконел предложи судењето за повлекување на Трамп да се одложи за февруари за да му се даде време да се подготви за случајот.
Демократите и републиканците имаат по 50 места во горниот дом на Конгресот, а демократскиот потпретседател на Соединетите држави Камала Харис, според Уставот, има решавачко гласање во тоа тело.

ЕУ ќе ја почека одлуката на Судот за Навални пред да воведе санкции кон Русија

Жестоки судири со полицијата на демонстратите кои изразија поддршка на притворениот критичар на Кремљ Алексеј Навални

Европската унија ќе почека да види дали Русија ќе го ослободи критичарот на Кремљ Алексеј Навални, пред да донесе одлука за воведување на нови санкции поради бруталната полициска акција во текот на викендот кога илјадници Руси беа приведени за време на протестите за поддршка на притворот за Навални.


Германскиот министер за надворешни работи Хајко Мас по состанокот со неговите колеги од ЕУ изјави дека се земјите членки се договориле да ја почекаат одлуката на судот, дали Навални ќе биде ослободен по доделениот 30 дневен притвор.


„Ова не е готово“ изјави Мас.

Приведени илјадници лица на протестите за ослободување на Навални


Навални беше приведен минатата недела веднаш по пристигнувањето на аеродромот во Русија од Германија, каде што се опоравуваше од труењето со нервен гас. Навални го обвинува рускиот претседател Владимир Путин дека го нарачал неговото труење. Се очекува Московскиот суд во почетокот на февруари да донесе одлука дали ќе го условната казна ќе му ја замени за затворска, за случај за кој Навални тврди дека е политички монтиран процес.


Еврокомесарот за надворешна политика Јосеп Борел изјави дека следната недела ќе ја посети Москва со барање за ослободување на Навални и демонстрантите. Тој најави дека на планираниот самит во март една од темите за дискусии ќе биде и понатамошната акција на ЕУ кон Русија.

Опозицијата се спротивстави на изборот на Зибери за омбудсман

Насер Зибери, нов омбудсман и поранешен кандидат за прв Албанец-премиер

Владејачкото пратеничко мнозинство со 61 глас „за“ денеска за нов народен правобранител во Собранието го избра Насер Зибери. Зибери како предлог на ДУИ ја наследува функцијата омбудсман од Иџет Мемети. Пратениците од опозицијата се спротивставија на изборот на Зибери затоа што според нив се работи за пазарење со фунцијата. Тој на функцијата доаѓа од нотарска канцеларија и од позиција на кандидат за премиер на ДУИ на минатогодишните избори.

Опозицијата се спротивстави на изборот и по паузата од расправата, не присуствуваше на гласањето во собраниската сала.
Повлекување на предлогот побараа Сурија Рашиди од Алијанса за Албанците и неговиот сопартиец Халил Снопче, кои посочија дека во Законот за Народен правобранител е наведено оти кандидатот треба да е независен, а тоа што само пред половина година бил партиски кандидат за премиер е уште еден парадокс во нелогичните феномени во државава.
Гордана Силјанова-Давкова од ВМРО-ДПМНЕ го нарече „многу чуден предлог“.


„Неприродно е довчерашниот политички статус да се трансформира во граѓански, неутрален и професонален и статус кој треба да им служи на граѓаните да ги штити од лошата администрација. Нема да ги штити некој кој преку партискиот мост постојано ќе биде блиску до администрацијата, а извештаите за нашата администрација велат дека е партизирана, политизирана и поданичка. Ако сте партиски човек, ќе одите по таа траекторија“, рече Силјановска-Давкова.


Од ДУИ го бранеа предлогот со укажување дека Насер Зибери ги исполнил условите и дека за кандидат за народен правобранител никаде не е наведено дека не може да се кандидира за премиер.

Функцијата народен правобранител е испразнета подолго од еден месец. Иџет Мемети, кој 16 години ја извршуваше оваа функција, неколку дена пред истекот на неговиот втор мандат стана член на Советот на јавни обвинители.

Пленковиќ: ЕУ размислува за тужби поради неисполнување на рокови за испорака на вакцини

Хрватскиот премиер Андреј Пленковиќ денеска изјави дека дипломатијата околу вакцините против Ковид-19 се претвора во нивно киднапирање. Тој на прес конференција во Загреб предупреди дека некои земји уплаќаат повеќе пари за да ги преземат резервираните дози вакцини за кои уплатиле земјите членки на Европската Унија.

Тој истакна дека „се случуваат одредени активности кои се надвор од договореното“ и посочи дека ќе инсистира на почитување на тие договори. Во врска со проблемите околу испорака на вакцините против коронавирус, Пленковиќ потсети дека сите лидери на ЕУ изразија многу силен став дека треба да се почитува планираната динамика на испорака на вакцини и потсети дека ЕУ вложила огромни средства во фармацевтски компании во процесот на истражување на вакцините.

На прашањето за евентуални тужби против производителите на вакцини, доколку тие не ги исполнат своите обврски, Пленковиќ одговори дека тоа ќе биде заедничка активност на ниво на ЕУ, бидејќи ЕК е страна во договорот, додавајќи дека „е опција да се искористат сите средства за исполнување на договорните обврски “.
Хрватска порача речиси шест милиони дози вакцини од различни производители преку ЕУ.



Нови 63 заболени од коронавирус и 6 починати лица

Клиника за инфективни болести во Скопје


Во изминативе 24 часа регистрирани се 63 нови случаи на заболени од коронавирус од направени вкупно 677 тестови. Евидентирани се 6 починати пациенти од компликации предизвикани од ковид-19.
Вкупната бројка на ковид дијагностицирани во нашата земја од почетокот на епидемијата изнесува 90717, бројката на оздравени пациенти е 78727, на починати е 2791, а бројот на активни случаи изнесува 9199.

ЕУ ја повика АстраЗенека да си го исполни договореното

Илустрација

Европската унија ја повика АстраЗенака до понеделник да најде начин за брза испорака на вакцините, откако компанијата најави дека ќе ги намали испораките, поради проблеми со снабдување, јавува новинската агенција Ројтерс. Во знак на револт, откако претходно и Фејзер објави одложување во снабдувањето, висок претставник на ЕУ за Ројтерс изјавил дека земјите членки во наредните денови ќе бараат од фармацевските компании да регистрираат извоз на вакцини против ковид-19.

АстраЗенека која ја разви вакцината во соработка со Оксфорд Универзитетот во петокот соопшти дека не може до март да ги испорача предвидените цели, што би значело дека испорачани 60 проценти помалку од планираните дози.

„Очекуваме компанијата да изнајде решенија и да ги искористи сите можности за брза испорака“ изјави портпаролот на ЕК Ерик Мамер.


Првиот човек на ЕК, Урсула фон дер Лајен утринава во телефонски разговор го потсетила директорот на Астра Зенека да не заборави кој прв треба да ги добие вакцините.
„ Јасно им стави до знаење дека очекува АстраЗенека да ги исполни договорените аранжмани предвидени со авансниот договор. Го потсети господинот Паскал Сориот дека ЕУ инвестираше значајни износи на пари исплатени однапред со цел да се осигура дека производството ќе се зголеми, пред Европската агенција за лекови да ја одобри вакцината за пазарот“ вели Мамер .
Портпаролот на АстраЗенека изјави дека Сориот и објаснил на Фон Дер Лајен дека компанијата прави се што може да за да ја донесе побрзо вакцината до европските граѓани. Во понеделнокот се појави вест во светските медиуми дека компанијата се справува со проблеми во снабдувањето.

Денеска извршниот директор на АстраЗенека Сориот го осуди пристапот „Јас прв“ од некои земји во потрагата по набавка на големи количини вакцини. Тој на денешниот виртуелен настан на Светскиот економски форум во Давос го посочи и недостатокот на подготвеност на земјите за справување со коронавирус пандемијата.
Правилната распределба на вакцините и за трети земји е тема на денешниот состанок на министрите за надворешни на ЕУ.

ДИК: Локалните избори ќе чинат повеќе од 4,3 милиони евра

Членовите на Државната изборна комисија - ДИК - со претседателот на Парламентот, Талат Џафери, по свечената заклетва

Државната изборна комисија (ДИК), на денешната прва јавна седница во новиот состав, ја усвои финанскиската програма за јавни набавки за 2021 година за спроведување на Локалните избори годинава, во износ од 263 милиони денари, односно околу 4,3 милиони евра.

Претседателот на ДИК, Александар Даштевски, изјави дека овие пари можеби нема да бидат доволни, бидејќи, како што рече, во некои општини ќе треба да се спроведат два круга на гласање. Во однос на средствата од три милиони денари кои не им се доделени од Министерството за финансии, Комисијата одлучи барањето повторно да биде доставено, а се однесуваат на набавка на техничка опрема за евиденција и идентификација на гласачите и за електронски избирачки список.

„Станува збор за фингер-принтери кој ќе ја олесни идентификацијата на гласачите, при што би требало да има софтвер со кој гласачот веднаш се идентификува, со што ќе се скрати постапката и ќе се врати довербата на гласачите во избирачкиот процес. Тоа е една од неколкуте мерките кои ги планираме за враќање на довербата на гласачите“, рече Даштевски.

Тренер по џудо доби 30 дена притвор поради силување деца

Илустрација

Притвор од 30 дена доби прилепскиот тренер по џудо, откако јавното обвинителство го обвини за силување односно полови дејствија врз деца. Основното јавно обвинителство-Прилеп поведе постапка против 46 годишен маж поради основано сомнение дека злоставувал деца. Во соопштението на обвинителството е наведено дека осомничениит е тренер по џудо и од април до ноември извршил кривично дело обљуба со злоупотреба на положбата.

„Осомничениот како тренер по џудо, од април до ноември 2020 година, во Прилеп и на други места, заради задоволување на полови страсти, со злоупотреба на својата положба извршил полови дејствија врз деца кои наполниле 14 години – ученички кои му биле доверени заради тренирање и воспитување“ се вели во соопштението.

Во него е наведено дека против осомничениот надлежниот јавен обвинител поднесе предлог за определување на мерка притвор до судијата на претходна постапка при Основниот суд во Прилеп.

Собранието ќе расправа за предлогот Зибери да биде нов Омбудсман

Предлог на ДУИ е нов омбудсман да биде Насер Зибери, кој беше нивни кандидат за „прв Албанец премиер“ на последните парламентарни избори во Македонија

По двочасовна расправа за утврдување на дневниот ред на 32. и 30. седница на Собранието, собранискиот спикер, Талат Џафери, отвори претрес по Предлог-одлуката за избор на Народен правобранител, односно Омбудсман.

За народен правобранител е предложен Насер Зибери, предлог зад кој застана ДУИ, а против се изјасни пратеничката група на Алијанса на Албанците и Алтернатива. Денеска пратеникот Сурија Рашиди од Алијанса за Албанците предложи седницата да почне најпрво со Предлог-одлуката за избор на Народен правобранител, но не доби поддршка од пратениците.

Насер Зибери, кој е поранешен пратеник во Собранието и актуелен нотар, беше и кандидат за премиер на ДУИ, во кампањата за последните парламентарни избори, на кои владејачките интегративци излегоа со концепт за „Прв Албанец премиер на Македонија“, што го промовираа во јули 2020 година.

Средношколскиот Сојуз контра Царовска: Бојкотот е оправдан

Архивска фотографија - Членови на Сојуз на средношколци

Да, државната матура е „право на избор и тоа право е неприкосновено“. Државната матура ја полагаат ученици кои сакаат да го „продолж[ат] своето образование“. Сепак, аргументот дека учениците во месец декември го оствариле своето право врз основа на личен избор не е баш најдобар, реагираше денеска Сојузот на средношколци по изјавата на министерката за образование, Мила Царовска, дека Министерството има законска обврска да го организира полагањето на матурата.

„Во декември, матурантите не беа сигурни дали воопшто ќе се одржи матурата (имаше матуранти кои бараа нејзино откажување). Токму затоа сите матуранти ги пријавија испитите, не сакајќи да се коцкаат со сопствената образовна иднина. Повторно користејќи го податокот за „над 14 илјади матуранти“, статусот вели: „Нема причини за откажување на матурата“. Тука нагласуваме дека Сојузот на средношколци не се залага за откажување на матурата. Сојузот не ги подржа средношколците кои тоа го бараа и инсистираше дека државна матура мора да има“, реагира Сојузот.

Оттаму велат дека „е јасно оти бојкотот на наставата не е за откажување на матурата, тука за нејзино изменување за оваа учебна година“, и затоа, како што велат, Сојузот не се согласува дека бојкотот е неоправдан, а предложените измени од страна на средношколците се целосно разумни и ја зачувуваат сериозноста на образовниот процес и интересот на учениците со оглед на „(не)квалитетот на наставата од далечина“.

Претходно министерката Царовска рече дека не е точно дека 70 отсто од матурантите ја бојкотираат наставата, туку дека само дел од нив, како и дека Министерството мора да организира полагање матура како негова законска обврска, а дека бојкотот на наставата е неоправдан.

Цукерберг, Маск и Безос можат со ланскиот профит да платат ковид вакцини за цел свет

Глобалната организација за борба против сиромаштијата Оксфам денеска соопшти дека за време на пандемијата десетте најбогати луѓе во светот го зголемиле својот капитал за вкупно 540 милијарди долари, додека сиромашните во светот се справуваат со потешкотии во надминување на економските последици од здравствената криза.

Вкупниот износ на зголеменото богатство на милијардерите како основачот на Амазон, Џеф Безос, потоа на Фејсбук, Марк Цукерберг, и основачот на Тесла, Илон Маск, е „повеќе од доволно да за платат вакцината против ковид-19 за сите во светот и да се осигура дека никој нема да биде на работ на егзистенција поради економската криза“ се вели во извештајот на глобалната организација.

Во него е наведено дека колу илјада најбогати луѓе на планетава си ги вратиле загубите од пандемијата во рок од девет месеци од нејзиното прогласување. Во меѓувреме, економското опоравување на најсиромашните може да потрае и повеќе од една деценија.

Организацијата Окфам ги повикува владите да размислат за даноците на „мегабогатите“ посочувајќи дека нивното вкупно богатство во декември изнесувало речиси 12 милијарди долари, што според добротворната организација е еднакво на целиот износ за економско закрепнување кои планираат да го дадат владите на Г20.

Пендаровски стави потпис на законот за попис

Skopje-annual address of the President Stevo Pendarovski to the Macedonian Parliament,16.12.2020

Македонскиот претседател Стево Пендаровски денеска го потпиша Указот за прогласување на Законот за попис на населението кој треба да се спроведе годинава. Указот, како што информираат од Кабинетот на Пендаровски, бил потпишан по извршените консултации со правни експерти.

„Пендаровски очекува процесот на спроведување на пописот да не се политизира, а добиените податоци да бидат од корист за севкупниот развој, со што ќе се овозможи формулирање на долгорочни стратегии во виталните области во државата“ се вели во соопштението од Кабинетот на претседателот Пендаровски.

Претходно Собранието на 21 јануари со 62 гласа „за“, без „воздржани“ и без „против“ го донесе Законот за попис на населението. Пописот ќе се спроведе во периодот од 1 до 21 април 2021 година.

Вкупно 610 заразени со ковид-19 се лекуваат во болниците низ земјава

Ковид-19 амбуланта во Скопје

Вкупната бројка на пациенти позитивни и суспектни на коронавирусот кои се лекуваат на инфективните оддели во главниот град и во болниците низ земјава е 610, соопштија од Министерството за здравство. Оттаму додаваат дека има околу 580 празни болнички кревети во ковид центрите.
Од Министерството за здравство посочуваат дека во текот на денот се прават и исписи на оздравени пациенти со што ќе се ослободат дополнителни легла.

Во нивното соопштение е наведено дека сите одделенија на клиничките болници располагаат со болнички места до кои има довод на кислород.

И јануарската пензија ќе се исплаќа етапно поради Ковид-19

Илустрација - Граѓани со заштитни маски за лице во Скопје

Oд утре почнува етапната и предвремена исплата на јануарските пензии за да се заштитат пензионерите од коронавирусот, соопшти денеска Министерството за труд и социјална политика (МТСП).

„Подигнувањето на пензиите преку филијалите и експозитурите на банките за пензионерите кои не користат картички ќе се реализира во четири групи, според висината на пензијата: Во вторник, на 26.01.2021 година исплата на пензии со висина до 11.000 денари; Во среда на 27.01.2021 година исплата на пензии во висина од 11.001 денари до 14.000 денари; Во четврток на 28.01.2021 година исплата на пензии во висина од 14.001 денари до 18.000 денари; и во петок, на 29.01. 2021 година исплата на пензии во висина над 18.000 денари“, информираше МТСП.

Пензионерите кои користат платежна картичка, поврзана со сметката на која се префрлува пензијата, со парите можат да располагаат од вторник 26 јануари . Тие можат да ја подигнат пензијата на банкомат, да ги користат средствата за плаќање во трговската мрежа или за електронски плаќања.

Законските измени заради вакцините ја поминаа првата собраниска фаза

Собрание на Република Северна Македонија

Предлог- измените на законот за јавни набавки со кои се предвидуваат измени на условите за набавки на вакцините против ковид 19 ќе се носи по скратена постапка. Пратениците со 61 глас „за“ , еден „против“ и 12 воздржани, одлучија по скратена постапка предлог- измените на законот да бидат испратени во собраниската комисија за буџет и финансирање, а потоа и во и законодавно-правната комисија на натамошна расправа.

Во предлог- измените на законот е наведено дека одредени одредби кои се вообичаени при нормално функционирање на пазарот на јавни набавки во овие околности создаваат потешкотии и неможност за задоволување на потребите.

„Тоа особено е евидентно при набавката на вакцини против КОВИД-19, при што Република Северна Македонија мора да ги искористи сите можни канали за снабдување, вклучително и директни контакти со производителите. Во овие услови, одредбите кои се предмет на дополнување не може да се применат и потребно е да се предвиди флексибилност во делот на исплата на аванс, согласно со воспоставената практика на производителите на вакцините на глобално ниво,“ се вели во предлог- измените на законот за јавни набавки.

Царовска: Само дел од средношколците ја бојкотира наставата

Мила Царовска

Министерката за образование и наука, Мила Царовска, денеска изјави дека „не е точно дека 70 проценти од учениците го бојкотираат наставниот процес, туку само дел од нив“.

„Државната матура е изборна, а нашата обврска како Министерство е да го обезбедиме правото на полагање на матура, посебно на оние ученици кои сакаат да го продолжат своето образование во високо образовни установи во нашата држава и надвор од неа“, истакна денеска министерката Царовска, на промовирањето на проектот за поставување на заштитни паравани во основните училишта во Општина Чаир.

Таа вели дека уште од првиот ден постојано соработуваат и разговараат со Сојузот на средношколци, каде, како што вели, имаат различни размислувања и барања.

„Последен пат имавме состанок минатата недела, кадешто утврдивме дека матурата оваа година се одвива согласно законот. Средното образование е задолжително во државата и токму затоа е важно да го почитуваме правото на учениците кои сакаат да полагаат матура. Утрово имав состанок со сите директори на средните училишта, нема бојкот на 70 проценти, туку само на дел од учениците. Важно е дека нашата обврска како Министерство за образование и наука и на општините, е да го обезбедиме правото на учениците кои што сакаат да полагаат матура“, истакна Царовска.

Таа нагласи дела учениците кои што не сакаат да полагаат државна матура имаат можност согласно Концепцијата за матура, да полагаат училишна матура, токму таму има два предмети и проектна задача или оние кои се во стручни училишта имаат можност да полагаат стручен испит.

Средношколците, пак, тврдат дека нивните барања се разумни и поддржани со меѓународни примери и „нема да се откажат додека не ги остварат“. Тие бараат наместо четири, да полагаат два предмети за државна матура.

Во Македонија нема мутиран ковид од Британија, доминираат 2 други мутации

Илустрација - Истражувачкиот центар за генетско инженерство и биотехнологија „Проф. Д-р Георги Ефремов“ во МАНУ

Министерството за здравство (МЗ) денеска информираше дека заклучно со 11 јануари 2021 година, според резултатите од анализите во Македонска академија на науките и уметностите (МАНУ), не е утврдено присуство на коронавирусот од Велика Британија во нашата земја.

Во лабораторијата на Истражувачкиот центар за генетско инженерство и биотехнологија - ИЦГИБ-МАНУ биле анализирани геноми на близу 180 SARS-CoV-2 вируси кај пациенти од Македонија дијагностицирани во периодот јуни 2020 – 11 јануари 2021 година.


„Соевите се изолирани од пацинети од различни градови од земјата. Од присутните соеви на вирусот, два (B.1.1 и B.1.1.70) се доминантни во нашата популација, присутни кај >75% од пациентите. И двата соја се присутни од почетокот на пандемијата, од кои B.1.1 сојот (присутен во цела Европа, а со највисока застапеност во Грција, Италија, Австрија, Шведска, Турција, Русија, итн.) има стабилна фреквенција, додека фреквенцијата на B.1.1.70 сојот (присутен со повисока фреквенција во Србија, Хрватска, Косово) се зголемува во последните месеци и во моментот е доминантен кај анализираните пациенти“, соопшти Министерството.

Според МЗ, претпоставките се дека варајантниот сој не е поврзан со зголемена трансмисивност, ниту пак со тежината на клиничката слика на заболените.

Поранешен грчки министер пронајден мртов на отворено море

Илустрација

Поранешниот грчки министер, Сифис Валиракис, синоќа беше пронајден мртов во морскиот дел во близина на островот Евија, откако претходно со неговиот мал чамец излегол да плови и му се изгубила трагата, јави МИА од Атина. Според грчките медиуми веројатно станува збор за несреќен случај, откако 77-годишниот Валиракис од непознати причини се лизнал и паднал од чамецот.

Грчката Крајбрежна служба соопшти дека во попладневните часови била известена за исчезнато лице, по што со девет чамци и бродови, еден хеликоптер, двајца нуркачи, два волонтерски тима, но и патролни возила на копно, започнала спасувачката акција. Прво бил пронајден чамецот, а подоцна и безживотното тело на поранешниот министер.

Сифис Валиракис (77), бил член на движењето на отпорот во Грција за време на воената диктатура, подоцна имал 15-годишна министерска кариера во повеќе ресори, а бил член на партијата ПАСОК.

За 24 часа во Македонија 420 казни за неносење заштитна маска

Илустрација - Граѓанин со заштитна маска

Вкупно 420 прекршоци за неносење лична заштита на лице се регистрирани во текот на изминатото деноноќие на територијата на целата држава, соопшти денеска Министерството за внатрешни работи (МВР).

МВР апелира до граѓаните да ги почитуваат мерките и протоколите донесени од Владата со цел справување со Ковид-19. Казната за неносење заштитна маска изнесува 20 евра.

Продолжување на постапката за отповикување на Трамп

Ненси Пелоси

Претседателката на Претставничкиот дом на американскиот Конгрес Ненси Пелоси, како што јавуваат новинските агенции, денеска планира да го проследи до Сенатот барањето за отповикување на Доналд Трамп за случувањата во зградата на Конгресот на 6 јануари. Трамп е првиот претседател за кој Претставничкиот дом гласаше двапати за отповикување и прв на кој ќе му се одржи судење за импичмент по напуштање на функцијата.

Судењето за импичмент на Трамп ќе започне во втората недела од февруари

Лидерот на републиканците во Сенатот, Мич Меконел предложи судењето за повлекување на Трамп да се одложи за февруари за да му се даде време да се подготви за случајот. „Републиканците во Сенатот се силно обединети зад принципот дека претседателската институција и поранешниот претседател Трамп заслужуваат целосен и фер процес што ги почитува неговите права“, рече Меконел. Претставничкиот дом гласаше за отповикување на Трамп за поттикнување упад во Конгресот на 6 јануари, со желба за брзо судење во Сенатот. Демократите и републиканците имаат по 50 места во горниот дом на Конгресот, а демократскиот потпретседател на Соединетите држави Камала Харис, според Уставот, има решавачко гласање во тоа тело.

Ковид-19 на врвот на агендата на Светскиот економски форум во Давос

Светски економски форум во Давос

Од денеска до 29 јануари ќе се одржи годинашниот, овој пат виртуелен Светски економски форум во Давос. На врвот на агендата на Форумот е пандемијата на ковид-19 која, како што се наведува, покажа дека ниту една институција или индивидуа не може да се справи со економските, еколошките, социјалните и технолошките предизвици на нашиот комплексен, меѓузависен свет. „Пандемијата ги забрза системските промени што беа очигледни и пред нејзината појава. Линиите на грешки што се појавија во 2020 година сега се појавуваат како клучна крстосница во 2021 година“.

Тунберг: Климатските барања беа целосно игнорирани во Давос

Ова се наведува во најавата за годинашниот Светски економски форум во Давос, во кое се додава: „Агендата во Давос е пионерска мобилизација на глобалните лидери за да ги обликуваат принципите, политиките и партнерствата потребни во овој предизвикувачки нов контекст. Од суштинско значење е лидерите од сите сфери на животот да работат заедно виртуелно за поинклузивна, кохезивна и одржлива иднина што е можно поскоро во 2021 година“.

Турција се надева дека разговорите за Медитеранот можат да ги смират немирните води со ЕУ

Турскиот претседател Реџеп Таип Ердоган

По пауза од пет години, обележана со поплаки во врска со нивните ривалски тврдења за водите на Медитеранот, Турција денеска ги продолжува разговорите со Грција, на првиот тест за нејзините надежи за враќање на влошените односи со Европската унија. Дипломатите велат дека обновата на довербата ќе биде тешка, а разговорите следат по одлуката на Турција да престане со потрагата по гас во спорните води што ги налути Грција и Кипар и заладувањето на реториката околу пошироките спорови на Анкара со ЕУ. Тие исто така може да го отворат патот за непосредна посета на Турција од страна на лидерите на ЕУ.

Турција и нуди на Грција преговори за спорот во Средоземното Море

Двете страни велат дека постои политичка волја за подобрување на односите, но по долгогодишниот бегалски бран, човековите права, воените интервенции на Турција и поделениот остров Кипар, приближувањето се чини далечна перспектива. Изразувајќи претпазлив оптимизам, шефот за надворешна политика на ЕУ, Жозеп Борел изјави дека гледа „прозорец на можности“, но дека Анкара треба „да се откаже од линијата на конфронтација“ и да побара дијалог. Турскиот претседател Реџеп Таип Ердоган, кој ја обвини Унијата за „стратешко слепило“ кон Турција, им рече на амбасадорите на ЕУ во Анкара овој месец дека е подготвен да ги подобри врските. Дипломатите велат дека ќе треба повеќе од промена на тонот и повлекување на турскиот брод а од спорните води за да се замолчат повиците на некои држави на ЕУ за санкции кон Анкара, за кои лидерите на ЕУ ќе разговараат во март.

Во Холандија судири на протестите против ограничувањата за коронавирусот

Полицијата користи воден канон за време на протест против ограничувањата воведени за спречување на ширењето на коронавирусот, Амстердам, Холандија, 24 јануари 2021 година.

Немири избувнаа во два холандски града на демонстрациите против мерките за блокирање на коронавирусот. Пожари беа подметнати во центарот на јужниот холандски град Ајндховен, каде што стотици бунтовници ја гаѓаа полицијата со камења. Полицајците реагирале со солзавец и водени топови и извршиле десетици апсења. Демонстрации против ограничувањата се одржаа и во Амстердам, каде што полицијата употреби водени топови за да ја растера толпата. Полицијата соопшти дека уапсила повеќе од 100 лица.

Земјите во ЕУ се борат со бавната дистрибуција на вакцините

Немирите се случија еден ден откако центарот за тестирање за ковид-19 беше запален во селото Урк во првата ноќ на новата забрана за движење од 21 часот до 04:30 часот. Министерот за правда Ферд Граперхаус го осуди насилството, наведувајќи: „Ова е едноставно криминално однесување; луѓе кои намерно таргетираат полиција, новинари и хуманитарни работници“. Во земјата е воведена строга блокада што треба да продолжи најмалку до 9 февруари.

Состанок на Советот за надворешни работи на ЕУ

знамето на ЕУ

На состанокот на кој ќе претседава Жозеп Борел, висок претставник на ЕУ за надворешна политика и безбедност, министрите најпрво ќе бидат информирани за тековните работи, вклучително и притворот за Алексеј Навални, како и за трансатлантските односи, во светлината на инаугурацијата на Џо Бајден за 46 американски претседател. Потоа министрите ќе ја разгледаат стратегијата на ЕУ за споделување на вакцините ковид-19 со нејзините глобални партнери.


Димитров и Османи во посета на Брисел

Тие исто така ќе направат преглед на состојбата со миграцијата во Босна и Херцеговина и неодамнешните случувања во врска со Турција, Египет, Рогот на Африка, регионот на Заливот, Хонг Конг и Венецуела. Министрите ќе разменат мислења за климатската и енергетската политика, со фокус на промовирање на надворешната димензија на Европскиот зелен договор. За време на неформалниот ручек, министрите ќе разговараат за соработката меѓу ЕУ и Британија.

Вчитај повеќе

XS
SM
MD
LG