Достапни линкови

Фридом Хаус: Влијанието на ковид-19 врз слободата во светот


илустрација

Пандемијата на ковид-19 ја продлабочи кризата за демократијата низ целиот свет, обезбедувајќи покритие за владите да ги нарушат изборите, да ги замолчат критичарите. Ова се наведува во најновиот извештај на Фридом хаус „Демократија под блокада“, изработен во партнерство со анкетната компанија GQR.

Од почетокот на пандемијата на коронавирус, состојбата на демократијата и човековите права се влоши во 80 земји, со особено нагло влошување во таканаречените слаби демократии и во високо репресивните држави.

Повеќе од 60 проценти од испитаниците предвидоа дека влијанието на пандемијата врз политичките права и граѓанските слободи во нивните земји ќе биде претежно негативно во следните три до пет години.

Северна Македонија со подобри оценки во извештајот на Фридом хаус

Анкетираните експерти, како дел од проектот, идентификуваа четири проблеми како најакутни за време на пандемијата на ковиид-19: недостаток на владина транспарентност и информации за коронавирусот, корупција, недостаток на заштита за ранливите популации и владини злоупотреби на моќ.

Пандемијата го забрзува глобалното опаѓање на слободата на изразување. Ограничувања на информативните медиуми како дел од одговорот на ковид-19 се случија во најмалку 91 земја.

Владите донесоа ново законодавство против ширење „лажни вести“ за коронавирусот.

Тие исто така ограничија поставувањето прашања на прес-конференции, го прекинаа печатењето весници и ги блокираа веб-страниците. Во извештајот се забележува дека активисти, новинари и граѓани работат агресивно за надминување на пречките.

Тие се обидуваат да се спротивстават на злоупотребите на владата на нови начини, често користејќи онлајн платформи за да соработуваат со публиката и да формираат нови партнерства.

Масовните протести во Белорусија претставуваат моќен пример на враќање во земја каде слободата на собирање е строго ограничена.

Отпорот против Александар Лукашенко, се вели во извештајот, е предизвикан барем делумно од неговото негирање на пандемијата, што придонесе за смртоносна епидемија на вирусот.

Илјадници демонстранти се приведени, а многумина биле подложени на бруталност од безбедносните сили, вклучително и тортура.

Со оглед на тоа што рускиот претседател Владимир Путин му помогна на Лукашенко, Фридом Хаус вели дека меѓународната заедница треба да ги поддржува барањата на демонстрантите за одговорност на владата и демократски промени.

Забранет уште еден независен сајт во Белорусија

Авторитарните и демократски избраните лидери не успеаја да бидат искрени за влијанието на коронавирусот.

Во истражувањето, 62 проценти од испитаниците изјавиле дека не веруваат во она што го слушаат за пандемијата од националната влада во нивната земја.

Меѓу експертите во земјите што годишниот извештај на Фридом Хаус „Слободата во светот“ ги класифицира како неслободни, 77 проценти немаат доверба во ваквите информации, што укажува на тоа дека недостатокот на транспарентност е најчест во земјите со слаба заштита од злоупотреба на моќ.

Владите исто така ја користат епидемијата како оправдување да си дадат посебни овластувања над разумно неопходните мерки за заштита на јавното здравје.

Тие го искористија новиот орган за итни случаи да се мешаат во правосудниот систем, да воведат невидени ограничувања на политичките противници и да ги остават настрана клучните законодавни функции.

Како што рече еден испитаник за Турција, „Коронавирусот се користи како изговор за и онака угнетувачката влада да направи работи што одамна планираше да ги направи, но не беше во можност“.

Некои влади применија мерки на заклучување на отворено дискриминирачки начин или користеа маргинализирано население како жртвено јагне.

Во Србија, како што рече еден од испитаниците, „мигрантите беа прикажани како можни носители на вирусот“.

Во исто време, парламентите беа попречувани од здравствените ограничувања и законите за итни случаи, а на моменти беа изманипулирани за политички цели.

Злоупотребите на владите влијаат и врз изборите.

Властите ги одложија или на друг начин ги нарушија националните избори во девет земји, како и поголем број регионални и локални избори во други средини, меѓу јануари и август 2020 година.

Трамп одби да се обврзе на мирно предавање на власта ако изгуби

Некои од овие изборни измени не ги исполнија демократските стандарди, или затоа што не беа закажани нови избори навремено или затоа што официјалните лица закажуваат нови датуми без да прават соодветни подготовки за безбедно и безбедно гласање.

Ова се однесува и на Соединетите држави.

Локалните изборни власти низ целата земја се чини дека не се подготвени за гласање на национално ниво во ноември, со оглед на зголемената побарувачка за гласање по пошта, немање доволно персоналот и измените во изборните правила во последен момент - сите поврзани со пандемијата.

Администрацијата на Трамп создаде магла на дезинформации околу пандемијата, редовно давајќи лажни или погрешни изјави што ги ставаат животите во опасност и го намалуваат поширокиот одговор на владата.

Во Хонг Конг, владата ја наведе пандемијата како причина за одложување на законодавните избори за цела година, но овој потег нашироко се сметаше како дел од поширокиот напор на Пекинг да ја зацврсти елиминацијата на преостанатата слобода и автономија на Хонг Конг.

Издржливоста на протестните движења е можна светла точка.

Иако 158 земји поставија нови ограничувања на демонстрациите, значајни протести се одржаа во најмалку 90 земји од почетокот на епидемијата, покажува истражувањето.

Овој извештај е досега најдлабокиот напор да се испита состојбата на демократијата за време на пандемијата.

Фридом Хаус го спроведе своето истражување од јануари до септември 2020 година.

Работата опфати онлајн анкета на GQR, спроведена од 29 јули до 15 август годинава, во која 398 експерти известија за состојбата на демократијата во 105 земји и територии.

Покрај тоа, Фридом Хаус се консултираше со својата глобална мрежа на аналитичари, со што вкупниот број испитани земји достигна 192.

  • 16x9 Image

    Гоце Атанасов

    Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

XS
SM
MD
LG