Достапни линкови

Вести

Во Тетово средношколци на протест против учењето од далечина

Protest of the students in Debar, North Macedonia

Во Тетово, дел од средношколците од сите средни училишта од наставата по албански јазик протестираа поради учењето од далечина и побараа наставниот процес да се одвива во училиштата.

Тие се собраа пред централниот објект на гимназијата „Кирил Пејчиновиќ“ околу 13 часот па потоа маршираа до Плоштадот.

"Нема секој компјутер затоа протестираме. Има проблеми со платформата. Не се сите економски добри.Сакаме да учиме во училиште затоа што има многу дефекти на платформата, изјавија ученикот Берат Шаини од гимназијата.

Средношколците на протест против целосна онлајн настава

На 1 октомври дел од средношколците од повеќе средни училишта од наставата по албански јазик се собраа пред гимназијата „Кирил Пејчиновиќ и со тоа ја бојкотираа наставата од далечина.

Во Тетово, според податоците на секторот за јавни дејности на училиште започнаа да одат 3400 ученици од прво до трето одделение. Општина брои 9.850 основци и 6300 средношколци.

види ги сите денешни вести

Првиот синдикалец најави радикализирање од септември ако нема покачување на платите

Протест на ССМ за Први Мај

Ако Владата не ги усогласи сите плати со растот на минималната од 18,4%, ќе се пристапи кон радикализирање на штрајкот на работниците, најави претседателот на Сојузот на синдикати на Македонија (ССМ), Дарко Димовски.

Во вечерашното гостување во ТВ Сител тој истакна дека во тек е штрајкот во јавниот сектор, а радикализирање ќе има во септември, бидејќи според Владата, законот им овозможува до септември да ги усогласат платите.

„Како социјални партнери, на 1 мај последен пат остваривме средба со владини претставници, каде што ни беше ветено дека Владата ќе излезе во пресрет и ќе даде по 2.860 денари со ребалансот на буџетот. Видовме во ребалансот на Буџетот, министерот за финансии Бесими тоа го нема предвидено туку почнаа од ракав да се делат некакви покачувања. Затоа, ние од септември ќе радикализираме доколку не се случи ова покачување“, истакна Димовски.

Приота најави дека од септември на улица ќе ги повикаат работниците и од приватниот и од јавниот сектор, бидејќи како што рече, Законот е ист и треба да важи за сите .

Минатиот месец од Сојузот на синдикати на Македонија најавија поднесување колективна тужба поради непочитување и неусогласување на колективните договори со Законот за минимална плата како и отсуството на социјален дијалог.

Генералниот штрајк во јавниот сектор почна на 22 јуни со барања за линеарно зголемување на платите за 2.806 денари во нето износ за сите вработени согласно зголемувањето на минималната плата, потпишување на Општиот колективниот договор и исплата на К-15.

Србија ја укина забраната за извоз на масло за јадење и ја намали акцизата на нафтените деривати

Илустративна фотографија

Срската влада донесе одлука за укинување на забраната за извоз на сите видови масло по анализата за состојбата на залихите и рекордните површини сончоглед посеан годинава.

Како што соопштија од Владата, приоритет ќе биде прво да се задоволат сите потреби на населението. Одуката доаѓа откако изминатиот период беа тргнати забраните за извоз на сите видови жито кои беа предмет на ограничени извозни мерки.

На истата седница српската влада донесе одлука и за времено намалување на акцизите на одредени нафтени деривати за 10 отсто.

„Ваквата одлука ја донесе владата, имајќи ја предвид моменталната состојба со цената на суровата нафта на светскиот пазар што негативно влијае на макроекономската стабилност во земјата, а со цел редовно снабдување на пазарот со нафтени деривати, зачувување на стандардите на граѓаните и на економската стабилност“, соопштија од Владата на Србија.

Овие одлуки следеа по неколкудневните протести на земјоделците во Нови Сад. Тие претходно имаат средба со премиерката Ана Брнабиќ и министерот за земјоделство Бранислав Недимовиќ по што најавија дека ќе одлучат дали да ги прекинат протестите, да ги продолжат или радикализираат.

Рускиот суд ја прати во домашен притвор новинарката што протестираше против војната во Украина

Марина Овсијаникова

Судот во Москва и одреди домашен притвор на телевизиската новинарка Марина Овсијаникова под обвинение за дистрибуција на лажни информации за руските вооружени сили.

Окружниот суд Басмани во руската престолнина ја изрече одлуката на 11 август, еден ден откако беше претресен домот на Овсијаникова и таа беше приведена.

Адвокатот на Овсјаникова, Дмитриј Захватов, вчера рече дека неговата клиентка е обвинета за „јавна дистрибуција на лажни информации за руските вооружени сили“ и може да се соочи со 10 години затвор доколку биде прогласена за виновна.

Овсијаникова, позната по тоа што во март одржа антивоен протест во живо, напиша на Телеграм дека обвинението поднесено на 10 август произлегува од нејзиниот протест на почетокот на јули, на кој таа држеше плакат на со натпис „ [Рускиот претседател Владимир] Путин е убиец, неговите војници се фашисти“ и покажа фотографии од деца убиени во Украина.


Минатата недела, судот во Москва ја казни Овсијаникова со 50.000 рубли (820 долари) за тој протест.

Овсијаникова се здоби со меѓународно признание на 14 март, кога упадна на снимањето на информативната програма на Канал Еден, држејќи плакат на кој пишуваше: „Стоп за војната. Не верувајте во пропагандата. Те лажат“ на руски јазик, и извикуваше „Стоп за војната. Не за војната“.

Овсијаникова беше продуцент во телевизијата за време на нејзиниот протест. Таа подоцна беше приведена и казнета со 30.000 рубљи (490 долари) од судот поради повикување на нелегални протести.

Овсијаникова поднесе оставка од и помина неколку месеци во странство, вклучително и во Украина, постојано изразувајќи ја својата осуда за војната.

На 8 август, судот во Москва ѝ нареди на Овсијаникова да плати казна од 40.000 рубли (660 долари) за нејзините последни објави на интернет во кои протестира против војната во Украина.

Во март, Путин потпиша закон кој предвидува долги затворски казни за дистрибуција на „намерно лажни информации“ за руските воени операции додека Кремљ се обидува да го контролира наративот за неговата војна во Украина.

Законот предвидува казни до 10 години затвор за лица осудени за прекршок, додека казната за „намерна дистрибуција на лажни информации“ за руската армија што довеле до „сериозни последици“ е 15 години затвор.

Тоа, исто така, го прави противзаконско секое упатување „повици против употребата на руските трупи за заштита на интересите на Русија“ или „за дискредитација на таквата употреба“ со можна казна до три години затвор. Истата одредба важи и за повиците за санкции против Русија.

Западните земји ветуваат поголема воена поддршка за Украина

Украински војници на извидувачкиот тим се возат до позицијата на фронтот во регионот на Миколаев, 8 август 2022 година

Западните земји се согласија да продолжат со долгорочното финансирање за да и помогнат на украинската војска да продолжи да се бори, речиси 5 и пол месеци откако Русија ја нападна Украина, велејќи дека досега се ветени 1,5 милијарди евра и дека сумата ќе расте.

Парите се за зајакнување на производството на вооружување, вклучувајќи артилерија и муниција, како и за развивање и зајакнување на обуката на украинските војници и помагање на напорите на Украина за деминирање.

„Сите земји што дојдоа во Копенхаген дојдоа со намера да ја поддржат Украина“, рече данскиот министер за одбрана Мортен Бодсков на крајот од еднодневниот состанок на 26 земји и Европската унија.

Британскиот секретар за одбрана Бен Валас рече дека средбата докажала дека „амбицијата на Путин (западот да ја изгуби подготвеноста да ја поддржи Украина) не успеала.

„Сè уште сме решени“, рече Валас.

Во 1,5 милијарди евра беа вклучени донации од Велика Британија, Данска и Норвешка, но помошта „ќе расте“, рече Бодсков, додавајќи дека „некои од земјите треба да се вратат дома и да добијат поддршка од нивните парламенти“.

Тој им се заблагодари на Полска, Словачка и Чешка за сигнализирањето на „подготвеност да се прошири производството на артилериски системи, муниција и друга опрема“.

На конференцијата Норвешка најави дека ќе помогне во обуката на украинските војници во Велика Британија, како што претходно истото го потврдија Шведска и Финска. Исланд ќе помогне на напорите за деминирање во Украина „со обука на тренери“, рече нејзиниот министер за надворешни работи.

Во пренос во живо, украинскиот претседател Володимир Зеленски ги повика западните нации да обезбедат повеќе пари, велејќи дека „колку побрзо ја запреме Русија, толку побрзо ќе се чувствуваме безбедни“.

„Ни треба вооружување, муниција за нашата одбрана“, рече тој.

Украинскиот министер за одбрана Олексиј Резников, кој присуствуваше на конференцијата, одби да даде детали за тоа какво оружје ќе добие неговата земја.

Конференцијата каде заеднички домаќини беа Данска, Велика Британија и Украина, уследи по состанокот во април во американската воздухопловна база во Германија, на кој беше формирана Контакт група за одбрана на Украина, предводена од САД, која ја координира меѓународната воена поддршка за Украина.

Киевската школа за економија вчера објави извештај во кој се проценуваат трошоците за воените штети на инфраструктурата на Украина на повеќе од 110 милијарди долари. Во извештајот се вели дека 304 мостови и повеќе од 900 здравствени установи биле или уништени или оштетени.

Талин ќе забранува влез на руски државјани со шенген визи

Илустративна фотографија

Естонија планира да им забрани на руските државјани со шенген визи издадени од балтичката држава да влезат во земјата поради тековната неиспровоцирана инвазија на Русија на Украина.

Естонскиот министер за надворешни работи, Урмас Реинсалу, по денешната владина седница изјави дека, иако шенген-визите издадени од неговата земја ќе останат валидни, тие нема да бидат прифатени за влез во Естонија.

Естонија престана да издава нови туристички визи за Русите веднаш по инвазијата на Украина во февруари, освен за роднините на естонските граѓани.


Реинсалу нагласи дека одлуката влијае само на проценетите 50.000 визи издадени од Естонија, додавајќи дека владата планира во наредните денови да разговара за начините за забрана за влез на сите руски граѓани во Естонија.

Министерот исто така рече дека имателите на шенген визи издадени од Естонија ќе можат да влезат во други земји од Шенген зоната.

Овој потег не ги засега дипломатите и членовите на нивните семејства, поединците вклучени во меѓународни транспортни бизниси, лицата кои треба да ја посетат Естонија од хуманитарни причини или блиските роднини на естонските граѓани и постојаните жители.

Дополнително, во Естонија ќе можат да влезат и луѓето кои имаат право слободно да се движат низ Европската унија според законите на ЕУ.

Естонија и Финска ги повикаа другите земји од ЕУ да ги забранат туристичките визи за сите руски граѓани поради тековната руска агресија врз Украина. За ова прашање ќе се разговара на ниво на ЕУ бидејќи сегашното законодавство на ЕУ не дозволува таков потег.

Портпаролот на руското Министерство за надворешни работи, Иван Нечаев, на 11 август ги осуди повиците за забрана на визите како „отворени манифестации на шовинизам и непромислен обид да се поништи се што е руско, што е невозможно“.

Во меѓувреме, германскиот канцелар Олаф Шолц изјави дека е против забраната за туристички визи за руските граѓани.

„Ова е војна на [рускиот претседател Владимир] Путин, така што ми е многу тешко со оваа идеја“, изјави Шолц во Берлин.

Шолц нагласи дека е уверен оти западните санкции наметнати на Русија поради војната во Украина ќе станат помалку ефективни доколку ги таргетираат „сите, вклучително и невините луѓе“.

Првиот брод со украинско жито се укотви во Турција откако либанскиот купувач ја одби испораката

Илустративна фотографија/ Комбајн собира пченица на поле во Украина

Првиот брод со жито што отпатува од Украина според договорот постигнат со посредство на ОН се закотви денеска во Турција, по 11 дена на море, покажаа податоците на „Рефинитив“, а агентот на бродот во Турција рече дека ќе продолжи кон Египет откако ќе истовари дел од својот товар.

Бродот Разони исплови од украинското пристаниште Одеса на 1 август според договорот постигнат со посредство на Обединетите нации и Турција меѓу Русија и Украина. Оттогаш заминаа уште 11 бродови.


Додека Разони првично се движеше кон либански Триполи, амбасадата на Украина во земјата соопшти дека купувачот ја одбил испораката поради петмесечно доцнење и дека бродот бара нов клиент.

Бродот, кој оттогаш беше закотвен во близина на јужниот брег на Турција, влегол во пристаништето во Мерсин во четвртокот попладне, покажаа податоците на следачот на бродови „Рефинитив“.


Кадир Сојер, директор на бродската агенција Торос со седиште во Мерсин, рече дека бродот ќе истовари 1.500 тони пченка во Турција, а подоцна ќе продолжи за Египет со остатокот од товарот од 26.527 тони.

„1.500 тони ќе бидат истоварени во Мерсин, а остатокот ќе оди во Египет“, изјави тој.

Торос се занимаваше само со приклучувањето и истоварувањето во Турција и нема да биде вклучен во патувањето на бродот во Египет, рече тој.

Испораката на жито беше блокирана поради руската воена инвазија која почна на 24 февруари. Украина ја обвини руската блокада на нејзините пристаништа за запирање на испораката на жито, додека според Русија вината е во мините кои ги стави Украина во водата.

ДИК го утврди гласачкото ливче и дозволи повеќе пари за дополнителните локални избори

Плакати во пресрет на претстојните локални избори за советници во Тетово

Државната изборна комисија (ДИК) денеска ја усвои Предлог-одлуката за измена и дополнување на финансискиот план за распределба на средства за изборите за градоначалници на општините Маврово и Ростуше и Центар Жупа и за членови на Советот на Општина Тетово.

Како што појасни потпретседателката на ДИК, Дитмире Шеху, потребата од од промената на финансискиот план дошла поради високите понуди.

„Според барањата кои ни пристигнаа од Комисијата за јавни набавки, пристигнати се понуди повисоки од финансискиот план, кој ДИК го усвои претходните избори. Бидејќи немаме време да објавуваме нови постапки, треба да донесеме одлука за измени и дополнување на финансискиот план. Се работи за три ставки, и тоа во делот на паравани, гласачки ливчиња и беџови за набљудувачи. Во делот за беџови на набљудувачи треба да додадеме 5.000 денари, за паравани 30.000 денари и за гласачки ливчиња околу 600.000 денари“, соопшти Шеху.

Таа истакна дека за одреден дел на постапки имаат само еден понудувач.

ДИК ги усвои и барањата за акредитација на набљудувачи на изборите, а го утврди и изгледот на гласачкото ливче.

Изборите за градоначалници на општините Маврово и Ростуше и Центар Жупа и за членови на Советот на Општина Тетово треба да се одржат на 20 август. Во првите две општини поради немање доволно гласачи, граѓаните не успеаја да изберат градоначалници. Во Тетово пак Владата на донесе решение за распуштање на Советот поради тоа што до 31 март не ја усвоил завршната сметка за 2021 година.

Мекдоналдс повторно ги отвора рестораните во Украина

Илустративна фотографија

Мекдоналдс ќе започне повторно да отвора некои од своите ресторани во Украина во наредните месеци, како симбол на враќањето на земјата разурната од војна кон некое чувство на нормалност и знак на поддршка откако американскиот синџир за брза храна се повлече од Русија.

Гигантот за бургери ги затвори своите украински ресторани по руската инвазија пред речиси шест месеци, но продолжи да плаќа повеќе од 10.000 вработени во Мекдоналдс во земјата.

Мекдоналдс денеска соопшти дека ќе започне со повторно отворање на некои ресторани во главниот град Киев и западна Украина, каде што други компании работат и нема борби. Западните бизниси како Најк, КФЦ и шпанскиот продавач на облека Манго се отворени во Киев.

„Разговаравме опширно со нашите вработени кои изразија силна желба да се вратат на работа и да ги видат нашите ресторани во Украина повторно отворени“, рече Пол Помрој, корпоративен виш потпретседател на меѓународните пазари, во пораката до вработените.

„Во последните месеци, верувњето дека ова ќе го поддржи малото, но важно чувство на нормалност стана посилно“, додаде тој.

Украинската економија е сериозно оштетена од војната и рестартирањето на бизнисите. Меѓународниот монетарен фонд очекува економијата на Украина оваа година да се намали за 35%.

Мекдоналдс има 109 ресторани во Украина, но не кажа колку ќе се отворат повторно, кога тоа ќе се случи или кои локации ќе бидат првите што ќе ги пречекаат клиентите. Во текот на следните неколку месеци, компанијата соопшти дека ќе започне да работи со продавачите за да набави залихи во рестораните, да ги подготви продавниците, врати вработените и да започне безбедносни процедури додека војната сè уште беснее на истокот на земјата.

Во меѓувреме Мекдоналдс ги продаде своите 850 ресторани во Русија на сопственик на франшиза. Мекдоналдс затвори стотици руски локации во март, што ја чинеше компанијата околу 55 милиони долари месечно. Продажбата на своите руски ресторани беше прв пат компанијата да излезе од еден голем пазар.

КЗБ: Нема потреба од паника за мајмунските сипаници, сомнителниот пациент од Кичево не сакал тестирање

Александар Петличковски, претседателот на Комисијата за заразни болести

Нема потреба од паника во земјава поради мајмунските сипаници, а здравствени власти не очекуваат драматичен развој на настаните, истакна Александар Петличковски, претседателот на Комисијата за заразни болести непосредно по денешниот состанок посветен на оваа болест.

Тој потврди дека еден од двата сомнителни случаи на заразени со мајмунски сипаници е негативен. Се работи за хоспитализираниот мигрант кој вчера беше повреден во сообраќајната незгода на патот Гевгелија-Демир Капија, по што поради сомнеж за оваа болест бил тестиран и задржан на Инфективната клиника. За вториот случај, каде се работи за сомнителен пациент од Кичево, институциите не можат да дадат одговор бидејќи не успеале да обезбедат примерок за тестирање.

Петличковски појаснува дека стапиле во контакт со семјеството, и се надеваат дека кај пациентот ќе проработи совеста и ќе се тестира.

„Епидемиолог од Битола бил два пати на место на живеење на овој сомнителен пациент, разговарано е со неговата фамилија и објаснето е дека тестирањето е во интерес на сите. Повторно ќе се повикам на личната одговорност, ние немаме законска можност да го присилиме да се тестира бидејќи никаде во светот тоа не се прави за оваа болест. Ова не е болест со која следи задолжителна изолација, во облик на препорака е“, истакна Петличковски.

Како можен начин на разврска на случајот, од Комисијата за заразни болести најавија дека ќе побараат од Министерството за здравство да се направи здравствен надзор над лицето, за институциите да стигнат до него и да го убедат за тестирање. За контактите на овој пациент нема никакви мерки за изолација.
„Ова не е нов ковид, нема место за паника, односно не очекуваме сериозно ширење на оваа болест“, истакна Петличковски.

Тој нагласи дека мајмунските сипаници не се пренесуваат лесно и потребен е многу близок контакт. Додаде дека во земјава има околу 3300 тестови за детектирање на болеста.

Во скоро сите земји во регионот веќе се потврдени случаи на мајмунски сипаници, но не во голем број. Во Грција има 41 случај, Словенија – 40, Србија – 23, Хрватска 12, Бугарија – 4, Босна и Херцеговина и Црна Гора имаат по еден случај, додека во Албанија нема регистрирани случаи на мајмунски сипаници.

До оваа година, вирусната болест ретко се ширеше надвор од Африка каде што е ендемична, но извештаите од почетокот на мај сигнализираа дека епидемијата се преселила во Европа. Вирусот обично предизвикува благи симптоми, вклучувајќи треска, болки и кожни лезии исполнети со гној. Луѓето имаат тенденција да закрепнуваат во рок од две до четири недели.

Секој може да го шири вирусот, но сегашната епидемија надвор од Африка е концентрирана речиси исклучиво меѓу мажите кои имаат секс со мажи.

Ковид биланс – Вкупно 10 починати и 600 нови случаи на заразени со ковид-19

Илустративна фотографија

Во последните 24 часа регистрирани се нови 600 случаи на ковид-19 од направени 1.317 тестови, соопшти Министерството за здравство. Од вкупниот број позитивни (600), регистрирани се 134 реинфекции.

Во текот на изминатите 24 часа пријавени се шест починати лица на возраст од 66 до 83 години, сите починати во болнички услови. Дополнително се пријавени четири починати лица на возраст од 62 до 85 години во период од 16.07 - 08.08.2022 година. Две лице се починати во болнички и две во домашни услови.

Најголем број од новите случаи се регистрирани во Скопје – 229, потоа следат Охрид – 46, Битола – 38, Куманово – 35, Прилеп – 30, Тетово – 26, Велес – 25, Кавадарци – 24, Струмица – 23, Гостивар – 19, Штип – 17, Радовиш – 11, Кочани – 10, Гевгелија – 9, Неготино – 8, Струга, Крива Паланка, Делчево, Берово и Дебар – по 5, Богданци и Кратово – по 4, Ресен, Крушево и Пехчево – по 3, Кичево, Виница и Пробиштип – по 2, Демир Хисар и Демир Капија – по 1.

Регистрирани сe 743 оздравени пациенти.

Вкупната бројка на ковид-дијагностицирани лица во земјава од почетокот на епидемијата изнесува 333.948, бројот на оздравени пациенти е 320.449, на починати е 9.410, а бројот на активни случаи изнесува 4.089.

Од Правда не добиле барање за позитивно мислење за регистрацијата на здружението ,,Цар Борис Трети”

Министрство за правда

До Министерството за правда не е доставено барање за добивање позитивно мислење во постапката за регистрација на здружението „Цар Борис Трети“, соопштија од ова министерство.

Соопштението следи по негативната реакција на Еврејската заедница и Фондот на холокаустот на Евреите од Македонија, од каде велат дека дека се згрозени и навредени од регистрацијата на здружението „Цар Борис Трети“ од Охрид и од „леснотијата со која во нашата држава се глорифицираат нацизмот, фашизмот и се шири говор на омраза“.

„Очигледно е дека зачестија регистрации на здруженија со бугарска самосвест кои носат називи на докажани соработници на нацистичка Германија. Тоа е свесна провокација и навреда за Еврејската заедница, навреда за македонската држава и за нејзините граѓани… или некој можеби мисли поинаку, дека на овој начин, со промоција и величање на фашизмот и нацизмот, се зајакнуваат добрососедските односи“, реагираа од Еврејската заедница и Фондот на холокаустот на Евреите од Македонија.

Тие посочуваат дека името на царот Борис Трети е поврзано со прогонот и уништувањето на Евреите од окупираните територии од страна на фашистичка Бугарија за време на Втората светска војна.

По водство на Борис Трети, кој во бугарската историографија е познат како „Царот обединител“, Бугарија се приклучува кон Тројниот пакт на нацистичка Германија, фашистичка Италија и милитаристичка Јапонија. Тој во април 1941 година дозволува германските сили од територијата на Бугарија да извршат агресија врз Кралството Југославија, по што за награда добива територии од распаднатата југословенска држава и Грција, вклучително и голем дел од денешна Северна Македонија. Умира неочекувано на 28 август 1943 година, набрзо по неговата посетата на Хитлер.

Летонскиот парламент ја прогласи Русија за државен спонзор на тероризмот

арламентот на Летонија

Законодавците во Лeтонија ја назначија Русија како државен спонзор на тероризмот, наведувајќи ја тековната неиспровоцирана инвазија на Москва врз Украина, нејзините воени активности во Сирија и неколку случаи од висок профил на труење на критичарите на Кремљ. Летонскиот парламент ја усвои резолуцијата денеска, откако за неа гласаа 67 пратеници. Шеснаесет пратеници беа воздржани. Портпаролката на руското Министерство за надворешни работи, Марија Захарова, на Телеграм објави дека летонската резолуција е „ксенофобична“.

Забранетата руска тв Дожд ќе емитува програма од Летонија

Резолуцијата го осудува „насилството на Русија врз цивилите во остварување политички цели“ и ја осудува употребата на касетна муниција од страна на Москва „за да сее страв и неселективно да убива цивили“. Парламентот ги повика другите „земји со исто мислење“ да му се приклучат на потегот и побара Европската унија да престане да издава визи за граѓаните на Русија и Белорусија, истакнувајќи дека руската инвазија врз Украина е извршена „со поддршка и вмешаност на белорускиот режим“.

Вучиќ: Приштина се подготвува да ги ликвидира Србите на северот на Косово

Претседателот на Србија Александар Вучиќ

Претседателот на Србија Александар Вучиќ денеска предупреди дека приштинските власти „под превезот на борба против криминалот“ подготвуваат ликвидација на Србите на северот на Косово. Вучиќ ги отфрли тврдењата на Приштина дека неодамна од територијата на централна Србија било стрелано кон припадници на косовската полиција и додаде дека Србија „нема да дозволи никому, па ни на НАТО“ да пука врз припадници на српската армија и полиција на административна линија. „Оние кои зборуваат за неутрализирање на наводните криминални структури на северот на Косово, ги предупредувам да не се ни обидуваат да направат нешто такво“, изјави Вучиќ на новинарите во Белград по приемот на младите спортисти од дијаспората.

Косовската полиција јавува за пукање кон патролна единица близу српската граница

Коментирајќи ја претстојната средба со косовскиот премиер Албин Курти на 18 август во Брисел, Вучиќ рече дека на средбата оди „со добро расположение“, но дека е „многу скептичен“ оти е можно за да се постигнат „било какви резултати“. „Тие не сакаат никаков компромис. Сè што досега рекоа е дека ќе ја наметнат својата волја. Нив не ги интересира што ќе кажат Србите, а уште помалку што ќе каже Белград“, изјави Вучиќ. Тој праша зошто воопшто се воделе преговорите во Брисел доколку Заедницата на српски општини (ЗСО) мора да се формира во согласност со Уставот на Косово. „Дали е тоа невкусна шега? Тогаш зошто воопшто преговаравме, дека го направивме Бриселскиот договор? Што ни е гајле што е напишано во нивниот Устав што ние не го признаваме. Ако сакаат да направат невладина организација што ќе има право да продава мастики за џвакање, не може“, рече претседателот на Србија.

Курти на средба со амбасадори за дијалогот со Србија

Деновиве Кутри во интервју за РСЕ изјави дека во општините на северот на Косово на 31 јули постоело ризик ситуацијата да се претвори во вооружен конфликт „поради стравот што го воведе Белград и поради плановите направени во Рашка и Белград“. Според Курти, барикадите кои биле поставени на патиштата во северно Косово биле поставени на тој начин што можело да се пука во возила и лица кои минуваат низ таа област. Курти додаде дека на средбата што ќе ја има со српскиот претседател Александар Вучиќ на 18 август во Брисел нема да разговара за одлуките за регистарските таблички и документите за влез и излез од Косово. За да се избегнат тензии на 1 септември, какви што имало на 31 јули, според него, меѓународниот фактор мора да го одбие Белград во неговиот деструктивен пристап кон Косово.

Во Македонија ќе се произведуваат електрични возила?

илустрација

Македонската влада денеска, преку видеоконференциска комуникација ја одржа редовната 68 седниц, на која беше донесена Одлука за давање согласност на Договорот за доделување на државна помош склучен помеѓу Владата на Република Северна Македонија, застапувана и претставувана од Дирекцијата за технолошки индустриски развојни зони и „НЕКСТ.Е.ГО МОБИЛЕ“. Мултимилионска инвестиција од НЕКСТ.Е.ГО МОБИЛЕ СЕ, Ахен, Германија во ТИРЗ Тетово ќе отвори 3-4.000 нови работни места.

Старо-нови мерки за намалување на невработеноста

Ова е за првпат во автомобилската индустрија кај нас да се продуцира целосен автомобил и се разбира за првпат ќе се произведуваат електрични автомобили. Придобивките од оваа инвестиција, како што се наведува, се многукратни - од отворање на нови работни места, извоз на производи со голема додадена вредност, пренос на знаење и технологии, мапирање на земјава кај странските инвеститори во оваа фела, до договори и дополнителна работа за локални компании.

По нападот врз базата на Крим, експлозии потресоа воена база во Белорусија

воениот аеродром Зјабраука во југоисточниот регион Хомел во Белорусија

Пријавени се неколку експлозии во област во Белорусија во близина на воен аеродром за кој украинските власти велат дека руските воздухопловни сили го користеле за напади на украинска територија. Каналите Belaruski Hayun и Flagshtok Telegram цитираа сведоци дека во текот на ноќта се слушнале најмалку осум експлозии во близина на воениот аеродром Зјабраука во југоисточниот регион Хомел во Белорусија. Базата е на околу 30 километри од границата со Украина. Белоруското Министерство за одбрана соопшти дека во 23.00 ч. на 10 август се запалил моторот на воено возило и „преземени се мерки за гаснење на пожарот“, додавајќи дека нема жртви.

Сателитските снимки покажуваат огромно уништување во руската воздухопловна база на Крим

Инцидентот се случи по серијата експлозии во руската воздушна база во окупираниот украински регион Крим, кои уништија најмалку девет руски воени авиони. Киев јавно не презеде одговорност за нападот. Руското Министерство за одбрана негираше дека била нападната базата Саки на Крим. Украинските власти соопштија дека базата Зјабраука во Белорусија била користена од руските воздухопловни сили за време на тековната неиспровоцирана војна на Москва против Украина, која започна во февруари. Во минатиот месец војската соопшти дека Русија ги базирала мобилните ракетни системи Искандер-М и С-400 на белорускиот аеродром, користејќи ги за да ја нападне Украина.

Воздухопловните сили на Белорусија започнаа вежби дома и во една руска база

Авторитарниот владетел на Белорусија Александар Лукашенко отворено ја поддржа руската инвазија на Украина. Иако белоруските трупи не учествуваа во инвазијата, Минск и дозволи на руската војска да ја користи територијата на земјата за да влезе во Украина и да ги гранатира украинските градови.

Вчитај повеќе

XS
SM
MD
LG