Настаните на денот низ фотографии - 11 јануари 2022
Мандатари, тенисери, ракети...
1
ШВАЈЦАРИЈА - Повеќе од половина жители на Европа се очекува да се заразат со Омикрон сојот на коронавирусот во следниве два месеца, соопшти Светската здравствена огранизација денеска додека милиони во Кина се соочуваат со нови затворања на двегодишнината од првиот смртен случај од ковид во светот. Високозаразниот сој се шири низ земјите со брзо темпо поради што владите преземаат новите мерки и повикуваат на земање засилувачка трета доза вакцина.
2
САД / АВГАНИСТАН - Соединетите Американски Држави ќе донираат дополнителни 308 милиони долари хуманитарна помош за Авганистан, објави Белата куќа на 11 јануари, со што вкупната американска помош за земјата погодена од војна изнесува речиси 782 милиони долари.
3
МАКЕДОНИЈА - Претседателот на Собранието Талат Џафери седницата за избор на новиот состав на владата ќе ја свика во сабота, 15 јануари 2022 година, во 11:00 часот. Ова Џафери му го соопштил на мандатарот Димитар Ковачевски на денешната средба кога тој во Собранието ги достави предлозите за состав на новата влада и програмата за работа.
4
БУГАРИЈА / МАКЕДОНИЈА - Посетата на премиерот на Бугарија Кирил Петков на Скопје денеска првично беше одложена поради самоизолација на Петков поради контакт со ковид-позитивен, а потоа македонското МНР соопшти дека по консултациите на двете Министерства, последната одлука е дека бугарскиот премиер доаѓа во Скопје на 18 јануари, како што беше и планирано.
Категории
- Македонија
- Свет
- ТВ Тема на неделата
- ТВ Тема на денот
- Во 90 секунди
