Достапни линкови

Вести

Стејт Департмент: Владата презема мерки за подобрување на инвестициската клима

Седиште на Владата.
Седиште на Владата.

Американскиот Стејт департмент во извештајот за инвестициската клима во Северна Македонија за 2020 година наведува дека новата влада, утврдена од Парламентот во август минатата година, презема мерки за подобрување на инвестициската клима во земјата.

Министрите без портфолио, според извештајот, кои претходно ја споделуваа одговорноста за привлекување странски директни инвестиции беа отпуштени и сега ова е координарано од канцеларијата на заменик министерот за економија, така што процесот е поедноставен. Во напорите да се справи со корупцијата, како што се наведува, Државната комисија за спречување корупција започна голем број истраги поврзани со корупција, вклучувајќи и истраги поврзани со високи официјaлни лица.

„Амбасадата во 2020 детектираше дека информациско-комуникациските технологии е област во развој зрела за американски инвестиции бидејќи Владата неодамна се фокусираше на обезбедување подобра клима за технолошки развој. Географската положба е предност ако компаниите разгледуваат можност за блиско отварање производство (near-shoring), со што нивните производи се достапни за конзумација многу поблиску до Европа. Ова е посебно важно по намаленото производство во светот во 2020 поради пандемијата“, се вели во изештајот.

Се укажува дека пандемијата на Ковид-19 извршила силен удар врз економијата на земјата и незината способност да прифати странски инвестиции.

„Иако напорите на Владата да го пренасочи производството за најпотребни стоки и да ги контролира цените од почетокот на пандемијата завршија, ограничувањата на движењето на луѓето и значајното зголемување на невработеноста ја ограничија потрошувачката и ги намалија услугите за отварање бизнис“, се наведува во извештајот.

Пандемијата, според извештајот, остро го запрела растот на БДП, од зголемените 3.9 отсто во 2019 до налаување од 4.5 отсто во 2020 година, „иако во март Владата прогнозираше раст на БДП од 4.1 отсто“. Вирусот најверојатно, иако засега е непознато, како што пишува во извештајот може да има долготрајно влијание на економијата во текот на 2021 година и потоа.

Сепак, извештајот посочува дека целокупната регулаторна рамка на земјата останува сложена и честите регулаторни или законски измени, заедно со неконзистентното токкување на правилата, создаваат непредвидлива бизнис клима подложна на корупција.

Се наведува и дека Северна Македонија нема „едношалтерски систем“ и затоа инвеститорите се принудени да се насочуваат низ неколку бирократски институции за да ги реалзираат нивните инвестиции.

види ги сите денешни вести

Силјановска Давкова и Пендаровски ќе се соочат во вториот круг претседателски избори

Стево Пендаровски, претседателски кандидат на СДСМ и Гордана Силјановска Давкова, претседателска кандидатка на ВМРО-ДПМНЕ (претседателски избори во Северна Македонија, 24.4.2024 година)
Стево Пендаровски, претседателски кандидат на СДСМ и Гордана Силјановска Давкова, претседателска кандидатка на ВМРО-ДПМНЕ (претседателски избори во Северна Македонија, 24.4.2024 година)

Гордана Силјановска Давкова, кандидатка за претседател на Северна Македонија поддржана од ВМРО-ДПМНЕ и Стево Пендаровски, претседателскиот кандидат на СДСМ, ќе се соочат во вториот круг од претседателските избори што ќе се одржат на 8 мај, истовремено со единаесеттите парламентарни избори во Северна Македонија, покажуваат првичните неофицијални резултати што на прес-конференција вечерва ги објави Државната изборна комисија (ДИК).

Според резултатите, од преброени гласови од 3.156 избирачки места (89, 98 отсто од избирачките места), Силјановска Давкова освоила 324. 177 гласови или 39,99 отсто. Пендаровски освоил 161. 393 гласови односно 19, 90 отсто од гласовите.

Силјановска Давкова во вториот круг влегува со предност од повеќе од 150.000 гласови пред Пендаровски. Двајцата беа директни ривали и на претседателските избори пред пет години, во 2019 година.

Трет по освоени гласови од седуммината претседателски кандидати е Бујар Османи од ДУИ со освоени 110. 903 гласови.

Следуваат Арбен Таравари со 78. 110 гласови, Максим Димитриевски од ЗНАМ со 70.996 гласови, Билјана Ванковска, кандидатката поддржана од „Левица“ со 35.949 гласови и Стевчо Јакимовски од ГРОМ со 7.499 гласови, според досегашните резултати.

Александар Даштевски, претседател на ДИК, рече дека 49,75 отсто е излезноста на гласачите според податоците од 3.156 избирачки места. На гласање излегле 810. 971 гласачи. Важечки гласачки ливчиња се 789. 031, а неважечки се 21.946 гласачки ливчиња.

Даштевски оцени дека изборниот ден минал мирно, а граѓаните достоинствено гласале.

„Деведесет и девет отсто работите минаа како што треба“, рече претседателот на ДИК.

Во првиот круг од претседателските избори право на глас на имаа 1.814.317 граѓани. Се гласаше на 3.508 избирачки места, а оценките кои пристигнаа и од институциите и од партиските штабови беа дека изборниот ден поминал во фер и демократска атмосфера.

Според македонскиот изборен систем, претседателот на Републиката се избира на општи и непосредни избори, со тајно гласање за мандат од 5 години, со право на најмногу два мандати.

За некој да победи во првиот круг потребно е да освои 50% + 1 глас од вкупниот број регистрирани гласачи во Избирачкиот список. Во вториот, пак, победува кандидатот кој освоил мнозинство од вкупниот број гласови, при што е потребно да има излезност од најмалку 40 отсто.

Овие претседателски избори се седми по ред на кои граѓани непосредно го бираат шефот на државата.

Мицкоски: Повикувам на целосно обединување против оваа власт

Христијан Мицкоски, претседател на ВМРО-ДПМНЕ, прес-конференција по претседателските избори во Северна Македонија, 24.4.2024 година
Христијан Мицкоски, претседател на ВМРО-ДПМНЕ, прес-конференција по претседателските избори во Северна Македонија, 24.4.2024 година

После денешниот ден, јас повикувам на целосно народно и седржавно обединување против оваа власт, подавам рака и ги повикувам сите дојдете да се сплотиме и обединиме. Овде имаме работа поважна од секоја партија. За Македонија се работи, ова е тоа време, ова е нашето време, сега е моментот да се обединиме, рече Христијан Мицкоски, претседател на ВМРО-ДПМНЕ, одна прес-конференција по затворањето на гласачките места на првиот круг од изборите за претседател на Северна Македонија.

„Народ се излеа и пораката е јасна – Македонија не се плаши и се враќа во рацете на народот. Целиот народ, ние со вас, наспроти стотина трговци од ДУИ и СДСМ кои се причина за криминалот и страдањата во Македонија. Македонија покажа дека е посилна од криминалот и корупцијата и дека народот е определен“, рече Мицкоски.

Тој кажа дека пред прес-конференцијата го побарал Арбен Таравари, кандидат на коалицијата на опозициските партии на Албанците, на кој му посакал успех на парламентарните и иднина во власта.

„Македонија ќе ги мобилизира сите капацитети. Време е да си ја вратиме оваа Македонија и да испишиме нова деценија. Да не дозволиме ДУИ во вториот круг да направи добар резултат и затоа ве повикувам да излезете да гласаме за Македонија за да биде повторно горда и да биде повторно ваша“, рече Мицкоски од партиската говорница.

Според него, ВМРО-ДПМНЕ била потценета партија пред изборите.

„Ветив дека ќе победиме со најмалку 100.000, а победуваме со повеќе од 170.000 гласови“, рече Мицкоски.

Мицкоски кажа дека ВМРО-ДПМНЕ од опозиција освоиле најмногу гласови до сега.

„Цунамито се крена и виси над глава, а на 8 мај ќе ги потопи целосно. Имаме обврска да им ги срушиме сите идеи за калкулации и предавство, сите нивни понижувања кои ги прават особено изминативе денови. Ова е револуција на народот на Македонија. Но работата не е завршена, а власта не е ни најмалку наивна. Првиот круг е жолтиот картон, а конечниот, црвениот е потребен на 8 мај против оваа криминална и корумпирана власт“, рече Мицкоски.

Според првичните неофицијални податоци на Државната изборна комисија (ДИК) од преброени 90,25 отсто од гласовите, кандидатката за претседател на ВМРО-ДПМНЕ Гордана Силјановска Давкова со освоени 325.150 гласови (39,95%) е во убедлива предност пред Стево Пендаровски од СДСМ со 162.062 гласови (19,91 %).

Ова се седми непосредни избори за претседател од независноста на државата. Право на глас имаа 1.814.317 граѓани лица запишани во избирачки список. Тие на 3.480 избирачки места можеа да се изјаснат за еден од седумтемина кандидати: Стево Пендаровски од СДСМ, Гордана Силјановска Давкова, кандидатка на ВМРО-ДПМНЕ, Стевчо Јакимовски од ГРОМ, Бујар Османи од ДУИ, Билјана Ванковска, кандидатка на „Левица“ Арбен Таравари, кандидат на колаицијата „Вреди“ и Максим Димитревски од движењето ЗНАМ.

Ковачевски: Jасно е дека луѓето нè казнија, го прифаќаме тоа, очекуваме подобри резултати во вториот круг

Северна Македонија - Димитар КОвачевски, претседател на СДСМ, на прес-конференција по претседателските избори во Северна Македонија, 24.4.2024 година
Северна Македонија - Димитар КОвачевски, претседател на СДСМ, на прес-конференција по претседателските избори во Северна Македонија, 24.4.2024 година

Не очекувавме ваков резултат, јасно е дека луѓето нè казнија и тоа го прифаќаме. Ова е тежок удар за европската перспектива, но не е доцна да се смени правецот. Откажувањето не е опција за нас, нема да се откажеме од европската иднина, рече Димитар Ковачевски, претседател на СДСМ, на прес-конференција по првичните неофицијални резултати од претседателските избори во Северна Македонија.

Првичните резултати се дека кандидатката на ВМРО-ДПМНЕ, Гордана Силјановска Давкова е во убедливо водство пред кандидатот на СДСМ, Стево Пендаровски.

Ковачевски рече дека имаат уште две недели да испратат порака до секој граѓанин дека единствениот начин за суштинска и вистинска промена е европската интеграција на Северна Македонија.

„Знаеме дека граѓаните с емногу уморни од европскиот пат, Европската Унија не ги одржа ветувањата, но нема друг пат. Време е да ги ставиме настрана сите разлики, да се обединиме околу европската иднина на земјата. Ако ја пропуштиме шансата ќе ни треба многу време да се вратиме на вистинскиот пат. Знам дека наши поддржувачи се разочарани, но не е доцна, не смееме да се откажеме, ќе работиме секој ден на терен да ја добиме поддршката. Нема да ги наведнеме главите, ќе продолжиме да се бориме“, рече Ковачевски.

На прашање дали чувствува одговорност за изборниот резултат и дали размислува да понуди оставка од лидерската позиција, тој кажа дека за тоа ќе се дискутира во партијата по 8 мај, кога ќе се одржи втор круг претседателски избори кои се во ист ден со парламентарните избори.

„Никогаш не сум бегал од одговорност. Ова е само прв круг, во вториот круг очекуваме подобри резултати. Што ќе се случува после избори одлучуваат партиските органи. Имаме втор круг од претседателски избори и парламентарни избори пред нас. По тие резултати ќе се разговара на Конгресот на партијата. Ова прашање ќе ми го поставите после две недели, а може и нема да мора да ми го поставите“, рече Ковачевски.

Според податоците на Државната изборна комисија (ДИК) од преброени 90,25 отсто од гласовите, кандидатката за претседател на ВМРО-ДПМНЕ Гордана Силјановска Давкова со освоени 325.150 гласови (39,95%) е во убедлива предност пред Стево Пендаровски од СДСМ со 162.062 гласови (19,91 %).

Гласачките места беа отворени од 7 часот до 19 часот. Право на глас имаа 1.814.317 граѓани лица запишани во избирачки список. Тие на 3.480 избирачки места можеа да се изјаснат за еден од седумтемина кандидати.

Ова се седми непосредни избори за претседател од независноста на државата. Претходните беа одржани во 1994, 1999, 2004, 2009, 2014 и во 2019 година.

Пендаровски:Резултатите не се какви што очекувавме, нема предавање

Северна Македонија - Стево Пендаровски, актуелен претседател на Северна Македонија и кандат за втор мандат со поддршка од СДСМ (претседателски избори, 24.4.2024 година)
Северна Македонија - Стево Пендаровски, актуелен претседател на Северна Македонија и кандат за втор мандат со поддршка од СДСМ (претседателски избори, 24.4.2024 година)

Резултатите не се такви какви што очекувавме, разликата ќе биде околу 130.000 гласови. Очекувавме помалку разлика, но утре е нов ден, од утре повторно почнуваме со средби со граѓани кои ги пратикувавме и досега и почнуваме практичнo од нула, рече Стево Пендаровски, актуелен претседател на Северна Македонија и кандидат за втор мандат поддржан од СДСМ, на прес-конференција по завршувањето на гласањето на денешните претседателски избори.

„Тргнуваме од нула, од почеток. Моја задача ќе биде, како и во изминативе 20 дена, да го промовирам концептот во кој длабоко верувам, а тоа е интегрирана држава, без поделби. Ги охрабрувам граѓаните кои не излегоа во првиот круг, да учестуваат во вториот круг, затоа што веруваат дека победникот ќе се решава во вториот круг. Очекувам уште поголем одѕив и уште поголем бројка да го препознаат концептот на демократска, просперитетна држава, рамноправна со сите нации“, рече Пендаровски.

Тој кажа дека нема да прифати никаква понуда или договор со ниту еден политички субјект или кандидат за механичко префрлување на гласовите во вториот круг на претседателските избори на 8 мај.

„Тоа е туѓ концепт на моето верување. Не постојат зборови „понудени“ и „префлени“ гласови на граѓани, зад секое име и презиме се крие посебна единка, никогаш во политиката граѓаните не сум ги подразбирал како аморфна маса на која ќе им се каже дали да ги префрлаат гласовите. Ќе одбијам било каков обид за нудење на гласови на граѓани“, рече Пендаровски.

Според податоците на Државната изборна комисија (ДИК) од преброени над 80 проценти од гласовите, кандидатката за претседател на ВМРО-ДПМНЕ Гордана Силјановска Давкова со освоени 282. 075 гласови (39,82%) е во убедлива предност пред Стево Пендаровски од СДСМ со 137. 450 гласови (19,42%).

Гласачките места беа отворени од 7 часот до 19 часот. Право на глас имаа 1.814.317 граѓани лица запишани во избирачки список. Тие на 3.480 избирачки места можеа да се изјаснат за еден од седумтемина кандидати.

Ова се седми непосредни избори за претседател од независноста на државата. Претходните беа одржани во 1994, 1999, 2004, 2009, 2014 и во 2019 година.

Силјановска Давкова: Во вториот круг очекувам поддршка од сите, особено од опозицијата

Гордана Силјановска Давкова, претседателски кандидат на ВМРО-ДПМНЕ (претседателски избори во Северна Македонија, 24.4.2024 година)
Гордана Силјановска Давкова, претседателски кандидат на ВМРО-ДПМНЕ (претседателски избори во Северна Македонија, 24.4.2024 година)

Денешниот резултат е неверојатно инспиративен за мене, рече Гордана Силјановска Давкова, претседателски кандидат на ВМРО-ДПМНЕ, во обраќањето откако заврши гласањето на денешните избори за претседател на Северна Македонија, откако првичните неофицијални резултати на Државната изборна комисија(ДИК) се дека таа има значителна предност пред второрангираниот кандидат Стево Пендаровски од СДСМ.

„Немам зборови со кои можам да ја изразам благодарноста - не мислам дека сум посебна во многу работи, само знам дека тоа што ќе го ветам, ќе го остварам, на мој начин, во тоа ве уверувам“, рече Силјановска Давкова во обраќањето во седиштето на ВМРО-ДПМНЕ.

Таа рече дека е горда на граѓаните, на членовите на ВМРО-ДПМНЕ, на нивните коалициски партнери, а посебно е горда на жените.

Силјановска Давкова рече дека во вториот круг очекува поддршка од сите, „особено од оние во опозицијата, така ми покажува логиката“.

„Ова е крајот на првиот круг, доаѓа вториот круг, јас ќе се однесувам и во вториот круг кон оној со кој ќе треба да се натпреварувам, со должна почит. Се разбира очекувам таков однос. Не мислам дека треба да фрлиме сенка кон она што се случуваше денеска, треба да ги инспирираме граѓаните, да ги увериме дека вреди да се учествува на избори, да се чуе дека сум горда, особено на граѓаните, а без граѓани нема горда Македонија“, рече таа.

Силјановска Давкова најави дека ќе соработува со партијата што ја предложи, но и со со опозицијата, со невладините организации, со медиумите...

„Ве уверувам дека ќе се обидам секој ден да докажам дека сум таму не заради својата политичка кариера, туку заради Македонија“, рече таа.

Од обработени податоци 81,64% отсто избирачки места, според првичните неофицијални податоци на ДИК, Гордана Силјановска Давкова има освоено 287. 192 гласови. Нејзиниот противкандидат Стево Пендаровски има освоено 140. 272 гласови.

Ова се седми непосредни избори за претседател од независноста на државата. Претходните беа одржани во 1994, 1999, 2004, 2009, 2014 и во 2019 година.

Тапани во штабот на ВМРО-ДПМНЕ, воздржаност кај СДСМ

Колаж илустрација од атмосферата во штабовите на СДСМ и ВМРО-ДПМНЕ, 24.4.2024 година, Скопје, претседателски избори во Северна Македонија
Колаж илустрација од атмосферата во штабовите на СДСМ и ВМРО-ДПМНЕ, 24.4.2024 година, Скопје, претседателски избори во Северна Македонија

Тапани и знамиња пред штабот на ВМРО-ДПМНЕ, молк и воздржаност кај СДСМ, е атмосферата од изборните штабови што ја пренесуваат репортерите на Радио Слободна Европа (РСЕ) откако Државната изборна комисија (ДИК) вечерва почна да објавува првични нецелосни резултати од изборите за претседател на Северна Македонија што се одржаа денеска, на 24 април.

Атмосфера пред штабот на ВМРО-ДПМНЕ, Скопје, претседателски избори, 24.4.2024 година
Атмосфера пред штабот на ВМРО-ДПМНЕ, Скопје, претседателски избори, 24.4.2024 година

Млади со знамиња пристигнаа пред главното седиште на ВМРО-ДПМНЕ, таканаречената „Бела палата“ во центарот на Скопје, каде ќе го следат обраќањето кандидатката за претседател Гордана Силјановска - Давкова најавено за во 22 часот. Во штабот се чувствува победничка атмосфера, а луѓе допрва почнуваат да доаѓаат, јави репортерот на РСЕ.

Во штабот на СДСМ, лоциран во хотелот „Александар Палас“ е речиси празно, пренесе репортерот на РСЕ. Досега, освен новинарските екипи, таму пристигнаа само неколкумина од повискоите партиски функционери - заменик претседателката Сања Лукаревска, министрите Бојан Маричиќ, Славјанка Петровска, Стефан Богоев и претставници на некои од помалите коалициски партнери.

Изборниот штаб на СДСМ, 24 април 2024 - претседателски избори во Северна Македонија
Изборниот штаб на СДСМ, 24 април 2024 - претседателски избори во Северна Македонија

Таму засега нема ни видео-бим за следење резултати, а досега не се споделуваа никакви информации со новинарите. Единствената најава е дека во 22.30 часот најверојатно ќе се обрати претседателскиот кандидат на СДСМ, Стево Пендаровски.

Кандидатката на ВМРО-ДПМНЕ и коалицијата „Твоја Македонија“, Гордана Сиљановска-Давкова води во првиот круг од претседателските избори, покажуваат првичните нецелосни резултати на Државната изборна комисија (ДИК).

На речиси 72,21 отсто обработени гласови, таа освоила 251.461 глас или 39,25 отсто. Втор е актуелниот претседател и кандидат на СДСМ и коалицијата За европска Македонија, Стево Пендаровски со 123.265 гласа – 19,24 отсто.

Кандидатот на ДУИ и Европскиот фронт и актуелен министер за надворешни работи Бујар Османи има 92.885 гласа што е 14,50 отсто. Зад него е кандидатот на коалицијата Вреди, Арбен Таравари со 66.917 глас – 10,45 отсто.

Според досегашните податоци на ДИК, Максим Димитриевски од ЗНАМ е следен по бројот на освоени гласано – 53.982 или 8,43 отсто. Билјана Ванковска од Левица, пак, има 28.671 гласа – 4,48 отсто, а последен е Стевчо Јакимовски од Гром и коалицијата „Храбро за Македонија“ со 5.467 или 0,85 отсто.

Заклучно со 19 часот заврши гласањето на првиот круг од седмите претседателски избори во Северна Македонија на кои право на глас имаат 1.814.317 избирачи, на вкупно 3.480 избирачки места.

Граѓаните можеа да се изјаснат за еден од седумтемина кандидати: Стево Пендаровски од СДСМ, Гордана Силјановска Давкова, кандидатка на ВМРО-ДПМНЕ, Стевчо Јакимовски од ГРОМ, Бујар Османи од ДУИ, Билјана Ванковска, кандидатка на „Левица“ Арбен Таравари, кандидат на колаицијата „Вреди“ и Максим Димитревски од движењето ЗНАМ.

ДИК: Гордана Силјановска Давкова води пред Стево Пендаровски

Стево Пендаровски, претседателски кандидат на СДСМ и Гордана Силјановска Давкова, претседателски кандидат на ВМРО-ДПМНЕ
Стево Пендаровски, претседателски кандидат на СДСМ и Гордана Силјановска Давкова, претседателски кандидат на ВМРО-ДПМНЕ

Кандидатката на ВМРО-ДПМНЕ Гордана Сиљановска – Давкова има 287.192 гласови (39,93 отсто) со што е во предност пред кандидатот на СДСМ, Стево Пендаровски, кој има 140.272 гласови (19,50 отсто) на 80,51 отсто од преброените гласови, според првичните неофицијални резултати што ги објавува Државната изборна комисија(ДИК) за првиот круг на претседателските избори.

Кандидатот на ГРОМ Стевчо Јакимовски има 5.242 гласови (0,73%), кандидатот на ДУИ Бујар Османи има 102.360 гласови (14,23%), кандидатката на Левица Билјана Ванковска – Цветковска има 31.013 гласови (4,31%), кандидатот на албанската опозиција Арбен Таравари има 72.358 гласови (10,06%) и кандидатот на ЗНАМ Максим Димитриевски има 60.850 гласови (8,46%).

ДИК првичните резултати од гласањето добиени по електронски пат ги објавува сукцесивно, а резултатите од записниците од ОИК во рок од 12 часа по завршувањето на изборите.

Конечните резултати од изборите ДИК ги објавува во рок од 24 часа од денот на нивната конечност.

Гласачките места беа отворени од 7 часот до 19 часот. Право на глас имаа 1.814.317 граѓани лица запишани во избирачки список. Тие на 3.480 избирачки места можеа да се изјаснат за еден од седумтемина кандидати.

Одѕивот на денешните претседателските избори до 18 часот изнесуваше 48,38 oтсто, и е поголем од последните избори за шеф на државата во 2019 година кога до 19 часот на гласање излегоа вкупно 41,67 отсто од запишаните избирачи.


За претседател ќе биде избран кандидатот кој освоил мнозинство гласови од вкупниот број евидентирани избирачи, односно 907.159 гласови. Ако никој не го добие потребното мнозинство, ќе се организира втор круг во кој одат двајцата кандидати кои добиле најмногу гласови.

Ова се седми непосредни избори за претседател од независноста на државата. Претходните беа одржани во 1994, 1999, 2004, 2009, 2014 и во 2019 година.

Левица: Мирен изборен ден во фер и демократска атмосфера

Северна Македонија - прес конференција на Моника Маневска, портпаролка на Изборниот штаб на Билјана Ванковска, кандидатка за претседател на Северна Македонија од партијата „Левица“ (претседателски избори, 24.4.2024 година)
Северна Македонија - прес конференција на Моника Маневска, портпаролка на Изборниот штаб на Билјана Ванковска, кандидатка за претседател на Северна Македонија од партијата „Левица“ (претседателски избори, 24.4.2024 година)

Денешниот изборен ден помина мирно во фер и демократска атмосфера, но сепак се случиле некои помали проблеми на изборните места, соопштуваат од Изборениот штаб на Билјана Ванковска, кандидатка за претседател на Северна Македонија од партијата „Левица“.

Моника Маневска, портпаролка на Ванковска, рече дека се забележани помали проблеми со фингерпринтот на повеќе гласачки места како Куманово, Ѓорче Петров, Аеродром и др.

Таа истакна дека од терен добиваат информации дека во Куманово се правеле редици заради проблемите со апаратот за читање на отпечаток на прст, а во некои изборни места гласањето почнало со доцнење.


Исто така, беше кажано дека и на овие избори се појавуваат нерегуларности во Избирачкиот список па така во некои изборни места има запишано за гласачи починати лица, а во некои гласачи кои се со постојано место на живеење и без промена на адреса, но ги нема во изборниот список.

Заклучно со 19 часот заврши гласањето на првиот круг од седмите претседателски избори во Северна Македонија на кои право на глас имаат 1.814.317 избирачи, на вкупно 3.480 избирачки места.

Граѓаните можеа да се изјаснат за еден од седумтемина кандидати: Стево Пендаровски од СДСМ, Гордана Силјановска Давкова, кандидатка на ВМРО-ДПМНЕ, Стевчо Јакимовски од ГРОМ, Бујар Османи од ДУИ, Билјана Ванковска, кандидатка на „Левица“ Арбен Таравари, кандидат на колаицијата „Вреди“ и Максим Димитревски од движењето ЗНАМ.

МВР ќе поднесе две кривични пријави поврзани со изборите, обвинителството нема пријава за кривични дела

Северна Македонија, Претседателски избори (April 24, 2024)
Северна Македонија, Претседателски избори (April 24, 2024)

Министерот за внатрешни работи Панче Тошковски на прес конференција по затворањето на избирачките места на Претседателските избори 2024 година костатираше дека денот поминал во безбедна, мирна и демократска атмосфера.

Според податоците на МВР во текот на изборниот ден евидентирани се повеќе настани кои се однесуваат на фотографирање на гласачко ливче, пријави за агитирање на гласачко место и други незначителни нерегуларности, но не се евидентирани посериозни инциденти насочени кон нарушување на регуларноста на изборниот процес.

Евидентирани се 12 случаи на фотографирање на гласачко ливче, 2 случаи на кинење на гласачкото ливче, 6 пријави за нудење поткуп, 15 пријави за агитирање.
На подрачјето на СВР Скопје во врска со пријава за испукана димна бомба, од страна на тим на антитероризам извршена е проверка, подигната е направата и објектот е предаден на Претседателот на Избирачки одбор.


„МВР врз основа на претходно поднесени пријави, регистрира и 6 прекршоци и ќе бидат поднесени и 2 кривични пријави. Една за кривично дело “Повреда на тајноста на гласањето“ по член 163 од КЗ и една за „Повреда на избирачко право“ предвидено и казниво согласно член 159 од КЗ,“ рече Тошковски

Во Охрид пријавено е јавно гласање пред комисијата и на подрачје на СВР Тетово пријавен е настан за упатени навреди кон шеф на штаб на политичка партија.

На територијата на Куманово гласачките места 1100 во селото Умин Дол и 1075 во СОУ Гимназија „Гоце Делчев“ беа затворени, а избирачкиот материјал е вратен до канцеларијата на ОИК. На подрачје на СВР Струмица, лице при гласање на набљудувач го покажало гласачкото ливче.

Во Државното обвинителство во текот на изборниот ден до затворањето на избирачките места, на електронската адреса izbori@jorm.mk не пристигнала ниту една пријава за кривично дело поврзано со изборите.

„Согласно информациите добиени од јавните обвинителства низ целата држава, изборниот ден во првиот круг од изборите за Претседател на Република Северна Македонија помина мирно и без поголеми нарушувања на изборниот процес. Не се забележани посериозни инциденти кои би имале обележја на кривично дело против изборите и гласањето или други кривични дела кои би го загрозиле изборниот процес“, велат од обвинителството.

Кузеска: Изборите поминаа во фер и демократска атмосфера, ги очекуваме првичните резултати

Богданка Кузеска, портпаролка на СДСМ, прес-конференција по завршувањето на претседателските избори, Скопје, 24.4.2024 година
Богданка Кузеска, портпаролка на СДСМ, прес-конференција по завршувањето на претседателските избори, Скопје, 24.4.2024 година

Изборниот ден помина во фер и демократска атмосфера, а граѓаните својата волја ја изразија слободно и достоинствено, оцени портпаролката на СДСМ, Богданка Кузеска, на прес-конференција по затворањето на гласачките места за денешните претседателски избори во Северна Македонија.

Кузеска рече дека констатирале само неколку мали прекршувања на изборниот процес кои, како што кажа, ги сметаат за исклучоци.

„Изразуваме благодарност до сите граѓани кои денеска излегоа и го дадоа својот глас. Правото на слободно одлучување е највредната придобивка на демократијата, а самото гласање е суштински чин што произлегува од моќта на граѓаните кои одлучуваат за својата иднина и за иднината на државата“, рече Кузеска.


СДСМ ги очекува изборните резулати. Во партијата се уверени „дека граѓаните како денеска, така и на 8 мај ќе ја поддржат европската иднина на државата“.

На новинарско прашање дека од ВМРО-ДПМНЕ веќе лиферуваат резултати каде има значителна разлика во резулатите, Кузеска посочи дека претседателските избори имаат два круга, информациите се прибираат и оти наскоро ќе излезат со првични резултати.

Заклучно со 19 часот заврши гласањето на првиот круг од седмите претседателски избори во Северна Македонија на кои право на глас имаат 1.814.317 избирачи, на вкупно 3.480 избирачки места.

Граѓаните можеа да се изјаснат за еден од седумтемина кандидати: Стево Пендаровски од СДСМ, Гордана Силјановска Давкова, кандидатка на ВМРО-ДПМНЕ, Стевчо Јакимовски од ГРОМ, Бујар Османи од ДУИ, Билјана Ванковска, кандидатка на „Левица“ Арбен Таравари, кандидат на колаицијата „Вреди“ и Максим Димитревски од движењето ЗНАМ.

Вчитај повеќе

XS
SM
MD
LG