Матуранти - „Не е крајот што го очекувавме“

Матурантите месецов требаше да ја имаат матурската прослава. Меѓутоа, заради епидемијата од коронавирусот, ниту ќе имаат прослава, ниту ќе полагаат државна матура. Разговаравме со тројца матуранти од СУГС „Орце Николов“ – Стефан Митиќ, Благоја Насковски и Мила Здравсковска. Тројцата жалат што ќе немаат последна поголема дружба како генерација или клас. Веќе од есен, според плановите, Митиќ ќе студира во Абу Даби, Здравковска на Филозофскиот факултет, а Насковски размислува за студии меѓу економија и право.