Достапни линкови

Во Солун рочиште за екстрадиција на Грујевски и Бошковски


Потерница од МВР за Никола Бошкоски и Горан Грујевски

Во Судот во Солун денеска треба да се одржи рочиште за барањето од македонските власти за екстрадиција на поранешните началници во Управата за безбедност и контраразузнавање Горан Грујевски и Никола Бошковски, обвинети од СЈО за предметот „Тврдина и Таргет“. Минатото судско рочиште беше одложено поради отсуство на адвокат од адвокатскиот тим на Грујевски и на Бошковски. Двајцата се во притвор во близина на Солун. Ним им се суди во солунскиот суд и за фалсификуваните пасоши со кои беа фатени на 18 октомври годинава на аеродромот во Солун, кога се обидоа да заминат за Будимпешта. Ова судење е одвоено од постапката за екстрадиција. Тоа досега беше двапати одложувано бидејќи Судот во Солун не можеше да обезбеди преведувач од македонски на грчки јазик и обратно.

XS
SM
MD
LG