Достапни линкови

Предвремени парламентарни избори во С. Македонија


Парламентарни избори 2020 - Гласачка кутија

Денеска е главниот ден на предвремените парламентарни избори за повеќето од запишаните 1.814.263 гласачи. Претходните два дена гласаа лицата заразени со ковид-19 и оние кои се изолирани заради коронавирусот, како и болните, луѓето што се во затвор, се приведени или се сместени во старечки домови.

ДИК: Граѓаните да излезат на избори, исполнети се сите услови за безбедно гласање

Гласањето е продолжено за два часа и ќе се одржи од 7 до 21 часот. На претходните избори гласањето завршуваше во 19 часот. Избирачите се поделени во шест изборни единици. Изборите ќе се одржат на 3.750 избирачки места. Никој нема да може да гласа без маска за лице. Маската ќе се отстранува само за идентификација на лицето кое сака да гласа. Секој избирач е должен да задржи растојание од 1,5 до 2 метри пред зградата и влезот во гласачкото место. Граѓаните ќе треба да ги дезинфицираат рацете пред да влезат и да излезат на избирачкото место.

Обвинителството воведе дежурства за следење на изборите

Петнаесет партии и коалиции се натпреваруваат за 120 места во македонскиот парламент. Ова се десетти парламентарни избори, а петти предвремени. Овие парламентарни избори требаше да се одржат на 12 април, но беа одложени на почетокот на пандемијата „ковид-19“ кога беше воведена вонредна состојба.

XS
SM
MD
LG