Достапни линкови

Агенцијата се оградува од разузнавачот кој направил инцидент на Супер Купот


Реал Мадрид го освои трофејот во УЕФА Супер купот.

Агенцијата за разузнавање (АР) денеска соопшти дека изразува жалење и го осудува инцидентот кој се случи вчера пред арената „Филип Втори" во Скопје за време на Супер Купот, а во кој беше инволвиран нивен вработен, истовремено оградувајќи се од сите индивидуални постапки на вработените надвор од работното време.

Министерот за внатрешни работи Оливер Спасовски денеска на прес-конференција на која се осврна за безбедноста на граѓаните и учесниците во Суперкупот на УЕФА, меѓу останатото, наведе дека е забележано спречување службено лице во вршење службено дејствие од вработен во Агенцијата за разузнавање. Тој се обидел преку ред и со службена легитимација да влезе на градскиот стадион на европскиот Супер куп.

Министерот Спасовски информираше дека се приведени 14 луѓе од кои шест странски и осум македонски државјани. Дел од нив препродавале билети од Суперкупот, дел прекршувале Закон за трговија, а полицијата трага по таксист кој ограбил британски државјанин од кој одзел 400 евра и златен ланец.

XS
SM
MD
LG