Достапни линкови

Активни пожари кај Чашка, Македонски Брод и Маврово Ростуше


Пожар во близина на Требовље. Фото: ЦУК

Дирекцијата за заштита и спасување(ДЗС) соопшти дека во 12 часот се регистрирани активни пожари во општините Чашка, Македонски Брод и Маврово Ростуше. Ангажирани се два авиона, хеликоптери, 40 лица преку ДЗС во содејство и координација со „Македонски шуми“, како и месно население.

Во Општина Чашка пожарот е кај селото Богомила, месноста викана Бела Вода и Урбанци, село Дреново. Пожарот е на непристапен терен за гасење. Ангажирани се авионите на Дирекцијата за заштита и спасување и тој е локализиран. Авионите се упатени во селото Таор каде гори мешана шума.

Кај Македонски Брод пожарот е околу селото Калуѓерец и месноста Сува Гора кај селото Волче, каде гори запалена сува трева и лисната постилка од борова шума.

Во Општина Маврово-Ростуше регистриран е нов пожар на планината Бистра каде гори трева и смрека. На терен се лица од ЈП „Лопушник“.

Како што соопшти ДСЗ, изгаснати се пожарите кај кумановските села Проевце, Орашец, Слупчане и Умни Дол, во беровско кај месноста Копан Поток, Маџила, село Будинарци и Кочански Рид, село Владимирово. Изгаснати се и пожарите кај гостиварската

Заклучно со вчерашниот ден, според ДСЗ, авионите вкупно имале 295 налети со 837 тони вода. Хеликоптерите се ангажирани во селото Дреново, кај месноста Урбанци.

XS
SM
MD
LG