Достапни линкови

Вести

Гордон Браун најави дека ќе се повлече од лабуристичката партија

Британскиот премиер Гордон Браун денеска изјави дека се повлекува од функцијата лидер на лабуристите. „Немам желба да ја извршувам мојата сегашна должност подолго одошто е потребно. Треба да се потврди дека патот кон економски раст е сигурен и дека процесот на политичка реформа за која се договоривме ќе се одвива брзо“ рече Браун, најавувајки дека неговиот наследник ќе ја превземе функцијата претседател на партијата во Септември, на закажаниот конгрес на лабуристите.

види ги сите денешни вести

Гаспром најави тридневен прекин на испораката на гас за Европа

Илустративна фотографија.

Гасоводот Северен тек 1, кој ја снабдува Европа со руски гас под Балтичкото Море, ќе биде затворен од 31 август до 2 септември поради одржување на единствениот преостанат гасен компресор, објави денеска рускиот енергетски гигант Газпром.

Затворањето ќе доведе до дополнителни нарушувања во снабдувањето со гас во Европа, бидејќи гасоводот веќе работи со само 20 отсто од својот капацитет.

„По завршувањето на работите, транспортот на гас ќе биде вратен на ниво од 33 милиони кубни метри дневно“, соопштија од Гаспром.

Целосниот капацитет на „Северен тек 1“ е 167 милиони кубни метри дневно.

Цените на гасот во Европа денеска достигнаа нов рекорд, по најавата на Гаспром.

Гаспром претходно најави потреба од поправка на други компресори, а некои експерти предвидуваат дека Русија би можела целосно да го прекине снабдувањето пред зимската грејна сезона.

Путин се согласил во Запорожје да бидат испратени експерти на МААЕ

Рускиот претседател Владимир Путин денеска телефонски разговарал со францускиот претседател Емануел Макрон

Кабинетот на францускиот претседател Емануел Макрон соопшти дека рускиот претседател Владимир Путин се согласил да бидат испратени експерти од Меѓународната агенција за атомска енергија (МААЕ) во окупираната нуклеарна централа Запорожје во Украина.

Во соопштението се наведува дека Макрон во денешен телефонски разговор со Путин изразил загриженост за безбедносните ризици во нуклеарната централа и дека двајцата лидери се договориле да продолжат разговорите во наредните денови.

Нуклеарната централа во Запорожје беше заземена од Русија во март, набргу по започнувањето на инвазијата врз Украина на 24 февруари.

Најголемата европска нуклеарна централа неколкупати беше на удар на оган во последните недели, по што се зголемија стравувањата од нуклеарна катастрофа. Украина и Русија меѓусебно се обвинуваат за гранатирање на електраната.

Москва ги отфрли меѓународните повици за демилитаризација на Запорожје, а Путин во телефонски разговор со францускиот претседател го обвини Киев за гранатирање на нуклеарната централа и предупреди на „опасност од катастрофа од големи размери“, се вели во соопштението на Кремљ по разговорот.

Според Кремљ, Макрон и Путин ги поканиле експертите на МААЕ да го прегледаат објектот „што е можно поскоро“ и „да ја проценат фактичката состојба на теренот“.

„Руската страна ја потврди подготвеноста да им ја даде потребната помош на инспекторите на МААЕ“, се вели во соопштението.

Финската премиерка се тестирала на дрога по објавините видеа од забавата

Финската премиерка Сана Марин.

Финската премиерка Сана Марин објави дека се тестирана на дрога по објавените видео снимки од забава на која била со пријатели и повтори дека никогаш не користела нелегални дроги.

„Во последните неколку дена имаше прилично тешки јавни обвинувања дека сум била на место каде што луѓето се дрогирале или дека јас сум се дрогирала“, рече Марин на денешна прес-конференција.

„Ги сфаќам овие наводи многу сериозно и, иако верувам дека барањето за тест за дрога е неправедно, заради моја правна заштита и да ги разјаснам сите сомнежи, денеска направив тест, чии резултати ќе бидат достапни во рок од една недела“, рече таа.

Финската премиерка Марин истакна дека за време на забавата не била нарушена нејзината способноста за извршување на обврските и дека би ја напуштила забавата доколку морала да оди на работа.

Марин додаде дека секој граѓанин може да суди за нејзините постапки на изборите.

Видеата на кои Марин се забавува со познати фински инфлуенсери и уметници почнаа да кружат на социјалните мрежи оваа недела, а набрзо беа преземени од неколку медиуми во Финска и во странство.

На видеата се гледаат шест луѓе кои танцуваат пред камера, меѓу кои и премиерката. Подоцна во видеото, Марин клечи на нешто што изгледа како подиум за танцување со рацете зад главата, танцува и пее.

36-годишната Марин, која во декември 2019 година стана најмладиот премиер на Финска, се соочи со повици од членовите на нејзината владејачка коалиција, како и од опозицијата да направи тест за дрога откако се појавија видеата.

Лидерката на социјалдемократите изјави дека никогаш не се дрогирала и дека не видела некој да го прави тоа на забавата на која присуствувала.

Додека многумина ја пофалија Марин за комбинирање на нејзината работа со активен приватен живот, други се сомневаа во нејзината одлука.

Во време кога Европа се опоравува од војната во Украина, Марин, исто така, се соочи со критики дека нејзината забава може да ја попречи нејзината способност брзо да ги извршува своите должности доколку Финска биде погодена од ненадејна криза.

„Доколку имаше кризна ситуација, ќе знаев за тоа пред полноќ во сабота навечер“, им рече таа на новинарите, додавајќи дека финските вооружени сили се добро опремени да предвидат каква било воена криза што може да ја зафати земјата.

Финска, која дели долга копнена граница со Русија, аплицираше заедно со соседна Шведска за влез во НАТО по почетокот на војната во Украина.

Твитер - По грешка се суспендирани сметките на српските политичари

Илустративна фотографија.

Компанијата Твитер во врска со случајот на суспендирани сметки од Србија, соопшти дека таквите присилни мерки биле преземени по грешка.

„Во овој случај, по грешка презедовме извршни дејствија за голем број сметки и тие беа вратени. Наш врвен приоритет е да го заштитиме здравјето на разговорите на Твитер“, се вели во писмената реакција на компанијата до Радио Слободна Европа (РСЕ).

Компанијата Твитер вчера ги суспендираше сметките на десетици сегашни и поранешни пратеници и политичари на владејачката Српска напредна партија во Србија, како и на еден владин функционер.

„Продолжуваме да ги применуваме нашите правила разумно и непристрасно за сите сметки кои се впуштаат во однесување кое ги прекршува правилата на Твитер во согласност со нашиот опсег на можности за спроведување“, изјавија од компанијата Твитер за РСЕ.

Меѓу суспендираните наредби беше и Арно Гујон, директор на Дирекцијата за соработка со дијаспората и Србите во регионот, кој на таа функција беше именуван во 2020 година од Владата на Србија.

Околу 13 членови на СНС рекоа дека нивните сметки се исто така блокирани, вклучително и градскиот менаџер на Белград, Мирослав Цуцковиќ, и Славиша Мицановиќ, кој, наводно, го води тимот на интернет на СНС.

Ердоган најави разговор со Путин за украинската нуклеарна централа Запорожје

Владимир Зеленский, Реджеп Эрдоган и Владимир Путин

Турскиот претседател Реџеп Таип Ердоган изјави дека планира да разговара со рускиот претседател Владимир Путин за прашањето за нуклеарната централа Запорожје во Украина, која ја држи Русија.

Денеска, по враќањето од Украина каде што разговараше со претседателот Володимир Зеленски, Ердоган ситуацијата околу најголемата нуклеарна централа во Европа ја нарече „закана за светот“.

„Ќе разговараме за ова прашање со Путин и конкретно ќе го прашаме што би направила Русија во овој поглед, како важен чекор за светскиот мир“, рече Ердоган и предупреди дека „не сакаме уште еден Чернобил“.

Украинската државна нуклеарна компанија денеска објави дека руските сили планираат да ги исклучат функционалните единици во централата од електричната мрежа на Украина. Компанијата соопшти дека овој потег е дел од „голема провокација“ планирана од Москва.

Говорејќи во црноморското пристаниште Одеса на 19 август, генералниот секретар на ОН Антонио Гутереш ја повика Русија да не ја исклучува електраната од електричната мрежа на Украина.

„Ова е неопходно особено во текот на зимата за украинскиот народ“, рече Гутереш, додавајќи дека „тој принцип мора целосно да се почитува“.

Киев и Москва меѓусебно се обвинија дека планираат „провокација“ во фабриката во Запорожје.

Гутереш и меѓународната заедница изразија длабока загриженост за ризикот од катастрофа во нуклеарната централа, поради извештаите за гранатирање и други опасности во изминатата недела.

Портпаролот на руското Министерство за надворешни работи го нарече планот за демилитаризација на зоната околу централата „неприфатлив“, велејќи дека тоа ќе ја направи уште поранлива на напади.

Русија не негира дека има стационирани војници во централата, но ги оспорува тврдењата дека ја гранатирала областа.

Наместо тоа, Москва ги обвинува украинските сили за истрелување артилериски гранати во областа, што властите во Киев го негираат.

Обединетите нации понудија да помогнат во олеснувањето на посетата на инспекторите на Меѓународната агенција за атомска енергија (МААЕ) на Запорожје, но Москва ја отфрли идејата мисијата да патува преку Киев и покрај тоа што вети дека ќе направи се што е во нејзина моќ за да и помогне на МААЕ да добие пристап до нуклеарната централа.

Гутереш - Мора да се направи повеќе за украинското жито да стигне на светските пазари

генералниот секретар на ОН, Антонио Гутереш време на посетата во Одеса, Украина.

За време на посетата на украинскиот црноморски пристанишен град Одеса, генералниот секретар на ОН, Антонио Гутереш, рече дека има уште многу да се направи за да се осигура дека украинското жито, како и храната и ѓубривата произведени во Русија, можат да стигнат до светските пазари.

„Време е за огромна и дарежлива поддршка за земјите во развој да можат да купат храна од ова и од другите пристаништа“, изјави Гутереш.

Тој го пофали договорот меѓу Украина и Русија, постигнат со посредство на ОН, кој ги отвори украинските пристаништа на Црното Море и им овозможи на првите пратки украински жито да ја напуштат земјата по неиспровоцираната инвазија на Русија во февруари.

„Ова е договор меѓу две страни заглавени во жесток конфликт“, рече тој.

„Тоа е без преседан по обем и размери. Но, има уште долг пат да се оди на многу фронтови“, вели Гутереш.

Околу 25 бродови натоварени со украинско жито ја напуштија земјата откако беше постигнат договорот на 22 јули.

На 18 август, Гутереш се состана во Лавов со украинскиот претседател Володимир Зеленски и турскиот претседател Реџеп Таип Ердоган за да разговараат за начините за зголемување на извозот.

Пред договорот, извозот од Украина, земја која е водечки светски производител на жито, беше запрен поради руската поморска блокада и украинското ископување на пристаништата.

Запирањето на испораките на жито придонесе за скок на глобалните цени на храната и ја зголеми загриженоста за претстојниот глад во некои африкански и блискоисточни земји.

Грција планира да постави дополнителни 80 километри ограда на границата со Турција

Илустративна фотографија - мигранти во Грција.

Министерот за миграција и азил на Грција Нотис Митаракис изјави дека оградата кај Еврос на границата со Турција ќе биде проширена за околу 80 километри.

Тој рече дека Турција не е земја во војна и дека 38 мигранти кои биле заглавени на мал остров кај реката Еврос не биле на грчка територија.

Тој додаде дека Турција не е земја која е во војна и дека хуманизмот според него е многу важен, но дека луѓето кои сакаат да дојдат во ЕУ поради нееднаквостите што постојат во светот се стотици милиони.

„Не говориме за затворена Европа, но ниту за Европа во која криумчарите ќе одлучуваат кој ќе дојде“, рече тој.

Инаку Грција е дел од таканаречената балканската рута, од каде бегалци и мигранти преминуваат и во Македонија. Преку јужната граница, тие главно минуваат во околината на Дојран, преку Неготино и Велес, па се до Табановце, каде на илегални премини влегуваат кон Србија.

Во екот на бегалската криза од 2014 до 2016 година, стотици лица секојдневно бараа начин да стигнат до западните рзвиени земји на ЕУ.

Митракис за ситуацијата со мигрантите и бегалците во Грција рече дека во моментов згрижени се 18.000 лица, од 92.000 во 2020 година, а од 121 прифатен центар, сега работат 34 во цела Грција.

Нови 473 случаи на Ковид-19, тројца починати

Илустративна фотографија.

Во изминатото деноноќие се регистрирани 473 нови случаи на коронавирус, а тројца луѓе починале, двајца од нив во болнички, а еден во домашни услови, соопшти Министерството за здравство.

Од новите случаи, 204 се во Скопје, во Битола 37, Охрид 31, Куманово 21, Струмица 20, Кавадарци – 17, Прилеп 16...

Од вкупниот број на позитивни (472), регистрирани се 114 реинфекции. Направени се вкупно 1.131 тестирања.

Регистрирани сe 513 оздравени пациенти. Бројот на активни случаи во моментов е 3.440.

Вкупната бројка на ковид-дијагностицирани лица во Северна Македонија од почетокот на епидемијата изнесува 337.513, бројката на оздравени пациенти е 324.633, на починати е 9.440.

Членови на српската владејачка партија велат дека Твитер им ги блокирал нивните сметки

Арно Гујон и Александар Лисов шеф на руско-српскиот центар „Орли“, 8 април 2021 година

Неколку парламентарни пратеници и политичари кои и припаѓаат на владејачката Српска напредна партија на претседателот Александар Вучиќ велат дека Твитер им ги блокирал нивните сметки. „Твитер штотуку го суспендираше мојот профил на кој имав 34.000 следбеници, без објаснување“, потврди денеска Арно Гујон, директор на Дирекцијата за соработка со дијаспората и Србите во регионот во објава на Фејсбук. Околу 13 членови на СНС рекоа дека нивните сметки се исто така блокирани, вклучително и градскиот менаџер на Белград, Мирослав Цуцковиќ, и Славиша Мицановиќ, кој, наводно, го води тимот на интернет на СНС. Твитер јавно не ги коментираше суспендираните сметки во Србија, ниту компанијата беше веднаш достапна за коментар.

Сајтовите што шират „митови“ се удвоиле откако започнала руската инвазија

Објавата на Фејсбук на Гујон покажа известување од Твитер во кое се вели дека сметката е „трајно суспендирана“, бидејќи компанијата за социјални медиуми утврдила дека ги „прекршила правилата на Твитер“. Се додава дека сметката сега ќе биде достапна во режим „само за читање“, што значи дека корисникот не може да објавува, лајкува или ретвитува содржина од други. Гујон е роден во Франција и е познат по неговите врски со екстремно десничарското политичко движење. Во 2004 година тој ја основа невладината организација Солидарност за Косово, која им помага на етничките Срби во земјата. Тој има српски пасош од 2015 година.

Косовската полиција започна истрага за графитите „Северна бригада“

Kosovo: Graffiti in North Mitrovica (photo by: Maja Ficovic)

Косовската полиција соопшти дека започнала истрага за графитите „Не грижете се, чекаме“, и „Северна бригада“ што се појавија вчера во Северна Митровица. Како што соопштија денеска од полицијата, графитите го напишале непознати лица, а случајот е оценет како поттикнување омраза и нетрпеливост. Новите графити се појавија во пресрет на разговорите во Брисел меѓу српскиот претседател Александар Вучиќ и косовскиот премиер Албин Курти, но и по разговорите на Вучиќ со генералниот секретар на НАТО завчера, кога српскиот претседател изјави дека таму е „нова генерација деца на северот кои нема да трпат терор“, но и дека тоа „веќе нема никаква врска со него, ниту со Јанс Столтенберг“.

Без напредок втората рунда од дијалогот Приштина-Белград, преговорите продолжуваат

Косовските власти најавија дека од 1 септември ќе почнат да ја спроведуваат одлуката за пререгистрација на табличките „РКС“, по едномесечно задоцнување изнудено по интервенцијата на американскиот амбасадор, на што претходеше влошување на ситуацијата на северот на Косово. Српската страна продолжува да тврди дека нема да ги прифати решенијата за отстранување на регистарските таблички издадени од Министерството за внатрешни работи на Србија за косовските градови и за воведување реципрочна мерка за издавање документ за влез-излез во Косово. Разговорите на највисоко ниво меѓу Белград и Приштина што се одржаа вчера во Брисел завршија без договор, но продолжуваат до 1 септември.

Милков: Имаме шанса да ги решиме проблемите со Северна Македонија

бугарскиот министер за надворешни работи Николај Милков

„Имаме шанса да ги решиме проблемите со Северна Македонија, кои траат со децении, но не беа третирани сериозно“, изјави бугарскиот министер за надворешни работи Николај Милков, додавајќи: „Сега имаме механизам за нивно решавање. Станува збор за т.н. француски предлог. Пред нас има широко поле за продолжување на работата и за расчистување на сите спорни прашања“. Министерот во техничката Влада додаде дека има изгледи за подобрување на односите со Северна Македонија.

Бугарското МНР ја поздрави работата на Заедничката комисија за историски и образовни прашања

Според него, „вознемиреност буди однесувањето на опозицијата, која ги користи ставовите на населението за различни цели“. Милков оцени дека „европското минато е поврзано со отфрлање на голем број пропагандни клишеа и секоја земја пред да влезе во ЕУ мора да се раздели со некои од лажните парадигми со кои се третирал историскиот процес“. Тој исто така оцени и дека ќе продолжи да работи за европската интеграција на државите од Западен Балкан.

Русковска: не верувам дека некој колега сериозно ќе продолжи да постапува по предметите што ги водев

Вилма Русковска

Обвинителката Вилма Русковска денеска ја поднесе жалбата за нејзината суспензија до Советот на јавни обвинители. „Со жалбата ги побивам наводите во решението. Не сум прашала за која кривична пријава се однесува суспензијата, но сметам дека се однесува на пријавата која Муареми ја поднесе против мене“, изјави таа не откривајќи детали, бидејќи, како што рече, со жалбата прво треба да се запознаат членовите на Советот.

Јовески ја суспендираше Русковска

„Ова не го сметам за суспензија на Русковска, туку за суспензија на правото и правдата. Без разлика што имаше соопштение дека предметите кои ги водев јас ќе продолжат со ист интензитет, после ова мене што ми се случи не верувам дека кој било колега сериозно ќе продолжи да постапува по истите“, изјави Русковска. Првиот човек на Управата за Финансиска полиција, Арафат Муареми поднесе оставка, а претходно поднесе кривична пријава до Основното јавно обвинителство Скопје против три обвинителки од Обвинителството за гонење организиран криминал за претресот во Управата неколку недели претходно. Освен за Русковска, поднесени се пријави и против обвинителките Ивана Трајчева и Елизабета Јосифовска кои го извршиле претресот.

Штрајк на вработените во Лондонското метро

Метро станица во Лондон (фотографија од датотека)

Лондонскиот подземен транзитен систем денеска е запрен поради штрајкот на вработените незадоволни од платите. „Ги советуваме клиентите воопшто да не патуваат со метро“, рече портпаролот на метрото во Лондон. До ова дојде еден ден по националниот штрајк на железничарите што резултираше со откажување на околу 80 насто од патничките возови. Слична акција на железницата е закажана за утре. Сето ова е дел од летната кампања според која работниците од приватниот и јавниот сектор бараат зголемување на платите поради зголемените цени на храната и енергијата.

Зголемени трошоци, исти плати - синдикатите се закануваат со тужби

Поштенските работници, адвокатите, телекомуникациските работници и пристанишните работници најавија штрајк за кон крајот на месец. Во Единбург, санитарните работници на 18 август започнаа 11-дневен штрајк токму во моментот кога туристите почнаа да пристигнуваат во градот за фестивалот „Edinburgh Fringe“. Инфлацијата во Обединетото Кралство во јули достигна 10,1 насто.

Путин и Си ќе присуствуваат на самитот на Г20 во Индонезија

Рускиот претседател Владимир Путин и кинескиот претседател Си Џинпинг

Рускиот претседател Владимир Путин и кинескиот претседател Си Џинпинг планираат да присуствуваат на самитот на Г-20 на индонезискиот остров Бали од 15 до 16 ноември, изјави индонезискиот претседател Џоко Видодо. Тој исто така, рече дека украинскиот претседател Володимир Зеленски бил поканет, иако Украина не е членка на Г20. Тој, наводно, потврдил дека ќе присуствува лично или виртуелно. Си не патувал на меѓународно ниво од почетокот на пандемијата ковид-19.

Заврши состанокот на Г-20, многу земји ја осудиле војната во Украина

Џакарта се соочи со притисок од Западот да го исклучи Путин поради неиспровоцираната руска инвазија врз Украина. Сепак, Индонезија се обиде да одржи неутрален став, а Видодо оваа година ги посети и Киев и Москва. Самитот на Г20, исто така, доаѓа во време на големи тензии меѓу Кина и Соединетите држави околу статусот на Тајван и кинеските претензии во Јужното Кинеско Море.

Во Австрија пет лица загинаа во силно невреме, меѓу жртвите и две девојчиња

илустрација

Австриските власти објавија дека пет лица, меѓу кои две девојчиња, загинале во силно невреме што ја погоди алпската земја. Двете девојчиња, на возраст од четири и осум години, загинале кога ненадеен силен ветер урнал дрвја синоќа на езеро во долината Лавант во близина на градот Грац на југот на земјата. Надлежните соопштија дека биле повредени 13 лица, од кои двајца потешко. Многу од жртвите биле туристи кои го посетиле популарниот туристички регион. Австрискиот претседател Александар Ван Дер Белен изјави дека станува збор за „трагедија“.

Во невреме на Корзика три лица загинаа, 12 се повредени

Градоначалникот на Волфсберг, Ханес Примус, рече дека областа изгледала „како бојно поле“ по невремето. Во Долна Австрија, три жени загинаа кога гром удри во дрво во близина на централниот град Гејминг. Во исто време, невремето усмрти осум лица во Франција и Италија.

Вчитај повеќе

XS
SM
MD
LG