Авганистанци бегаат од талибанците во Кабул и во Пакистан

август 13, 2021

Гоце Атанасов

Десетици илјади луѓе го преплавија авганистанскиот главен град Кабул и граничните премини со Пакистан за да ја избегнат ескалацијата на борбите меѓу талибанските милитанти и владините сили.

Бидејќи повеќе главни градови на провинциите паднаа во рацете на Талибанците, авганистанското Министерство за бегалци и репатријации соопшти дека повеќе од 35.000 семејства пристигнале во главниот град во текот на минатата недела и дека службениците се борат да им обезбедат храна и засолниште.

Покажи повеќе Show less

1 Раселените Авганистанци се туркаат за храна во Кабул.

2 Илјадници внатрешно раселени лица дојдоа во северниот дел на Кабул, во областа Хаир Кана на 11 август. Многумина допатуваа од Бадакшан, Баглан, Кундуз, Тахар и други авганистански провинции, кои беа совладани од талибанските милитанти.

3 Децата кои избегаа од неодамнешните борби, наоѓаат сигурност во главниот град на Авганистан, Кабул.

4 Внатрешно раселените авганистански семејства се одмараат во Кабул по бегството од провинциите Кундуз и Тахар, каде што се водеа борби меѓу талибанските милитанти и авганистанските безбедносни сили.

Вчитај повеќе

Гоце Атанасов

Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

atanasovg@rferl.org