Пожарите во Македонија локализирани, но сè уште постои опасност

Во моментов во Македонија има активни пожари во кумановско, битолско, штипско, струмичко и во скопскиот регион. Пожарите кои вчера избувнаа на повеќе локации низ земјава ноќеска беа локализирани, но и натаму се активни и не е отстранета опасноста од нивно повторно разгорување и проширување. Во гаснењето помагаа и АРМ. Деветтемина жители на Кочани кои синоќа побараа лекарска помош поради вдишување на чад како последица од пожарот се во добра здравствена состојба и сите се пуштени дома, информира Министерството за здравство.