Достапни линкови

Неконвенционална конвенција за втор мандат на Трамп


Американскиот претседател Доналд Трамп пристигнува на митинг во Јума, Аризона на 18 август 2020 година.

Претседавањето на Доналд Трамп беше сè, освен конвенционално. И тоа е малку веројатно дека ќе се промени на Републиканската конвенција за негова номинација за втор мандат. Трамп својот говор на прифаќање на кандидатурата ќе го одржи во Белата куќа.

За време на неговите скоро четири години на власт, американскиот претседател Доналд Трамп беше неспорно контроверзен и неконвенционален лидер.

Тој ги критикуваше сојузниците, ги фалеше авторитарните лидери, ги напаѓаше медиумите како „непријатели на народот“ и ги користеше социјалните медиуми за да ги нападне неговите критичари.

Трамп покрена и етички прашања поставувајќи ја својата ќерка и неговиот зет за претседателски советници.

Обама: Трамп ја третира функцијата Претседател како реално шоу

Сега неговите планови за Републиканската национална конвенција, од 24 до 27 август, се да ги прекрши сите традиции на начини на кој критичарите велат дека би можеле да бидат спротивни на правните и етичките норми.

Трамп изјави дека има намера да ја прифати номинацијата на неговата партија на 27 август со говор од Белата куќа.

Трамп - Од политичко изненадување до кандидатура за втор мандат
please wait

No media source currently available

0:00 0:04:44 0:00

Некои експерти велат дека планот ги крши децениските норми што ги почитуваа претседателите, односно да не се користи федерален имот за изборна кампања.

Понатаму, експертите сметаат дека вработените во извршната власт кои му помагаат на Трамп во неговите планови би можеле да бидат обвинети за кршење на законот од 1939 година со кој се забранува владини претставници да се вклучат во кампањи во текот на нивната служба.

Телевизијата NBC објави дека Трамп исто така има намера да ја наруши традицијата со тоа што ќе одржува говори во текот на сите четири дена на Конвенцијата.

Бајден виртуелно ќе ја прифати номинацијата за претседателски кандидат

Кандидатот за претседател на партијата генерално се појавува само на последниот ден, како што тоа го направи поранешниот потпретседател и претседателски кандидат на Демократската партија Џо Бајден на конвенцијата на неговата партија на 20 август.

Планирање

Планирањето за Републиканската национална конвенција беше бурно како и претседателството на Трамп, кое тој сака да го задржи кога ќе се соочи со Бајден на 3 ноември.

Републиканската партија првично имаше намера да одржи традиционален митинг во затворена кошаркарска арена во Шарлот, Северна Каролина, држава во која се очекува претседателската трка да биде многу тесна.

Американскиот амбасадор во Израел Дејвид Мелех Фридман и високиот советник на Белата куќа Џаред Кушнер аплаудираат откако американскиот претседател Доналд Трамп најави мировен договор меѓу Израел и Обединетите Арапски Емирати во Белата куќа во Вашингтон
Американскиот амбасадор во Израел Дејвид Мелех Фридман и високиот советник на Белата куќа Џаред Кушнер аплаудираат откако американскиот претседател Доналд Трамп најави мировен договор меѓу Израел и Обединетите Арапски Емирати во Белата куќа во Вашингтон

Но, кога гувернерот на државата навести во мај дека тој не може да гарантира масовен собир заради пандемијата на коронавирус, Трамп - кој ужива во големи митинзи - се обиде да ги премести повеќето јавни делови на конвенцијата во Џексонвил, Флорида, клучна држава поради нејзиното големо население.

Трамп ја откажа конвенцијата на републиканците

Сепак, Флорида доживеа наплив на нови случаи на коронавирус во јуни и јули, поради што Трамп се сврте назад кон Северна Каролина и, на крајот, поголемиот дел од конвенцијата стана виртуелен настан.

На првиот ден на Конвенцијата ќе бидат присутни шест делегати од секоја држава.

Делегатите ќе треба да носат маски, а нивните места ќе бидат поставени на два метра оддалеченост, како што препорачуваат здравствените службеници за да се спречи ширењето на вирусот.

Спротивно на тоа, демократите им порачаа на своите делегати да не патуваат во Милвоки, каде првично планираа да ја одржат својата конвенција од 17-20 август, пред да ја претворат во виртуелен настан.

Претседателски избори во САД - Трамп или Бајден?
please wait

No media source currently available

0:00 0:06:38 0:00

Коронавирус, спроведување на законот Демократите ја искористија својата четиридневна конвенција да го оцрнат Трамп како лидер кој раздвојува и кој ги влоши расните и етничките тензии во земјата. Тие, исто така, тврдеа дека тој не успеа да го задржи коронавирусот и падот на американската економија.

Американската економија доживеа голема вработеност и раст на платите под Трамп во текот на неговите први три години, при што невработеноста падна на најниско ниво за половина век, а индексите на берзата кршеа рекорди.

Трамп: немам ништо со мешањето на Русија во кампањата

Но, мерките за пандемијата на коронавирус предизвикаа невработеноста да се зголеми во април дури на 14,7 проценти, број што не е забележан од Големата депресија од 1930-тите.

За време на нивната конвенција, републиканците ќе ги истакнуваат рекордите и ќе ги отфрлат обвиненијата на Трамп за коронавирусот. Тие, исто така, ќе ги потенцираат достигнувањата на администрацијата што се покажаа како најпопуларни кај неговите приврзаници - огромно намалување на даноците, назначувања на стотици конзервативни судии, признавање на Ерусалим за главен град на Израел и спречување на имиграцијата.

Трамп пак, ќе се прикаже како бранител на минатото на Америка и на „законот и редот“ од „радикалите“ за кои вели дека сакаат да го преработат минатото и да го укинат владеењето на правото.

Кој ќе го преземе подиумот?

Историските расни поделби во Америка уште еднаш дојдоа во првите редови на политичката дебата во земјата во мај, по убиството на Џорџ Флојд, невооружен Афроамериканец, од страна на полицијата во Минеаполис за наводно помало кривично дело.

Видео од убиството, во кое Флојд му кажува на службеникот кој му клекнува на грб дека не може да дише, стана вирално, предизвикувајќи широки протести против полициската бруталност кон Афроамериканците.

Некои од протестите се претворија во насилства, со грабежи и уништување на приватниот и владиниот имот, вклучително и палење на една полициска станица.

Трамп сподели видеото со расистичка порака, па го избриша

Сопругата на пензионираниот полициски капетан во Сент Луис, кој беше убиен во текот на ноќта на насилни грабежи додека заштитуваше една продавница, ќе зборува на конвенцијата.

Исто така, ќе говорат Патриша и Марк МекКлоки, брачна двојка од Сент Луис, чија снимка стана вирална, откако застанаа пред нивниот дом со оружје додека демонстрантите маршираа.

Други говорници ќе бидат членовите на семејството Трамп, поранешниот американски амбасадор Ники Хејли и сенаторот Тим Скот од Јужна Каролина, единствениот црн републикански член на Сенатот.

Првата дама Меланија Трамп ќе зборува на 25 август, додека потпретседателот Мајк Пенс ќе ја прифати својата номинација во говорот на 26 август од Форт Мекенри во Балтимор, каде се водеше битка во 1814 година која го инспирираше Френсис Скот Кив да ја напише песната што подоцна стана национална химна на САД.

Трамп на Денот на независноста со пофалби за справувањето со коронавирусот

Трамп се судри со многу личности во неговата партија околу неговата политика и неговото однесување, вклучувајќи го и кандидатот за претседател на републиканците во 2012 година, Мит Ромни, кој сега е сенатор од Јута, и поранешниот претседател Џорџ Буш.

Ромни беше единствениот републикански сенатор што гласаше за импичмент на Трамп во врска со телефонскиот раговор на претседателот во 2019 година со неговиот украински колега, Володимир Зеленски.

Во мај, Трамп го критикуваше Буш, откако тој повика да се прекине трамповата политика во борбата против коронавирусот.

По затворањето на конвенцијата на 27 август, следниот голем чекор во претседателската кампања ќе бидат дебатите меѓу Трамп и Бајден. Првата е закажана за 29 септември, а уште две се закажани за октомври.

  • 16x9 Image

    Гоце Атанасов

    Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

XS
SM
MD
LG