Достапни линкови

Законот за јазици - избрзано решение или реална потреба?


Собрансиска седница за законот за јазиците.

Законот за употреба на јазиците требаше да се донесе многу порано и не е вистина дека истиот е донесен без дебата, тврди лидерот на Алијансата за Албанците, Зијадин Села. Експертите, пак, сметаат дека носењето на законот е тест за капацитетот на владејачката коалиција.

За претседателот на Алијансата за Албанците, Зијадин Села, Законот за употреба на јазиците не само што не е донесен набрзина и без дебата, туку и задоцнето. Во неделното интервју на Радио Слободна Европа тој вели дека законот е реформски приоритет и елементарно право на граѓаните Албанци, а како неодговорни ги толкува изјавите на дел од европските дипломати кои посочија дека со законот не треба да се брза, затоа што не тој не е дел од итните реформски приоритети.

Села вели дека однесувањето на опозицијата во врска со ова прашање е политички театар пред граѓаните и глумење патриотизам.

„Зборуваме дека законот е донесен без дебата што не е вистина, можноста ја имале сите за дебата, а забораваме дека во 2008 година беа донесени над 100 закони меѓу кои и законот за употреба на јазиците од страна на истите политички актери кои се спротиставија на донесувањето и кои бараа јавна дебата. Ова беше непотребна реакција од нивна страна, ова е само играње политики и патриотизам пред народот, бидејќи истите политички актери кога се формираше ново мнозинство го прифатија законот и не се согласија само за СЈО. Значи се работи само за театар и ништо друго“, вели Села во интервјуто.

Според аналитичарите пак носењето на законот е избрзано и резултат на коалициски договор меѓу СДСМ и ДУИ.

„Мислам дека тајмингот е одбран од причина што Република Македонија се подготвува за тешки одлуки коишто ја очекуваат во следниот период па оттука и Законот за јазиците е своевиден тест за тоа каков е капацитетот на коалиционите партнери за донесување на крупни одлуки. Видовме дека опозицијата жестоко се спротистави, а бевме сведоци и на кратка дебата околу потребата а носењето на законот за употреба на јазиците“, вели професор Митко Гаџовски.

Дали законот ќе ја зацврсти врската меѓу коалициските партнери, ќе се види допрва, вели Гаџовски.

„Можно е да не помине се така како што замислуваат СДСМ и ДУИ. Се уште законот не е потпишан од претседателот, а доколку и биде има следна инстанца каде што ВРМО-ДПМНЕ најави дека ќе го оспори, а тоа е Уставниот суд“, изјави Гаџовски, според кој приказната за овој закон нема да има свој епилог во скоро време.

Инает наместо дијалог
please wait

No media source currently available

0:00 0:01:40 0:00

  • 16x9 Image

    Марија Тумановска

    Марија Тумановска, родена 1981 година во Струмица. За време на студентските денови, волонтира во некои од пишаните медиуми. По завршувањето на факултетот за новинарство, станува соработник во детската редакција на Македонското радио, Радио Скопје. Подоцна работи во културниот сектор на истиот медиум. Во Радио Слободна Европа е од декември 2004 година.

XS
SM
MD
LG