Достапни линкови

Столтенберг му честиташе на Заев за победата на СДСМ на изборите


Премиерот Зоран Заев и генералниот секретар Јанс Столтенберг во седиштето на НАТО

Генералниот секретар на НАТО Јенс Столтенберг му честиташе на лидерот на СДСМ Зоран Заев за победата на неговата партија на предвремените парламентарни избори. Според СДСМ, во телефонскиот разговор, Столтенберг изразил задоволство што „реизбраното политичко раководство во Северна Македонија ја воведе земјата во НАТО како 30-та членка со своите храбри и правилни политики“. „Ова ја потврдува решеноста на Република Северна Македонија, како членка на Алијансата, да продолжи со реформскиот пат што значи напредок, развој и стабилност“, оценил Столтенберг.

Пендаровски: Прво консултации со партиите, па доделување на мандат за Влада

Новата влада, која како што рекол Заев во разговорот, повторно ќе ја води СДСМ „ќе продолжи со уште посилно темпо посветено на работењето, особено на полето на економскиот напредок, на реформите во судскиот систем, како и на политиките што ќе донесат развој и подобар живот за сите граѓани“. На предвремените парламентарни избори на 15 јули, СДСМ освои најмногу места во парламентот со 120 места - 46, два повеќе од главниот ривал на конзервативната опозиција ВМРО ДПМНЕ, а Заев најави дека преговорите за формирање на нова коалициска влада ќе започнат по Илинден на 2 август.

XS
SM
MD
LG