Достапни линкови

Во Словенија регистрирани само 13 нови случаи на заразени со коронавирусот


Архивска фотографија: Словенечки граничар на границата со Италија, која е една од најжестокот погодените држави од коорнавирусот

Словенечката Влада објави дека во земјата се регистрирани само 13 случаи на новозаразени со коронавирусот, јави дописникот на МИА од Љубљана.

Овие новозаразени се откриени во последното деноноќие кога се тестирани 1.250 лица.

Од сите инфицирани, болнички се лекуваат 93 пациенти, а на интензивна нега се наоѓаат 27 лица со потешка форма на КОВИД-19.

Во изминатите 24 часа од болница се отпуштени осум пациенти, а четири лица починаа како последица од инфекцијата.

Жариште на заразата остануваат домовите за стари лица, од каде се и најголем дел од новозаразените.

Здравствените власти во Словенија констатираа дека земјата ја ставила под контрола заразата и почнаа со постепено укинување на ограничувањата за граѓаните и компаниите.

XS
SM
MD
LG