Германскиот канцелар Олаф Шолц на 15 февруари одговори остро во одбрана на неговиот став екстремната десница и изјави дека неговата земја нема да прифати луѓе кои „интервенираат во нашата демократија“, јавува новинската агенција Асошитет Прес. Ова Шолц го изјави по еден откако американскиот потпретеседател Џеј Ди Венс ги критикуваше европските лидери поради нивниот пристап кон демократијата на Минхенската безбедносна конференција.

Германскиот лидер зборуваше на Конференцијата за безбедност во Минхен која се случува осум дена пред клучните избори во Германија, при што анкетите покажуваат дека екстремно десничарската партија Алтернатива за Германија (AfD), е на второто место, пред самите социјалдемократи на Шолц. Ко- основачот на АФД Алис Вајдел се сретна со Венс на 14 феврувари на маргините на безбедносната конференција.

И покрај наводните тврдења дека САД се меша во германската демократија, Шолц рече дека е „задоволен“ од, како што вели, заедничката посветеност со Соединетите држави за „зачувување на суверената независност на Украина“ и се согласува со коментарите на американскиот претседател Доналд Трамп дека руската војна во Украина мора да заврши.

Но, кога станува збор за домашната политика, Шолц, алудираше на нацистичкото минато на Германија и рече дека долгогодишната посветеност на „Никогаш повеќе“ - враќање на екстремната десница, не може да се помири со поддршката за АфД.

„Нема да прифатиме луѓето кои гледаат на Германија однадвор да интервенираат во нашата демократија и нашите избори и во демократскиот процес на формирање мислење во интерес на оваа партија. Тоа едноставно не се прави, секако не меѓу пријателите и сојузниците. Ние одлучно го отфрламе ова“, истакна во својот говор Шолц.

Видете и ова:

Венс ја предупреди Европа за слободниот говор и „непроверената“ имиграција

„Каде ќе оди нашата демократија, ние одлучуваме“, додаде Шолц.

Еден ден претходно, Венс, кој се плаши од слободата на говорот е „во повлекување“ низ целиот континент.

Тој додаде дека многу Американци гледаат во Европа „вкоренети интереси кои се кријат зад грдите зборови од советската ера како дезинформации и дезинформации, на кои едноставно не им се допаѓа идејата дека некој со алтернативно гледиште може да изрази поинакво мислење или, не дај Боже, да гласа на поинаков начин, или уште полошо, да победи на изборите“.

Шолц, во однос на критиките на Ванс истакна дека „слободниот говор во Европа значи дека не ги напаѓате другите на начини што се против законодавството и законите што ги имаме во нашата земја.“

Тој алудираше на правилата во Германија кои го ограничуваат говорот на омраза.

Трамп оваа недела имаше телефонски разговор со рускиот претседател Владимир Путин во кој рече дека двајцата лидери најверојатно ќе се сретнат наскоро за да преговараат за мировен договор за ставање крај на војната што започна со целосната инвазија на Русија на Украина пред три години. Трамп подоцна го увери украинскиот претседател Володимир Зеленски дека и тој ќе има место на масата.

Украинскиот лидер во петокот рече дека неговата земја сака безбедносни гаранции пред какви било разговори со Русија. Непосредно пред средбата со Венс во Минхен, Зеленски рече дека ќе се согласи лично да се сретне со Путин само откако ќе преговара за заеднички план со Трамп.

По 40-минутната средба со Зеленски, Венс рече дека администрацијата на Трамп сака војната да заврши.

Претходно, Венс им одржа предавање на европските функционери за слободата на говорот и илегалната миграција на континентот, предупредувајќи дека ризикуваат да ја загубат јавната поддршка ако брзо не го сменат курсот.

Венс подоцна се врати назад во Вашингтон.

Помеѓу другите говорници кои треба да одржат говор во сабота во Минхен се шефот на НАТО Марк Руте и министрите за надворешни работи од земји како Канада, Франција, Германија, Саудиска Арабија и од новата привремена влада на Сирија.

Британскиот премиер Кир Стармер и американскиот претседател Доналд Трамп наскоро треба да се сретнат во Вашингтон, потврдија двете страни на 14 февруари.

„Тој побара средба и јас се согласив. Ќе имаме пријателски состанок. Имаме многу добри работи“, им рече Трамп на новинарите.

„Мислам дека сака да дојде следната недела или следниот викенд“, додаде американскиот претседател.

Стармер во четвртокот во Лондон се сретна со специјалниот пратеник на Трамп во Обединетото Кралство, Марк Барнет, „за време на кој тој доби покана од претседателот Трамп и разговараше за неговата претстојна посета на САД“, соопштија од кабинетот на британскиот премиер.

Тоа беше барем трет пат Стармер и Трамп да разговараат по телефон по претседателските избори во САД во ноември, а тие се сретнаа на вечера во Њујорк во септември додека Трамп беше кандидат.

Една од темите на која се очекува да разговараат Трамп и Стармер се заканите од американските тарифи. Велика Британија оваа недела соопшти дека „соработува“ со Вашингтон за деталите за царините на Трамп за челик, за разлика од Канада и Европската унија, кои силно одговорија на објавата.

Видете и ова:

Зеленски: Украина би имала „мали шанси да преживее“ без поддршка од САД

Настојувајќи да го задржи најблискиот сојузник на Велика Британија на негова страна, Стармер во средата во парламентот изјави дека САД и Обединетото Кралство имаат „силни и избалансирани трговски односи“, дека има значителни меѓусебни инвестиции и дека неговата влада ќе продолжи „тесно да соработува со претседателот Трамп за да го поттикне растот и да создаде работни места“.

Трамп веќе пречека неколку светски лидери во Белата куќа, меѓу кои и индискиот премиер Нарендра Моди и израелскиот лидер Бенјамин Нетанјаху.

На Украина ќе и биде „многу, многу тешко“ да преживее без американска воена поддршка за да се одбрани од руската инвазија. Ова го изјави украинскиот претседател Володимир Зеленски во интервју емитувано ноќта пред тој да се обрати на Минхенската безбедносна конференција.

„Веројатно ќе биде многу, многу, многу тешко. И, се разбира, знаете во сите тешки ситуации, имате шанса. Но, ќе имаме мали шанси - мали шанси да преживееме без поддршка од Соединетите Држави,“ изјави тој за американската телевизија НБЦ (NBC News).

Зеленски додаде дека Украина го зголемила своето воено производство, но не доволно за да го надомести она што би го изгубила доколку ја нема поддршката од САД.

Зеленски на 14 февруари учествуваше на состаноците и брифинзи за медиуми на Минхенската безбедносна конференција. Тој посочи дека се зголемуваат напорите да се бара решение за војната.

Украинскиот претседател треба да одржи говор за дипломатијата и перспективите за иднината на Украина на конференцијата на 15 февруари.

Видете и ова:

САД имаат за цел „траен мир“ во Украина, Зеленски бара безбедносни гаранции

Тој ќе биде во центарот на вниманието по средбата со највисоките американски претставници, вклучително и потпретседателот Џеј Ди Венс, кој во својот говор на конференцијата на 14 февруари ја истакна потребата за „траен, траен мир“ во Украина.

Зеленски коментирајќи го ставот на Венс посочи дека Украина сака „безбедносни гаранции“ од Вашингтон пред какви било преговори со Русија за завршување на речиси тригодишната војна. Тој во интервјуто рече дека не сака да размислува Украина да не биде стратешки партнер на Соединетите Држави бидејќи тоа ќе го наруши украинскиот морал, но додаде: „Мораме да размислиме за тоа“.

Соединетите Држави испратија мешани сигнали за својата стратегија, што предизвика загриженост во Киев дека Украина може да биде принудена на лош договор што ќе го остави Путин охрабрен.

Претходно неделава, американскиот секретар за одбрана Пит Хегсет, по средбата со министрите за одбрана на НАТО истакна дека е „нереално“ да се очекува украинските граници да се вратат на нивните позиции од пред 2014 година и додека дека Белата куќа, не го гледа членството на Украина во НАТО како дел од решението за конфликтот.

Украина бара Русија да се повлече од заземената територија и вели дека мора да добие членство во НАТО или еквивалентни безбедносни гаранции за да ја спречи Москва повторно да нападне.

Два дена пред одржувањето на Минхенската конвенција, американскиот претседател Доналд Трамп рече дека имал „долг и високо продуктивен“ телефонски разговор со Путин и рече дека се согласиле нивните тимови веднаш да започнат преговори.

Зеленски во интервјуто повтори дека нема да прифати никакви договори без учество на Украина во преговорите. Според него, желбата на Путин да седне на преговарачката маса не е за да ја прекине војната, туку за да постигне договор со кој ќе се прекине огнот и ќе се укинат некои санкции кон Москва, додека таа си купува време за прегрупирање на војската.

„Ова е навистина она што тој го сака. Тој сака пауза, подготовка, обука, симнување на некои санкции поради прекинот на огнот“, рече Зеленски.

Русија ја почна целосната инвазија врз Украина на 24 февруари 2022 година.

Украинскиот претседател Володимир Зеленски се заложи Киев, Европа и Соединетите Американски Држави (САД) да работат заедно на планот за ставање крај на инвазијата што рускиот претседател Владимир Путин ја почна против Украина пред три години.

„Ќе се сретнам со Русите - само еден Русин, со Путин - само откако ќе имаме заеднички план со Трамп (американскиот претседател Доналд Трамп) и Европа“, рече Зеленски по средбата со американскиот потпретседател Џеј Ди Венс на маргините на Минхенската безбедносна конференција на 14 февруари.

Зеленски рече дека Киев е многу подготвен да работи на ставање крај на руската војна против Украина, но нагласи дека „потребни се вистински безбедносни гаранции“.

Видете и ова:

Дали Минхенската безбедносна конференција ќе биде почеток на крајот на војната во Украина?

Американскиот потпретседател рече дека САД се насочени кон „траен мир“ во Украина.

„Сакаме војната да заврши, сакаме убиствата да запрат, но сакаме да постигнеме траен, траен мир, а не таков мир што ќе ја доведе Источна Европа во конфликт само неколку години подоцна“, изјави Венс, пренесе АФП.

Конференцијата во Минхен апочна во услови на интензивни шпекулации за тоа дали може да доведе до дипломатски пробив што би можел да го постави курсот за ставање крај на најголемата војна во Европа од 1945 година.

Немаше знаци за присуство на Русија на конференцијата, а Зеленски ги минимизираше шансите за голем напредок, велејќи дека немало мировни преговори во Минхен и ги отфрли шпекулациите дека ќе се сретне со руските преговарачи во Саудиска Арабија следната недела.

Трамп ден претходно рече дека американските и руските претставници ќе се сретнат во петок во Минхен и дека Украина е поканета.

Видете и ова:

Венс ја предупреди Европа за слободниот говор и „непроверената“ имиграција

Од американска страна, покрај Венс, на средбата беа и државниот секретар на САД, Марко Рубио и Кит Келог, специјален пратеник на претседателот Доналд Трамп за војната во Украина.

Претходно оваа недела, Трамп телефонски разговараше со рускиот претседател Владимир Путин и најави дека разговорите со Москва за прекин на борбите во Украина ќе почнат „веднаш“.

Новинската агенција Ројтерс објави дека ова е прв познат директен контакт меѓу Путин и американскиот претседател од пред руската инвазија на Украина во февруари 2022 година.

Разговорите дојдоа во време кога се приближува третата годишнина од руската инвазија во Украина,, на крајот на овој месец.

Претседателката на Косово, Вјоса Османи и премиерот Албин Курти се сретнаа одделно со Питер Соренсен, новиот претставник на Европската унија (ЕУ) за дијалогот Косово-Србија за да разговараат за овој процес.

Оваа прва средба беше на маргините на Минхенската безбедносна конференција, која почна на 14 февруари во хотелот „Бајеришер Хоф “ во Минхен, Германија и ќе трае три дена.

„Ќе продолжиме да работиме со нашите сојузници за да го завршиме овој процес со взаемно признавање и заштита на суверенитетот, уставноста и територијалниот интегритет на нашата Република“, напиша Османи на мрежата Икс(поранешен Твитер).

Курти рече дека е важно целосно да се спроведе договорот за нормализација на односите, постигнат меѓу Косово и Србија во 2023 година. Страните не го потпишаа овој договор ниту пак презедоа какви било чекори за негова имплементација.

Од Кабинетот на Курти соопштија дека овој договор „се уште го прекршува и не го почитува Србија, која исто така одбива да го потпише и со писмото на поранешната премиерка [Ана] Брнабиќ, Србија практично се повлече од договорот“.

„За да се оди напред, неопходно е да се потпише договор, да се повлече писмото од поранешната премиерка Брнабиќ и да се предаде лидерот на терористите Милан Радоичиќ, за кого веќе постои обвинение на 160 страници на Обвинителството на Република Косово“, рече Курти.

Видете и ова:

Што може да се очекува од Соренсен новиот ЕУ преставник за дијалогот Србија - Косово?

Се верува дека Радоичиќ е на слобода во Србија по нападот во Бањска на северот на Косово во септември 2023 година, при што беше убиен косовски полицаец.

Петер Соренсен, дипломат од Данска, официјално започна со работа на 1 февруари, наследувајќи го Мирослав Лајчак.

Косовската претседателка Османи, премиерот Курти и други претставници на Косово го критикуваа Лајчак за нееднаков пристап кон дијалогот и затоа што, како што тврдат, понекогаш „застанувал на страната на Србија“.

Соренсен, за разлика од неговиот претходник, ќе се занимава само со дијалогот меѓу двете соседни земји, а не со регионалните балкански прашања.

Назначувањето на Соренсен беше позитивно оценето со оглед на тоа што овој 57-годишен дипломат го познава регионот. Беше ангажиран во Косово, во рамките на Мисијата на Обединетите нации (УНМИК), како и во други дипломатски улоги, во Србија, Северна Македонија и Босна и Херцеговина.

Друг аргумент што властите во Приштина го наведоа како позитивен е дека тој е од Данска, земја која ја признава државноста на Косово и дека ќе има еднаков пристап до дијалогот.

Косово и Србија се во дијалог со посредство на Европската унија од 2011 година. ЕУ често ги потсетува двете страни дека напредокот во процесот на дијалог е поврзан со нивниот пат кон евроатлантските интеграции.

Да се состави листа од 100 до 200 производи кои граѓаните секојдневно ги купуваат и тие реално да поевтинат наместо да се ограничи бруто-профитната маржа на 10 отсто како што предложи Владата, побараа трговците и дистрибутерите на средбата со министерот за економија на 14 февруари.

Од Министерството за економија соопштија дека конечна одлука ќе се донесе следната недела.

Даница Блажевска, претставник од Комората на трговци, изјави дека е подобро заедно со производителите и добавувачите да направат реално намалување на најнеопходните производи за секојдневно живеење кое ќе биде видливо за граѓаните.

„Бараме да се намали големиот број на производи кои се опфатени во мерката и да се сведе на 100 до 200 кои се вистински потребни, бидејќи сега се опфатени над 1.000 производи. Тоа создава проблем во секојдневното работење. Не може да се постигне доволна контрола, бидејќи се случуваат злоупотреби со картончињата на кои се напишани цените, ги вадат, паѓаат. Тоа, пак, ни создава голем ризик дека може да дојде инспекција и да ни најде дека е необележана цената“, изјави Блажевска.

Видете и ова:

Бојкот, кошничка или закон - што ќе ги спаси граѓаните од скапотијата?

Откако граѓани два пати бојкотираа маркети поради високи цени на храната, Владата го задолжи Министерството за економија и труд да подготви Предлог-одлука за ограничување на бруто профитната маржа на 10 проценти во трговијата на големо и во трговијата на мало на дел од основните прехранбени производи, средствата за хигиена и бебешката храна.

Со Предлог-одлуката требаше да бидат опфатени основните прехранбени производи на истите 73 групи на производи кои беа во претходните кошници, но и на детергентите, бебешката храна и други непрехранбени производи кај кои е забележана многу висока маржа, а се дел од основните потреби на граѓаните.

Ваквата одлука се темелеше на шестмесечниот извештај од Државниот пазарен инспекторат, според кој кај трговците на мало беше утврдено дека има над 20 отсто маржа на основните прехранбени производи и над 30 отсто маржа кај средствата за лична хигиена, додека кај увозниците и дистрибутерите се евидентирани повисоки маржи и до 50 отсто.

Хрватската канцеларија за сузбивање на корупција и организиран криминал (УСКОК) потврди дека отворила истрага за бизнисменот Јосип Шинцек од Вараждин и за уште девет други осомничени лица за тешки еколошки злосторства, откако беа уапсени на 13 февруари.

Агенцијата за соработка за спроведување на законот (Европол) на Европската унија (ЕУ), пак, на 14 февруари објави дека хрватската полиција уапсила 13 лица во врска со овие кривични дела.

„Криминалците заработиле најмалку четири милиони евра незаконски фрлајќи медицински и опасен отпад од Италија, Словенија и Германија во Хрватска. Се проценува дека најмалку 35.000 тони отпад биле фрлени незаконски“, соопшти Европол.

Лабораториските анализи покажуваат дека нелегално фрленото ѓубре, кое лажно било прогласено за пластичен отпад што може да се рециклира, законски се смета за опасен отпад.

Видете и ова:

Шукова - Опасниот отпад во Орман се носел од Пробиштип

Хрватските власти сметаат дека криминалната мрежа илегално го закопувала и отстранувала медицинскиот отпад од хрватските компании.

Вклучените во оваа мрежа се обвинети и за фалсификување службени и деловни документи, даночно затајување и перење пари. УСКОК соопшти дека Шинцек бил на чело на криминалната група.

Трговијата со отпад е нелегална активност која овозможува заработка на високи профити. Незаконското одлагање на отпад често предизвикува непоправлива штета на животната средина, загадувајќи ја почвата, водата и воздухот.

„Овие злосторства обично одат рака под рака со фалсификување документи или финансиски злосторства како што се перење пари или корупција“, соопшти ЕВРОПОЛ, кој исто така објави фотографии од локациите каде бил одлаган отпадот.

Палестинската милитантна група Хамас ги објави имињата на тројца заложници за кои се очекува да бидат ослободени во сабота, 15 февруари, откако поминаа 498 дена во заробеништво на Хамас, јави агенцијата АП.

Форумот на семејства на заложниците дека станува збор за Иер Хорн (46), Сагуи Декел Чен (36) и Саша Труфанов (29).

Претходно, Хамас, која САД и Европската Унија ја сметаат за терористичка организација, соопшти дека викендов ќе ги ослободи следните тројца израелски заложници, во замена за палестински затвореници. Ослободувањето на заложниците беше доведено во прашање откако Хамас го обвини Израел дека го крши договорот за примирје што стапи на сила на 19 јануари.

Видете и ова:

Трамп ќе предложи прекин на примирјето во Газа, ако заложниците не бидат ослободени до сабота

Од почетокот на прекинот на огнот на 19 јануари, имаше пет размени на 21 заложник на Хамас и повеќе од 730 палестински затвореници, во првата фаза од примирјето.

Војната би можела да продолжи доколку не се постигне договор за покомплицираната втора фаза, во која е предвидено ослободување на сите преостанати заложници заробени во нападот на Хамас на 7 октомври 2023 година и неодредено продолжување на примирјето.

Американскиот претседател Доналд Трамп изјави дека доколку сите заложници во Газа не бидат ослободени до пладне во сабота на 15 февруари, тој ќе предложи да се прекрши примирјето меѓу Израел и Хамас, за што предупреди дека „ќе создаде пекол“.

Израелскиот премиер Бенјамин Нетанјаху е под силен притисок да обезбеди ослободување на преостанатите заложници, откако тројца Израелци ослободени од заробеништво пристигнаа дома во многу лоша состојба минатата сабота.

Саудиска Арабија ја поздрави идејата американскиот претседател Доналд Трамп и рускиот претседател Владимир Путин да се сретнат во кралството, јави агенцијата Ројтерс.

Портпаролот на Кремљ, Дмитриј Песков, рече дека би можело да поминат неколку месеци пред да се договори средба меѓу Путин и Трамп, веројатно во Ријад, главниот град на Саудиска Арабија.

Трамп и Путин разговараа во средата и ја објавија својата намера да се сретнат лице в лице.

Видете и ова:

Трамп: Имавме „долг и продуктивен“ разговор со Путин

Саудискиот престолонаследник Мохамед бин Салман беше првиот странски лидер што Трамп го повика по преземањето на функцијата. Тој го опиша престолонаследникот како „фантастичен човек“ за време на неговиот говор преку видео - врска пред публиката на Светскиот економски форум во Давос.

Путин, кој ги посети Саудиска Арабија и Обединетите Арапски Емирати во 2023 година, минатиот септември рече дека му е благодарен на Мохамед бин Салман што помогнал да се организира најголемата размена на американско-руски затвореници од Студената војна.

Министерството за правда, постапувајќи по заклучокот од 50-та седница на Владата на РСМ одржана на 11 февруари годинава презеде активности и подготви мислење за предлог разрешување на државниот јавен обвинител кое го достави до Владата за натамошно процесуирање согласно Законот за Јавното обвинителство и Уставот на Република Северна Македонија.

„Во изминатиот период бевме сведоци на низа скандали, нарушена функционалност на Јавното обвинителство, нарушени меѓучовечки односи, незаконски постапувања и корупција, неефикасност во кривичното гонење и повреда на принципите на организација на Јавното обвинителство и самостојноста во вршењето на функциите на обвинителите во Вишото јавно обвинителство“, се наведува во соопштението од Министерството за правда.

Државниот јавен обвинител на Република Северна Македонија, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе.

„Воедно, во јавноста беа лиферувани и информации и податоци за предмети, со што е повредена обврската за тајност во постапките“, се наведува во соопштението.

Видете и ова:

Коцевски по барањето за негово разрешување: „Секогаш сум работел согласно закон“

Од Министерството за правда посочуваат дека во Законот за Јавното обвинителство е наведено дека Јавниот обвинител на РСМ е одговорен за општите состојби во врска со организирањето и извршувањето на функциите на Јавното обвинителство и за својата работа одговара пред Собранието. Собранието пак, како највисок претставнички орган на граѓаните е уставно надлежен за именување и разрешување на Јавниот обвинител на Република Северна Македонија.

Владата на 11 февруари 2025 година донесе одлука да поведе постапка за разрешување на државниот јавен обвинител Љупчо Коцевски, поради како што наведоа „постапувањето надвор од законските надлежности и нарушена доверба и нефункционирањето на правната држава“.

Видете и ова:

Советот на јавни обвинители не добил предлог за разрешување на Коцевски

Мандатот на републичкиот обвинител трае шест години, а Коцевски беше избран на оваа позиција пред една година. Владата сака предвреме да биде прекинат мандатот на Коцевски, а причината за тоа е, како што велат оттаму, разочараноста од постапувањето надвор од законските надлежности, посочувајќи дека Коцевски незаконски именувал, вршител на должност на Вишото јавно обвинителство на местото на суспендираниот Мустафа Хајрлухаи.

Републичкиот обвинител Коцевски го демантираше тврдењето дека постапил незаконски посочувајќи дека го следел законот и роковите во него.