Настаните на денот низ фотографии - 7 јуни 2022
Леб и политика
1
МАКЕДОНИЈА - Во 2021 година се регистрирани 20 живородени деца од мајки на возраст под 15 години, покажуваат податоците на Државниот завод за статистика. Во денешното соопштение е наведено дека минатата година се родени вкупно 18 790 деца, од кои живородени се 18 648, а мртвородени 142. Бројот на живородените деца во 2021, во споредба со минатата година, е намален за 2.0 %.
2
МАКЕДОНИЈА - Основното јавно обвинителство Битола соопшти дека поведе кривична постапка против едно лице за Предизвикување општа опасност, а по опожарувањето на клубот Ванчо Михајлов во Битола.
3
МАКЕДОНИЈА - Државниот завод за статистика и во мај измери двоцифрен раст на трошоците за живот од 12,1 процент, додека на годишно ниво достигна 11,9 отсто. Лебот, зејтинот и млекото се трите производи кои поскапеле од 15 до 40 проценти за една година, од мај лани, до мај годинава. Зголемување на цените за 6,7 проценти има кај шеќерот и чоколадото, кафето и чајот за 3,1 процент додека месото за 2,5 проценти. Трошоците на животот во мај годинава во однос на претходниот месец се зголемени за два проценти, а цените на мало за 1,5.
4
САД / ЕУ / РУСИЈА - Соединетите Држави се вклучени во „исклучително активни“ дискусии со европските земји со цел да се најдат повеќе начини за ограничување на приходите од руската нафта, изјави денеска американскиот министер за финансии Џенет Јелен.
Категории
- Македонија
- Свет
- ТВ Тема на неделата
- ТВ Тема на денот
- Во 90 секунди
