„Македонскиот народ заслужува поголемо почитување од сите страни“

Искусниот и меѓународно признат фотограф Горан Тачевски се родил и пораснал во Скопје. Семејните околности го однеле во Хрватска, а професионалните предизвици потоа во Париз и во Прага, каде сега живее. Во текот на следните 365 дена често ќе доаѓа дома за низ фотографскиот објектив да лови приказни за обични луѓе во реални ситуации, низ македонските градови и села. Планот му е фотографиите да ги стави во книга за да ја прикаже неговата перспектива на животот овде.