Урнатини во Мостар и 25 години по војната

јануари 27, 2021

Гоце Атанасов

Десетици репрезентативни, историски градби низ Мостар, кои беа сериозно оштетени во војната 1992-1995 година, сè уште стојат во урнатини и претставуваат опасност за луѓето и сообраќајот.

Повеќето од овие згради се наоѓаат на улицата Маршал Тито, попозната меѓу жителите на Мостар како Главна улица, која се наоѓа во близина на Стариот мост, во источниот - претежно бошњачки - дел од Мостар.

Неколку срушени јавни згради се наоѓаат и на Шпанскиот плоштад, во центарот на Мостар, каде што во текот на 1993 и 1994 година имаше линија меѓу силите на Хрватскиот совет за одбрана (ХВО) и Армијата на Република БиХ.

Како што претходно беше објаснето од градските власти, зградите останаа нереновирани поради недостаток на инвестиции, но и поради нерешени имотно-правни односи, бидејќи овие згради беа изградени делумно како приватни за време на австро-унгарската администрација во БиХ, а беа национализирани за време на социјалистички период.

Градските власти исто така тврдат дека реконструкцијата на уништените згради низ Мостар зависи и од повисоките нивоа на власта - кантони, ентитети и државата БиХ.

Покажи повеќе Show less

1 Универзитетска библиотека; урнатината на зградата на улицата Никола Шубиќ Зрињски, која до војната се викаше шеталиштето на Ленин; таму се наоѓала библиотеката на универзитетот Џемал Биједиќ во Мостар; меѓу жителите на Мостар позната е и како куќа на Мујага Комадина, градоначалник на Мостар од времето на австро-унгарското владеење во Босна и Херцеговина.

&bdquo;Стаклена банка“; тоа е зграда на Стопанска банка Сараево, изградена непосредно пред војната во 1992 година, која беше застаклена во времето пред конфликтот и во тоа време беше една од најмодерните згради; иако владата на ентитетот на Федерацијата БиХ го купи објектот пред три години за да смести пет министерства кои според уставот на Федерацијата БИХ се со седиште во Мостар, тој сè уште не е обновен. — 2 „Стаклена банка“; тоа е зграда на Стопанска банка Сараево, изградена непосредно пред војната во 1992 година, која беше застаклена во времето пред конфликтот и во тоа време беше една од најмодерните згради; иако владата на ентитетот на Федерацијата БиХ го купи објектот пред три години за да смести пет министерства кои според уставот на Федерацијата БИХ се со седиште во Мостар, тој сè уште не е обновен.

3 Зградата на Стопанска банка Сараево и Стопанската комора на БиХ; се наоѓа на Шпанскиот плоштад во Мостар, во централната градска зона, на поранешната линија на поделба; исто така бил изградена за време на СФРЈ (Социјалистичка Федеративна Република Југославија) и била сериозно оштетена во последната војна.

Зградата меѓу жителите на Мостар, попозната како &bdquo;Јагне“, на Шпанскиот плоштад; каде што во времето пред војната имало истоимен ресторан; тоа се згради изградени и за време на австро-унгарската администрација во БиХ. Во истиот ред згради, на спротивниот крај, се наоѓа голема урнатина во која се наоѓаше седиштето на тогашната Љубљанска банка во Мостар, која исто така беше изградена за време на СФРЈ (Социјалистичка Федеративна Република Југославија). — 4 Зградата меѓу жителите на Мостар, попозната како „Јагне“, на Шпанскиот плоштад; каде што во времето пред војната имало истоимен ресторан; тоа се згради изградени и за време на австро-унгарската администрација во БиХ. Во истиот ред згради, на спротивниот крај, се наоѓа голема урнатина во која се наоѓаше седиштето на тогашната Љубљанска банка во Мостар, која исто така беше изградена за време на СФРЈ (Социјалистичка Федеративна Република Југославија).

Вчитај повеќе

Гоце Атанасов

Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

atanasovg@rferl.org