Настаните на денот низ фотографии - 19 септември 2022
Леб и политика
![МАКЕДОНИЈА - Со цел помало трошење струја, министерот за економија Крешник Бектеши денеска се сретна со поглаварот на Исламската верска заедница (ИЗВ), реисот Шаќир Фетаху за да побара помош за почитување на мерките за штедење на струја од страна на ИВЗ и нејзините верници. Притоа најави дека за истото ќе разговара и со Македонската православна црква.](https://gdb.rferl.org/4619e90c-12a4-4954-a3bf-b1520873933a_w1024_q10_s.jpg)
1
МАКЕДОНИЈА - Со цел помало трошење струја, министерот за економија Крешник Бектеши денеска се сретна со поглаварот на Исламската верска заедница (ИЗВ), реисот Шаќир Фетаху за да побара помош за почитување на мерките за штедење на струја од страна на ИВЗ и нејзините верници. Притоа најави дека за истото ќе разговара и со Македонската православна црква.
![МЕКСИКО - Силен земјотрес денеска го погоди западниот дел на Мексико и ги затресе зградите оддалечени стотици километри од Мексико Сити на годишнината од двата големи потреси во 1985 и 2017 година, соопштија сеизмолозите. Националната сеизмолошка агенција објави дека земјотресот бил со јачина од 7,4 степени, додека Геолошкиот институт на Соединетите Американски Држави го проценил на 7,6.](https://gdb.rferl.org/09870000-0aff-0242-c06c-08da9a73bd96_w1024_q10_s.jpg)
2
МЕКСИКО - Силен земјотрес денеска го погоди западниот дел на Мексико и ги затресе зградите оддалечени стотици километри од Мексико Сити на годишнината од двата големи потреси во 1985 и 2017 година, соопштија сеизмолозите. Националната сеизмолошка агенција објави дека земјотресот бил со јачина од 7,4 степени, додека Геолошкиот институт на Соединетите Американски Држави го проценил на 7,6.
![СЛОВЕНИЈА - Словенија да испорача тенкови за Украина, а за возврат словенечката армија од Бундесверот да добие тешки товарни возила, договориле денеска во телефонски разговор словенечкиот премиер Роберт Голоб и германскиот канцелар Олаф Шолц.](https://gdb.rferl.org/01160000-0aff-0242-8dce-08da666c6e2a_w1024_q10_s.jpg)
3
СЛОВЕНИЈА - Словенија да испорача тенкови за Украина, а за возврат словенечката армија од Бундесверот да добие тешки товарни возила, договориле денеска во телефонски разговор словенечкиот премиер Роберт Голоб и германскиот канцелар Олаф Шолц.
![УКРАИНА - Сепаратистичките власти поддржани од Москва во источниот украински регион Луганск осудија вработен во Организацијата за безбедност и соработка во Европа (ОБСЕ) на 13 години затвор.](https://gdb.rferl.org/013e0000-0aff-0242-0111-08da7b86ed6f_w1024_q10_s.jpg)
4
УКРАИНА - Сепаратистичките власти поддржани од Москва во источниот украински регион Луганск осудија вработен во Организацијата за безбедност и соработка во Европа (ОБСЕ) на 13 години затвор.