Достапни линкови

Азербејџан призна дека извршил напад на ерменска територија


Мапа на Нагорно Карабах и Азербејџан и Ерменија.

Азербејџан потврди дека извршил напад врз локација за лансирање на ракети во Ерменија за кој Баку тврди дека се користела за таргетирање на цивилни области. За прв пат земјата за време на двонеделната ескалација на борбите во спорниот регион Нагорно Карабах призна дека извршила напад врз цели на ерменската територија.

Борбите избувнаа во и околу регионот на 27 септември. Турција и Русија денеска ги охрабрија двете земји да се вратат на разговори со меѓународно посредство за решавање на статусот на Нагорно Карабах, иако Анкара порача и дека „окупираните земји“ треба да му бидат вратени на Азербејџан.

Министерството за одбрана на Азербејџан денеска објави дека уништило ерменски тактички балистички ракетен систем „во пограничните региони на Ерменија во близина на окупираната област Калбајар“. Портпаролката на ерменското Министерство за одбрана го потврди нападот на Азербејџан, но негираше дека нејзината земја извршила напад во земјата.

XS
SM
MD
LG