Достапни линкови

Вести

Пакистанскиот Врховен суд одлучува дали е противуставно распуштањето на Собранието

Врховниот суд на Пакистан

Врховниот суд на Пакистан ќе одлучува по сосслушувањето на лидерите на политичките партии дали премиерот ц го прекршил Уставот со одлуката за распуштање на парламентот.

Комитетот од пет судии во изминативе денови ги сослушуваше аргументите на адвокатите на премиерот Кан и на лидерите на опозицијата. Премиерот Кан минатата недела го загуби своето парламентарно мнозинство и требаше да се соочи со гласање за недоверба од обединетата опозиција.

Но, заменик-претседателот на Националното собрание, Касим Сури, член на партијата на Кан, Техрик-е Инсаф, го отфрли предлогот како неуставен и дел од странски заговор. Со таа одлука му се отстапи место на премиерот Кан да ја добие претседателската функција - главно церемонијална улога – за да го распушти парламентот и да нареди спроведување на избори, кои мора да се одржат во рок од 90 дена.

Најмалку 45 загинати во самоубиствен бомбашки напад во џамија во Пакистан

Опозицијата поднесе барање до Врховниот суд да се произнесе дали потегот за блокирање на гласањето е уставен.

Ваквата политичка ситуација доведе зголемени тензии и политички превирања во земјата со која војската претходно владееше подолг период.

Премиерот Кан во јавноста тврдеше дека опозициското барање за гласање недоверба е напад против него од страна на Соединетите држави како одмазда за неговите блиски односи со Русија и Кина. Но, Вашингтон го отфрли тоа обвинение.

Пакистанскиот премиер доби доверба од парламентот

Опозицијата го обвинува Кан за лошо управување со економијата и надворешната политика, а политичките аналитичари тврдат дека Кан започнал конфликт со моќната пакистанска војска, чија поддршка е клучна за која било партија да дојде на власт.

Кан негира дека некогаш имал поддршка од војската, а војската исто така тврди дека нема вмешаност во политичкиот процес.

види ги сите денешни вести

Бајден ја потпиша помошта од 40 милијарди долари за Украина

Американскиот претседател Џо Бајден

Американскиот претседател Џо Бајден денеска ја потпиша помошта од 40 милијарди долари за да се обезбеди стабилно снабдување со оружје и економска поддршка за Украина додека руската инвазија се приближува на четвртиот месец, соопшти Белата куќа.

Бајден го потпиша законот усвоен претходно од Конгресот додека беше во посета на Сеул на неговото прво патување во Азија како претседател. Нацрт-законот, кој ќе ја насочи поддршката за Украина во следните пет месеци, вклучува околу 6 милијарди долари за оклопни возила и противвоздушна одбрана.

Говорејќи во Сеул, Бајден рече дека руската инвазија врз Украина е напад на „суштинските меѓународни принципи“.

Пошота се состои од околу 24 милијарди долари за оружје, опрема и воено финансирање за Украина и за покривање на трошоците за обновување на резервите на американско оружје испратени во регионот.

Остатокот вклучува економска помош за одржување на функционирањето на владата на украинскиот претседател Володимир Зеленски, програми за храна за земјите кои се потпираат на растителното производство во Украина, помош за бегалците и средства за Киев за истрага на руските воени злосторства.

Британија: Молдавија да биде опремена според стандардите на НАТО

Британската министерка за надворешни работи Лиз Трас

Британската министерка за надворешни работи Лиз Трас изјави дека Молдавија треба да биде „опремена според стандардите на НАТО“ за да се заштити од потенцијална руска агресија. Во интервју за Телеграф, Трус рече дека се водат разговори со сојузниците за тоа како да им се помогне на помалите нации да се одбранат, имајќи ги предвид „амбициите на рускиот претседател Владимир Путин да создаде голема Русија“.

Според неа, целта е да се осигура дека Украина е „трајно способна да се брани“, а тоа важи и за другите „ранливи држави“ како Молдавија, која исто така не е членка на НАТО алијансата.

„Она на што работиме во моментов е заедничка комисија со Украина и Полска за надградба на украинската одбрана до стандардот на НАТО“, рече Трус.

Прашана за тоа дали сака да види западно оружје доставено до Молдавија, Трус рече: „Би сакала да ја видам Молдавија опремена според стандардите на НАТО. Ова е дискусија што ја водиме со нашите сојузници“.

На прашањето дали тоа е затоа што Русија претставува безбедносна закана за Молдавија, таа рече: „Апсолутно. Мислам, Путин беше јасен за своите амбиции да создаде поголема Русија.
Молдавија и нејзиниот мал отцепен регион Трансдњестар делат граница од околу 1.200 километри со Украина и стравувањата од прелевање на војната се интензивираа откако Русија ја започна инвазијата врз Украина на 24 февруари.

Претходно овој месец, претседателот на Европскиот совет, Шарл Мишел вети дека ќе ја зголеми воената помош за Молдавија, чиј сепаратистички регион Трансдњестар, поддржан од Москва, објави неколку инциденти што доведоа до обвинувања дека Русија сака да ја дестабилизира поранешната советска република и веројатно да ја вклучи во нејзината војна против Украина.

Русија сè уште има околу 1.500 војници во Трансдњестар, за кои вели дека чуваат огромен магацин за оружје од времето на Советскиот Сојуз.

Зеленски: Војната ќе заврши само преку дипломатија

Украинскиот претседател Володимир Зеленски

Украинскиот претседател Володимир Зеленски изјави дека руската војна против неговата земја може да се реши само со дипломатија.

Говорејќи на украинската телевизија, тој посочи дека неговата земја би можела да биде победничка на бојното поле, но дека работите би можеле да запрат само „на преговарачката маса“.

Зеленски предупреди дека конфликтот „ќе биде крвав, ќе има борби, но дефинитивно ќе заврши само преку дипломатија“.

Русија во меѓувреме се обидува да ја преземе контролата врз украинскиот регион Донбас, тврдејќи дека победила во повеќемесечната битка во фабриката за челик во Мариупол, а започна и голема офанзива во провинцијата Луганск. Руската инвазија врз Украина започна на 24 февруари.

Бесими: Економски раст од 3,2 проценти, инфлација 7,2 отсто

Министерот за финансии Фатимир Бесими

Министерот за финансии Фатмир Бесими на денешната прес-конференција за ребаланост на Буџетот кој вчера беше усвоен од Владата изјави дека со него се обезбедени нови дополнителни 76 милиони евра за мерки за заштита на стандардот на граѓаните и поддршка на стопанството како и дополнителни 52 милиони евра за субвенции за земјоделците.

Со ребалансот на Буџетот, како што посочи, се обезбедени и средства за покачување на пензиите на пензионерите, на платите за наставниците, за субвенции за покачување на минималната плата, и во јавниот и во приватниот сектор, како и повеќе средства за социјални надоместоци и субвенции за гарантиран минимален приход.

„Овој ребаланс е соодветен и навремен фискален одговор на тековните глобални случувања. Ова е ребаланс за целосно заздравување на економијата од пандемијата. Ребаланс за поддршка на граѓаните и фирмите во екот на глобалната ценовната и енергетска криза“, рече Бесими.

Економскиот раст за годинава е проектиран на 3,2 проценти. Се очекува побарувачката да биде главен двигател на растот. Капиталните расходи се планирани на ниво од 32,2 милијарди денари, за околу 6 милијарди денари помалку во однос на планот за 2022 година.

Стапката на инфлација е проектирана на 7,2 проценти, што е интензивирање на ценовниот пораст споредено со 2021 година. Меѓународните финансиски институции, укажа Бесими, очекуваат во втората половина од годината умерено и постепено да се стабилизираат ценовните притисоци, додека догодина да дојде до нивна целосна стабилизација.

Дефицитот е планиран на ниво од 42,7 милијарди денари, односно 5,3 проценти од БДП, што е за 9,1 милијарда денари повеќе во однос на првичниот буџет. Дефицитот и отплатата на надворешниот и на домашниот долг кои се во износ од 11,8 милијарди денари, или вкупно 54,5 милијарди денари, според Бесими, ќе се финансираат преку задолжување од 59,3 милијарди денари на меѓународниот и од 21,6 милијарди денари на домашниот пазар.

Вкупните приходи се планирани на ниво од 245,8 милијарди денари и се за околу 6,9 милијарди денари или 2,9 проценти повисоки во однос на иницијалните проекции на Буџетот. Планираното ниво на даночните приходи е за пет проценти повисоко во однос на Буџетот. Износот на вкупните планирани расходи, пак, е 288,5 милијарди денари или за околу 16,1 милијарди денари (за 5,9 проценти) повеќе во однос на иницијалните проекции со планот за 2022 година.

Според Бесими, годинава се очекува раст на побарувачката за работна сила, поттикната преку активните мерки и програми за вработување и поддршката на домашните и странските претпријатија за отворање нови работни места. Според основното макроекономско сценарио, растот на бројот на вработени е проектиран на 1,6 проценти, што ќе придонесе просечната стапка на вработеност да се зголеми на 47,9 проценти, додека стапката на невработеност да се намали на 14,5 проценти.

Просечната нето-плата, според Бесими, се очекува забрзано да расте со проекција од 11 проценти за 2022, во услови на покачување на минималната плата за 18,4% во март, зголемување на платите во секторот образование, како и пораст на платите во некои високо-продуктивни дејности, како што се информациско-комуникациската дејност, стручни, научни и технички дејности.

Партијата на Каракачанов на протести против кревање на ветото

Красимир Каракачанов

Бугарската партија ВМРО на поранешниот министер за одбрана Красимир Каракачанов денеска во Кресна одржа демонстрации против евентуалното паѓање на бугарското вето за отпочнување на преговорите за влез на Северна Македонија во ЕУ. Протестот беше насловен „Не ја изневерувајте Македонија“. Точно на пладне тие го блокирале сообраќајот низ Кресненската клисура.

„Од 4 мај одржуваме различни акции за да покажеме дека владата не е надлежна за нашите односи со Северна Македонија. Историската вистина е на наша страна“, изјави еден од демонстрантите Владимир Митов за Нова.

Демонстраните извикуваа пароли „И порано и сега, Македонија е бугарска“.

Почетокот на преговорите на Македонија со ЕУ е блокиран од страна на Бугарија, која стави вето поради прашања поврзани со историјата и јазикот на земјава. Во последно време се погласни се повиците од источниот сосед за ставање на Бугарите во македонскиот Устав како услов за решавање на спорот.

Целосно изгаснат пожарот кај „Комуна“,има материјална штета

Пожарникари. Илустрација.

Во магацински простор кај старата скопска фабрика „Комуна“ избувнал, кој во меѓувреме е изгаснат, изјави командирот на скопската Бригада за противпожарна заштита, Звонко Томески.

„За кратко време пожарот е ставен под контрола, целосно е изгаснат и не е дозволено да се прошири во останатите објекти во кругот на фабриката“, изјави Томески за МИА.

Томески информира дека по дојавата веднаш биле упатени девет противпожарни возила со 20 пожарникари, а станувало збор за магацински протстор во кој била складарна пластика за понатамошна рециклажа.

„Карактеристично е што во кругот на фабриката и во објектите немаше функционална хидрантска мрежа“, додадеТомески.
Во пожарот нема повредени, но е причинета материјална штета. Дојавата за пожарот во скопската Бригада за противпожарна заштита е примена во 4.55 минути.


САД и други земји го напуштиле состанокот на АПЕК

Архивска фотографија од состанокот на АПЕК во 2014 година

Претставници на САД и на неколку други земји денеска го напуштиле состанокот на министрите за трговија на Азија и Пацификот во Бангкок во знак на протест против руската инвазија врз Украина, изјавија официјални лица и дипломати за Ројтерс.

Претставници од Канада, Нов Зеланд, Јапонија и Австралија им се придружија на Американците во напуштањето на состанокот на Азиско-пацифичката економска соработка- АПЕК, изјавија двајца тајландски претставници и двајца меѓународни дипломати. Напуштањето се случило додека рускиот претставник давал забелешки на отворањето на дводневниот состанок на групата од 21 економија.

Друг дипломат изјави за Ројтерс дека петте земји кои го организирале протестот сакале „посилна осуда за војната во Русија“ при што последното соопштениет на групата треба да биде објавено утре.

Светските лидери остро ја осудија неиспровоцираната војна на Русија против Украина, која започна на 24 февруари.

САД и Јужна Кореја со договор за засилени мерки за Северна Кореја

Американскиот претседател Џо Бајден

САД и Јужна Кореја се договорија денеска да ги засилат мерките за одвраќање на Северна Кореја и да ја прошират соработката за низа мерки од сајбер безбедноста и нуклеарната енергија до регионалната безбедност и синџирите на снабдување.

Во заедничката изјава објавена по првиот самит меѓу американскиот претседател Џо Бајден и новиот јужнокорејски претседател Јун Сук-Јол, двете земји ветија дека ќе го прошират својот сојуз за да се справат со прашања надвор од Северна Кореја, додека остануваат отворени за разговори со Пјонгјанг.

Двајцата лидери, исто така, ја споделиле својата загриженост за ширењето на Ковид- 19 во Северна Кореја и понудиле да работат со меѓународната заедница за давање на помош.

Бајден рече дека Америка и понудила на Северна Кореја вакцини за Ковид- 19, но,не добила одговор и покрај ширењето на болеста во изолираната земја.

„Ние понудивме вакцини, не само на Северна Кореја, туку и на Кина, и подготвени сме да го сториме тоа веднаш. Немаме одговор“, рече Бајден на прес-конференција во Сеул.

Русија ја прекина испораката на гас во Финска

Гасовод. Илустрација.

Газпром денеска го запре извозот на гас во соседна Финска, соопшти финската државна енергетска компанија Гасум, што претставува најнова ескалација на спорот за плаќање на енергија на Русија со западните земји.

Газпром експорт побара европските земји да ги платат испораките на руски гас во рубљи поради санкциите воведени поради неиспровоцираната инвазија на Москва на Украина, но Финска одби да го стори тоа.

„Увозот на гас преку влезната точка Иматра е запрен“, се вели во соопштението.

Иматра е влезна точка за рускиот гас во Финска. Газпром потврди дека „целосно ја прекинал испораката на гас бидејќи не добил исплата во рубљи од финската компанија Гасум до крајот на вчерашниот работен ден“.

Гасум рече дека наместо тоа, природниот гас ќе се снабдува од други извори преку гасоводот Балтикконектор, кој ја поврзува Финска со Естонија.

Гасум, финската влада и индивидуалните компании за потрошувачка на гас во Финска рекоа дека се подготвени за прекин на рускиот гас и дека земјата ќе се справи со ситуацијата.

„Финскиот гасен систем е во рамнотежа и физички и комерцијално“, соопти денеска Гасгрид.

Овој потег следи по одлуката на Финска претходно оваа недела да поднесе барање за влез во НАТО, бидејќи се обидува да ја зајакне својата безбедност во услови на руската агресија врз Украина.

Москва веќе го прекина гасот за други земји, вклучувајќи ги Бугарија и Полска, откако тие одбија да ги почитуваат новите услови за плаќање. Поголемиот дел од гасот што се користи во Финска доаѓа од Русија, но гасот сочинува само околу 5 отсто од неговата годишна потрошувачка на енергија.

СЗО предупредува од ширење на мајмунските сипаници во Европа

Мајмунски сипаници

Регионалниот директор на Светската здравствена организација-СЗО за Европа , Ханс Клуге предупреди дека ширењето на реткиот вирус на мајмунски сипаници може да се забрза на континентот во текот на летните месеци.

„Како што влегуваме во летната сезона во европскиот регион, со масовни собири, фестивали и забави, загрижен сум дека преносот може да се забрза, бидејќи случаите што моментално се откриени се меѓу оние кои имале сексуална активност, а симптомите се непознати за многумина“, рече Клуге.

Повеќе од 100 случаи на вирусна инфекција се потврдени или се сомнителни во Белгија, Франција, Германија, Италија, Португалија, Шпанија, Шведска, Холандија и Британија. Случаи се откриени и во САД, Канада и Австралија.

Мајмунските сипаници, почести во западна и централна Африка, предизвикуваат блага вирусна болест која се карактеризира со треска и карактеристичен осип. Прво идентификувана кај мајмуните, болеста обично се шири преку близок контакт и ретко се шири надвор од Африка.

Научниците не очекуваат дека избувнувањето ќе еволуира во пандемија како Ковид-19 бидејќи вирусот не се шири толку лесно. Мајмунските сипаници генерално се јавуваат во Централна и Западна Африка, често во близина на тропските дождовни шуми, и се сметаат за ендемични во Демократска Република Конго, каде што за прв пат беше откриена кај луѓето во 1970 година.

Русија со напад на украинскиот регион Луганск

Разрушен објект од руските напади во Украина

Русија се приближува да ја преземе контролата над украинскиот регион Донбас, тврдејќи дека победила во повеќемесечната битка за фабриката за челик во Мариупол додека започна голема офанзива во провинцијата Луганск. Последните украински сили заробени во челичарницата Азовстал во Мариупол се предадоа на 20 мај, соопшти руското Министерство за одбрана.

Русија, исто така, започна напад за да ја заземе последната преостаната територија под контрола на Украина во провинцијата Луганск.

„Руската армија започна многу интензивно уништување на градот Сјеверодоњецк, интензитетот на гранатирањето е двојно зголемен, тие гранатираат станбени квартови, уништувајќи куќа по куќа“, рече гувернерот на Луганск, Серхи Хејдеј на својот канал Телеграм.

Генералштабот на Украина соопшти дека ја отфрлил офанзивата на Сјеверодоњецк, дел од, како што ги опиша, големи руски операции долж делот на линијата на фронтот. Сирените за воздушен напад рано утринава се вклучија во поголемиот дел од Украина, вклучително и во регионот на главниот град Киев и јужното пристаниште Одеса.

Русија се обидува да воспостави контрола врз Мариупол, пристанишен град на Азовското Море, за да го заврши копнениот коридор до полуостровот Крим, кој го анектираше во 2014 година, и да ослободи војници за да се приклучат во битката за контрола на регионот Донбас.

Украинскиот претседател Володимир Зеленски рече дека Русија треба да биде принудена да плаќа за секој дом, училиште, болница и бизнис што ќе го уништи. Тој ги повика партнерите на Украина да ги запленат руските средства и имотот под нивна јурисдикција и да ги искористат за да создадат фонд за обештетување на настраданите.

„Русија ќе ја почувствува вистинската тежина на секој проектил, секоја бомба, секоја граната што ја испука кон нас“, рече тој во своето ноќно видео обраќање.

Сончево и топло време

Belarus – The sun light, generic, February 2017

Времето денеска ќе биде сончево и топло со слаб променлив ветер. Минималната температура ќе биде во интервал од 3 до 10, а максималната ќе достигне од 26 до 33 степени.Во Скопје сончево со слаб северозападен ветер. Минималната температура ќе се спушти до 7, а максималната ќе достигне 31 степен.

Како што најавија од Управата за хидрометеоролошки работи, во следните денови ќе биде топло со пораст на дневната температура, која на повеќе места ќе биде над просекот за овој период од годината. Од недела во попладневните часови ќе има локална појава на нестабилност со пороен дожд, грмежи и засилен ветер.

Владата го усвои ребалансот на буџетот

Влада на РСМ

Владата на денешната седница го усвоила предлогот за изменување и дополнување на Буџетот на Република Северна Македонија за 2022 година.

„Предложените измени и дополнувања, со кратења на непродуктивните трошоци во име на солидаризирање со последиците од актуелната криза, соопштија денеска од владината прес-служба, ќе овозможи поголема заштита на животниот стандард на граѓаните, особено ранливите категории, финансиска поддршка на ликвидноста на компаниите и оптимизирање на трошоците на позајмување, поддршка на монетарна политика и создавање поповолни услови за остварување на проектираните стапки на економски раст на краток и среден рок“, се наведува во владиното соопштение.

За деталите од предложениот ребаланс Министерството за финансии ќе извести на прес-конференција која е предвидено да се одржи во текот на утрешниот ден.

Поранешниот германски канцелар Герхард Шредер даде оставка од бордот на директори на рускиот државен нафтен гигант Роснефт

Поранешниот германски канцелар Герхард Шредер и рускиот претседател Владимир Путин

Поранешниот германски канцелар Герхард Шредер и германскиот бизнисмен Матијас Варниг најавија оставки од бордот на директори на рускиот државен нафтен гигант Роснефт, соопшти компанијата на 20 мај.

Шредер, претседател на Управниот одбор на Роснефт од 2007 година, и Варниг рекоа дека е невозможно за нив да ги продолжат своите мандати во одборот, се вели во соопштението на Роснефт, без да се соопштат повеќе детали.

Долгогодишниот пријател на рускиот претседател Владимир Путин, Шредер се најде под зголемен меѓународен притисок откако Москва ја започна својата инвазија на Украина во февруари.

Шредер, член на Социјалдемократската партија (СПД), беше германски канцелар од 1998 до 2005 година. Тој со години се соочува со жестоки критики во Германија поради неговата работа за руските енергетски компании контролирани од државата.

Шредер, исто така, работел за Гаспром и има водечки позиции во гасоводите „Северен тек“ и „Северен тек 2“.

Ворниг е и управен директор на Северен тек 2. Тој беше вклучен на списокот со санкции на САД по инвазијата.

Одлуката на Шродер да се повлече од управниот одбор на Роснефт доаѓа откако му беше отстрането правото на канцеларија во германскиот парламент во Берлин. Тој, исто така, се соочува со повици да биде санкциониран од Европскиот парламент.

Сегашниот канцелар на Германија, Олаф Шолц, го повика Шредер да ја напушти партијата.

Шолц на 20 мај ја поддржа одлуката на германскиот парламент за затворање на канцеларијата на Шредер и го обнови повикот до поранешниот канцелар да се откаже од сите свои руски енергетски позиции.

Ердоган разговараше со холандскиот премиер за НАТО-патот на Шведска и Финска

Турскиот претседател Реџеп Тајип Ердоган

Турскиот претседател Реџеп Тајип Ердоган денеска изјави дека имал опсежен разговор со холандскиот премиер Марк Руте за барањата на Шведска и Финска за членство во НАТО, јави Анадолија.

По петочната молитва во Истанбул, Ердоган најави дека утре ќе разговара со претставници од Велика Британија и Финска, како и со генералниот секретар на НАТО Јенс Столтенберг.

Двете нордиски земји во средата формално поднесоа барање за влез во НАТО, одлука поттикната од руската војна против Украина. Турција се спротивстави на кандидатурите на Финска и Шведска за членство, критикувајќи ги двете земји дека толерираат, па дури и поддржуваат терористички групи како Курдската работничка партија и т.н.ФЕТО.

„Повеќето земји-членки на ЕУ во моментов дозволуваат ПКК/ЈПГ да одржуваат говори во нивните парламенти, додека некои ги снабдуваат со оружје и муниција. Не можеме да кажеме „да“ за влезот на овие терористички организации во НАТО, која е безбедносна организација“, истакна Ердоган.

Тој рече дека терористичките организации организираат различни маршеви во Германија, Шведска, Финска, Холандија и Франција.

Вчитај повеќе

XS
SM
MD
LG