Чистач на „шофершајбни“: Се бориме за парче леб наместо да крадеме

На повеќе крстосници низ Скопје возачите редовно се среќаваат со чистачите на ветробранските стакла или „шофершајбните“. Од Министерството за внатрешни работи велат дека службениците на терен постојано преземаат мерки и активности, приведуваат и издаваат налози за прекршок, но нашиот соговорник тврди дека досега немал проблем со полиција, иако речиси три години го работи ова. Решил вака да се бори за парче леб, бидејќи како што вели, нема друг избор, откако обидите да најде работа биле безуспешни, а ветувањата лажни.