Достапни линкови

Апелација- на Груевски и понатаму ќе му се суди за „Траекторија“


Архивска фотографија- Апелационен Суд

Иако судијата од Основниот кривичен суд Скопје, Горан Бошевски пред еден месец констатираше дека делото за поранешниот премиер Никола Груевски во предметот „Траекторија“ е застарено, Апелацискиот суд Скопје го поништи ваквото решение. Ова значи дека на Груевски и понатаму ќе му се суди за злоупотребите при изградбата на автопатите Штип-Миладиновци и Кичево -Охрид.

Од Апелацискиот суд велат дека по жалбата на Обвинителството донеле одлука дека судијата не можел да донесе вакво решение, туку застареноста на делото се констатира единствено со одбивателна пресуда, поради што предметот се враќа повторно во Основниот кривичен суд Скопје. Од Апелација додаваат дека одлуката е укината од формални причини.

Од второстепениот суд информират дека денеска ја одбиле жалбата на поранешниот министер Миле Јанакиески за укинување на неговиот притвор, кој му е определен за случајот „Шпански скали”.

XS
SM
MD
LG