Достапни линкови

Вести

НВО активисти дел од криумчарска мрежа во Грција

Грчката полиција поднела кривични пријави против припадници на невладини организации обвинувајќи ги дека се дел од мрежата што им помагала на мигрантите нелегално да стигнат на Лезбос. Кривичните дела за кои се товарат е формирање на криминална организација, шпионажа, издавање државни тајни и прекршување на Кодексот за миграција . Станува збор за 35 луѓе од кои 33 се странски државјани од кои четворица се членови на невладини организации.

Балканска мигрантска рута - огради и шверцери

Грчката полиција, спровела повеќемесечна истрага во соработка со Националната разузнавачка служа и со помош на повеќе сектори од полицијата, меѓу кои и оној за борба со тероризам, по што произлегле и организираните активности на конкретната мрежа на криумчари вмешана во најмалку 32 случаи.

„Инволвираните имајќи ја како изговор нивната хуманитарна активност, им обезбедуваа на бегалските бранови од Турција информации и податоци од доверлив карактер, преку затворени групи и апликации на интернет,“ соопштиле од грчката полиција, јавува МИА.

Министерот за миграција и азил на Грција Нотис Митаракис за целиот случај рече дека „намалувањето на бегалските бранови и улогата на одредени НВО веќе со месеци е основен приоритет на сите инволвирани власти.

види ги сите денешни вести

Самит на НАТО во Брисел за поправка на односите со САД

генералниот секретар на НАТО, Јенс Столтенберг говори за стратешките предлози, познати како НАТО 2030, Брисел, мај 2021.

Лидерите на НАТО денеска го одржуваат својот прв самит со американскиот претседател Џо Бајден со цел да ги поправат трансатлантските врски, откако неговиот претходник Доналд Трамп изјави дека западниот воен сојуз е „застарен“. Бајден се очекува повторно да ја истакне американската посветеност за колективна одбрана на 30-те сојузници во НАТО откако Трамп ја доведе во прашање нејзината важност и предложи во 2018 година Вашингтон да го повлече своето членство. 30-те лидери исто така ќе се обидат да покажат дека политичките, воените, културните и економските врски на трансатлантскиот сојуз повторно се на цврсти терени по Трамп, но и откако францускиот претседател Емануел Макрон ја искажа својата фрустрација поради, како што рече, недостаток на стратешки размислување во НАТО.

Бајден во Европа: ерата на демократијата не е завршена

Лидерите на НАТО ќе ги одобрат стратешките предлози, познати како НАТО 2030, од страна на генералниот секретар на НАТО, Јенс Столтенберг, за реформа на Алијансата. Тие вклучуваат: повеќе политички консултации во пост-студената војна, мултиполарен свет; ажуриран документ за мастер планирање и фокусирање врз новите технологии. Лидерите на НАТО ќе усвојат план за акција за климатски промени, кој ќе се обиде да ги направи воените сили неутрализирани до јаглен до 2050 година и да подготват војници за дејствување во екстремни средини. Премиерот Зоран Заев на неговиот фејсбук профил напиша дека во Брисел се одржува првиот Самит на НАТО на кој Северна Македонија учествува како полноправна членка.

Времето денеска: променливо облачно

Ќе биде променливо облачно и посвежо со слаб локален дожд. Ќе дува умерен, вдолж Повардарието и во источните делови засилен ветер од северен правец. Дневната температура ќе биде од 15 до 26 степени. Во Скопје и околината слично време. Дневната температура ќе биде 23 степени.

Македонија со пораз ја почна групната фаза на Европското првенство

Македонската фудбалска репрезентација денеска загуби со 3:1 од Австрија на дебито на европските првенства. Првиот гол за македонската репрезентација го даде Горан Пандев. Натпреварот се играше во романскиот главен град Букурешт. Во првото полувреме австријските фудбалери поведоа преку Стефан Лајнер, по што Пандев израмни за Македонија десет минути подоцна.

Во второто полувреме головите од австриската репрезентација ги дадоа Михаил Грегорич и Марко Арнаутовиќ. Ова е трета победа на Австрија над македонската репрезентација. За пласман во следната фаза потребна е најмалку една победа.

Македонската репрезентација ќе го одигра првиот натпревар на Европското првенство

Следниот натпревар на македонската репрезентација на Европското првенство е повторно во Букурешт, на 17 јуни против Украина, а последниот меч од групата Ц го игра на 21 јуни во Амстердам против Холандија.

Македонската репрезентација ќе го одигра првиот натпревар на Европското првенство

Macedonia - Macedonia's national football team.

На третиот ден од ЕВРО 2020, дебитантски настап на едно големо фудбалско натпреварување ќе има македонската репрезентација. Македонските фудбалери заедно со селекторот Игор Ангеловски денеска во 18 часот, на „Национална арена Букурешт“ во романскиот главен град ќе се „пресметаат“ со репрезентацијата на Австрија.

Тимот предводен од Горан Пандев, по трет пат ќе игра против селекцијата на Австрија од која претходно загубиле со 4-1 и 2-1. За пласман во следната фаза потребна е најмалку една победа. Шансата е токму Австрија која може да се победи оптимисти се во нашиот тим. Следни противници се Украина и Холандија.

Број на трибините на Националната арена во Букурешт ќе биде ограничен поради условите кои ги дитира пандемијата. Максималниот капацитет на стадионот во романскиот главен град е максимални 33 отсто, а според продажбата на билети, Македонија ќе ја бодрат околу 2.000 навивачи.

Премиерот Зоран Заев, министерот заа надвореши работи Бујар Османи и министерот за економија Крешник Бектеши попладнево тргнаа за Букурешт каде од трибините на наационалната арена во романскиот главен град ќе го следат првиот настап на нашата фудбалска репрезентација на Европското првенство в фудбал.

„Доаѓаме за да ги поддржиме македонските репрезентативци. Заедно сме посилни, само сплотени можеме да успееме.Напред момци, цела држава навива за вас!“, напиша Заев на Фејзбук каде објави и фотографија од аеродромот пред тргнувањето.

Балканско тениско финале во Париз, Ѓоковиќ на чекор до нов рекорд

Српската суперѕвезда Новак Ѓоковиќ ќе се обиде денеска да стане првиот човек кој во последните 52 години ги освоил сите четири Грен Слем шампиони во тенис два пати. Тој денеска ќе се соочи со неговиот грчки колега Стефанос Циципас на француското првенство. Доколку денеска победи Ѓоковиќ тој ќе се запише во спортската историја заедно со Рој Емерсон и Род Лејвер како единствени луѓе кои ги освоија овие четири големи шампионски титули повеќе од еднаш.

Светскиот рекет број 1 со денешна победа на своето салдо ќе забележи 19 победи со што ќе биде за една победа зад петите на рекордерите Рафаел Надал и Роџер Федерер кои имаат по 20 победи.

Противникот на Ѓоковиќ, Циципас има 22 година, и е 12 години помлад од српската тенисерска ѕвезда. Доколку тој победи денеска ќе стане првиот грчки тенисер кој што освоил титула.

Брнабиќ-Олабавување на мерките само со 60 отсто население вакцинирано

Српската премиерка Ана Брнабиќ денеска изјави дека потполно ќе бидат олабавени мерките кога ќе се стигне до 60 отсто на вакцинирани против ковид-19.

„Стагнираме со бројките на вакцинирани против коронавирусот, се уште имаме само 48 отсто на вакцинирани, но се додека не ја стигнеме бројката од 60 отсто од вакцинирани нема да биде дозволено олеснување на мерките, заштоа што јас навистина се плашам дека може короната да се врати“ изјави Брнабиќ во интервју за национална телевизија.

Потребно е уште 340 илјади луѓе да се вакцинираат за да се достигне целта од 50 отсто постаро население од 18 години со примена една доза на вакцина.Кризниот штан на Србија соопшти дека целата од 50 отсто вакцинирани со една доза може да се очекува дека ќе биде исполнета до крајот на месецот по што може да се очекува и олабавување на мерките.

Нема починати од ковид-19, 8 нови случаи на заразени со коронавирус

Детската болница „Козле“ во Скопје, Ковид-19 центар

За прв пат по повеќе од девет месеци во изминатово деноноќие не е регистриран починат од последици од короновирусот. Во изминативе 24 часа се евидентирани 8 нови случаи од 3 068 направени тестови.

„ Денес за прв пат по 2 септември 2020 не бележиме ниту еден починат од Ковид. Вирусот е далеку од победен, но оваа мала победа ни влева надеж дека сме се поблиску до ставање крај на агонијата. Сепак, мерките мора да продолжиме да ги почитуваме, а еднствен начин да го намалиме бројот на жртви е масовно да се вакцинираме“ се вели во соопштението од министерството за здравство.

Вкупната бројка на КОВИД-дијагностицирани лица во нашата земја од почетокот на епидемијата изнесува 155.536, бројката на оздравени пациенти е 149.628, на починати е 5.471, а бројот на активни случаи изнесува 437 од кои 189 во главниот град.

Втора Парада на гордоста во Скопје

Првата парада на гордоста во Скопје

Во Скопје на 26 јуни ќе се одржи втората Парада на гордоста под слоганот „Вон ѕидовите!“ во организација на Националната мрежа против хомофобија и трансфобија. Рутата на парадата, како и други организациски детали, ќе бидат дополнително соопштени во текот на идната недела. Организаторот наведува дека Парадата на гордоста е славење на слободата, различноста, прифаќањето, љубовта и испраќа порака дека место под сонцето има за секого.

„ЛГБТИ заедницата, како ретко која друга група граѓани, добро ја познава изолацијата и често искусува живот скриен меѓу ѕидовите на нашите мали, приватни простори. Имајќи предвид дека парадите на гордоста имаат за цел да ја зголемат видливоста на нашата заедница, слоганот „Вон ѕидовите!“ го посветуваме на сите ЛГБТИ+ луѓе кои гордо и достоинствено ќе се приклучат на поворката, но и на сите оние кои од различни причини не можат да бидат отворени и да бидат дел од парадата, давајќи им поддршка и ветување дека здружно ќе продолжиме да работиме на рушење на ѕидовите и креирање нов и подобар свет за сите нас. Слоганот го посветуваме и на сите луѓе во нашата земја, бидејќи изолацијата и затвореноста меѓу ѕидови е нешто што заедно го искусивме и чие надминување стана заедничка цел и желба“ наведува организаторот.

Крвав викенд во САД, 2 лица загинаа и 30 се ранети

Илустрација, ФБИ агент собира докази на од местото на пукањето

Најмалку две лица загинаа и над 30 други се ранети при одвоени вооружени напади во три сојузни американски држави. Нападите се случија во Тексас Илионоис и Џорџија во изминативе два дена.

Властите во Тексас соопштија дека уапсиле еден од осомничените за нападот додека се уште трагаат по вториот осомничен кој отвори оган на пешачка улица полна со барови и ресторани. При тој напад беа ранети 14 луѓе од кои двајца се во критична состојба.

Во Чикаго една жена беше убиена и девет лица ранети откако двајца мажи отворија оган кон група на луѓе која стоела на тротоар. Напаѓачите побегнале.
Во Савана полицијата соопшти дека еден човек е убиен и седум други ранети во вооружен напад кој се случи на 11 јуни.

За време на паднемијата минатата година во САД беа евидентирани само две масовни престрелки. Полициски службеници и социјални активисти во американските медиуми изразуваат загриженот дека поради олеснувањето на ограничувањата за движење поради намалувањето на ширењето на пандемијата може да предизвика пораст на масовни престрелки и вооружени напади.

Во ковид- центрите се лекуваат 105 пациенти, 37 од нив во Скопје

Ковид-19 амбуланта во Скопје

На болничко лекување на инфективните одделенија во земјава има вкупно 105 ковид-пациенти, од кои 37 се во Скопје, а 68 во другите градови. Поголем дел од нив се на кислородна поддршка. Има околу 530 празни болнички кревети, соопшти Министерството за здравство.

Во ковид-центрите во болниците низ земјава се лекуваат вкупно 68 пациенти позитивни и сомнителни на КОВИД-19 – во Битола се хоспитализирани четворица пациенти, во Штип и во Струга по пет, Тетово и Прилеп имаат по тројца пациенти, Велес и Охрид по шест, Куманово 18, Гостивар има осум, Струмица девет, Кичево еден, а во Кавадарци и Гевгелија нема хоспитализирани.

Министерството за здравство напомнува дека бројот е променлив зашто во текот на денот се прават исписи на пациенти и дека поради намалениот број болни, болниците затворија дел од капацитетите наменети за ковид-пациенти.

При ракетен напад загинаа најмалку 13 луѓе во сириски град под турска контрола

При два одделни артилериски напади во Сирија загинале најмалку 13 луѓе, а десетици се ранети. Првиот напад бил во населено место, додека другиот врз болницата во сирискиот град Африн.

Сириската организација за заштита на човекови права соопшти дека во болницата која била под контрола на бунтовниците поддржани од Турција починале две жени, две деца и тројца вработени во болницата.

Оттаму соопштуваат дека вкупниот број на загинати е 18. Анкара тврди дека рекетниот напад ги извршиле сириските Курди. Во таа област има големо присуство на турска војска.

Во сириската граѓанска војна загинаа илјадици Сиријци и милиони протерани од своите домови и од земјата.

Ковид-19 зема замав во Русија

Русија денеска урива рекорди во пораст на бројот на новозаболени од ковид-19. Во изминативе 24 часа во Русија се евидентирани нови 14 723 случаи со ковид -19 од кои 7 704 се евидентирани во Москва. Ова е најголем број на дневно евидентирани случаи досега. Во изминативе 24 часа починале 357 луѓе со што бројот на починати порасна на 126 430.

Неработна недела во Москва заради намалување на ширењето на ковид-19

Вчера градоначалникот на Москва ја прогласи за неработна неделата што претстои со цел да се намали ширењето на ковид-19. Досега во Русија се вакцинирани 18 милиони Руси против ковид-19.

Се ближи крајот на владеењето на Нетанјаху

Протести пред израелското Собрание за подршка на актуелниот премиер Бенјамин Нетанјаху

Израелскиот парламент денеска ќе треба да изгласа нова Влада но без Бенјамин Нетанјаху. Со овој потег денеска се става крај на 12 годишното владеење на десничарскиот лидер Нетанјаху во Израел. 71 годишниот Нетанјаху не успеа да формира Влада по изборите кои се одржаа на 23 март годинава. Тоа беа четврти по ред избори за две години.

Претседателот на Собранието Јарив Левин ги свика пратениците да гласаат по предлогот за владата, една недела откако Јари Лапид најави дека ќе прават широка коалиција со ултранационалистот Нафтали Бенет.

Според партискиот договор, Бенет ќе биде премиер, а по него на тоа столче ќе седне и Лапид. Доколку пратениците денеска го изгласаат овој предлог, министрите денеска ќе положат заклетва со што официјално ќе му се стави крајот на владеењето на Нетанјаху.

Ериксен останува во болница по колапсот

Соиграчите на Кристијан Ериксен

Данскиот репрезентативец Кристијан Ериксен ќе остане во болницата во Копенхаген, бидејќи се опоравува откако вчера колабираше на фудбалскиот терен. Данскиот тим ги откажа сите планирани медиумски активности и го одложи тренингот планиран за денеска за да можат соиграчите на Ериксен да се соземат од вчерашниот здравствен инцидент на теренот.

Ериксен вчера колабираше на натпреварот меѓу Данска и Финска во 43-тата минута. Откако му се слоши, тим на брза помош неколку минути го реанимираше на теренот додека неговите соиграчи стоеа околу него заштитувајќи го него од јавноста, но и јавноста од таква глетка.

По 90 минутен прекин на играта, натпреварот продолжи со второто полувреме. Победник беше Финска со 1-0.

Г7 со инфраструктурен план за земјите во развој

Претседателката на Европската Комисија Урсула вон дер Лејен, канадскиот премиер Џастин Трудо, американскиот претседател Џо Бајден и францускиот претседател Емануел Макрон

Лидерите на земјите од Г7 на Самитот во Британија презентираа инфраструктурен план за земјите во развој со цел да ја надминат Кина во нејзините обиди за ширење на влијание на глобално ниво. Американскиот претседател Џо Бајден ја обвини Кина за кршење на правата на малцинствата и ги повика своите колеги да застанат заедно во натпреварот против Пекинг.

Самитот во Британија беше прва средба со физичко присуство на лидерите на најмоќните седум економии во светот по речиси две години. Тие се договорија споделат од нивните вакцини против ковид-19 со земјите во развој и најавија дека ќе работат на создавање поправедна економија додека светот се справува со последиците од пандемијата.

Високи претставници на Белата Куќа на брифинг со новинарите истакнале дека Канада, Велика Британија и Франција го поддржуваат ставот на Бајден да ја предизвикаат Кина, додека Германија, Италија и ЕУ покажале поголема колебливост.

Преговорите на Иран со светските сили нема да завршат неделава

Виена, Иранскиот министер за надворешни работи Абас Арагчи и иранскиот владин претставник во Меѓународната агенција за нуклеарна енергија Казем Гариб Абади

По преговорите во Виена меѓу Иран, Британија, Франција, Кина и Русија, се намалија надежите за заживување на историскиот нуклеарен договор од 2015 година со кој Техеран беше согласен да ги намали нуклеарните програми. Главниот ирански преговарач Абас Аракачи денеска изјави дека не може да се очекува никаква одлука од Иран се додека не поминат изборите во земјата на 18 јуни.

„Лично, мислам дека не можеме да постигнеме заеднички заклучок неделава во Виена“ изјави Аракачи, јавуваат државните ирански медиуми.

Рускиот претставник Михаил Улјанов изјави дека не очекува набрзо решение.

„Ни требаат уште неколку недели за да го исчистиме престојниот текст и да ги остраниме заградите во него за секундарните теми. Треба да се сконцетрираме на тоа како ќе се спроведува договорот “ изјави Улјанов.

Во Иран на 18 јуни се одржуваат претседателски избори на кои актуелниот претседател Хасан Рохани нема право на повторно да се кандидира. Рохани беше претседател на Иран два мандати и нема право на трет. Тој во 2015 година го промовираше договорот како историски. Сега се очекува на неговото столче да седне поконзервативен наследник.

Според договорот, Иран вети дека ќе ги ограничи своите нуклеарни активности во замена за олеснување на меѓународните санкции. Но, Договорот беше ставен во мирување пред три години откако тогашниот претседател на САД, Доналд Трамп го повлече Вашингтон од договорот и повторно воведе санкции кон Иран. Како одговор на тоа Техеран постепено почна да отстапува од договореното.

Сегашниот претседател на САД, Џо Бајден, рече дека сака да се врати на Договорот со Иран. Преговорите во Виена имаат за цел да го вратат Вашингтон во договорот и да се натера Техеран да ги почитува условите предвидени во договорот.

Временска прогноза-нестабилно време со пороен дожд

Денеска се очекува променливо облачно време со сончеви периоди. Попладне и до крајот на денот ќе биде нестабилно со локален пороен дожд, грмежи и засилен ветер. Во некои делови од земјава можно е да има и пообилен дожд за кратко време, електрични празнења и услови за појава на град.

Максималната температура ќе се движи од 21 до 30 степени. УВ-индексот ќе изнесува 7. Во Скопје, облачно со сончеви периоди. Попладне и до крајот на денот ќе биде нестабилно со локален пороен дожд, грмежи и засилен ветер. Дневната температура ќе достигне до 27 степени.

Утре ќе дува засилен северен ветер, кој ќе предизвика пад на дневната температура. Значително затоплување се очекува од средината на следната седмица.

Ериксен стабилизиран, натпреварот меѓу Данска и Финска продолжи

Данскиот играч Кристијан Ериксен беше изнесен на носила од фудбалскиот терен

Данскиот репрезентативец Кристијан Ериксен откако колабираше на натпреварот меѓу репрезентаците на Данска и Финска бил пренесен во болница и неговата здравствена состојба сега е стабилизирана. Натпреварот беше прекинат повеќе од 90 минути. Данската федерација соопшти дека тој сега е буден.

„Кристијан Ериксен е буден и минува низ дополнителни прегледи“ напиша на социјалната мрежа Твитер претставник на данската федерација.

Натпреварот на Европското првенство беше прекинат во 43-тата минута со резултат 0-0. Сега продолжува и во тек е второто полувреме. УЕФА соопшти дека по инцидентот одржале итен состанок со двата тима по што одлучиле да продолжат со натпреварот.

Играчите се вратија на терен со огромни овации. На позицијата на Ериксен во второто полувреме од фудбалскиот натпревар заигра Матијас Јенсен. На Ериксен му беше укажана итна помош на теренот околу 10 минути откако колабираше при крајот на првото полувреме. По реанимацијата на теренот беше изнесен на носила.

Лекарот од тимот на италијанскиот фудбалски клуб Интер Пјеро Волги каде што Ериксен беше играч, за новинската агенција „Асошијатед прес“ изјави дека бил во контакт со данската фудбалска репрезентација.

„ Ние сме во контакт со данската федерација, менаџерот на тимот и тимскиот лекар. Но, се уште не знаеме ништо. Слушнавме што рече УЕФА и сите сме среќни што е стабилизиран, но тоа е се што знаеме засега“ изјави Волпи.

Тој додаде дека Ериксен досега не бил заразен со ковид-19 и дека досега немал здравствени проблеми, и дека ги поминал сите медицински прегледи без проблеми откако се приклучил тимот на Интер во јануари 2020 година од тимот на англиски Тотенхем.

Ериксен е еден од најголемите дански фудбалски ѕвезди и денешниот инцидент предизвика емотивен шок на стадионот во Копенхаген каде што 15 илјади навивачи застанаа во тишина.

Прекинат натпреварот меѓу Данска и Финска, Ериксен колабираше на терен

Илустрација

Прекинат е фудбалскиот натпревар на Европското првенство меѓу репрезентациите на Данска и Финска, поради повреда на еден од фудбалерите. Фудбалерот Кристијан Ериксен во текот на играта колбираше и неколку минути службите на Брза помош го реанимираат играчот на Данска на фудбалскиот терен. 29 годишниот данскиот фудбалер Ериксен е играч на фудбалскиот италијански клуб Интер.

Натпреварот беше прекинат при истекот на првото полувреме. По неколку минути тензија, расплакана публика и загрижени соиграчи фудбалерот беше изнесен од фудбалскиот терен. Засега нема информација за здравствената состојба на Ериксен.

Бајден сам ќе одржи прес конференција по средбата со Путин во Женева

Американскиот претседател Џо Бајден

Белата куќа соопшти дека американскиот претседател Џо Бајден ќе оддржи сам прес конференција по средбата со неговиот руски колега Владимир Путин во Женева која е закажана на 16 јуни, што е уште еден показател за затегнати односи меѓу Вашингтон и Москва. Неименуван извор на Ројтерс од Белата Куќа изјави дека ваквиот начин на обраќање на јавноста по средбата е со цел полесна комуникација со медиумите за темите кои ќе бидат покренати на состанокот, за тоа за кои можеби ќе имаат заеднички став или несогласување.

Тактиката „сам за себе“ ја истакнува желбата на американската администрација да ги оспори точките од разговорите со Кремљ и при тоа избегне впечаток на јавноста за пријатни односи со рускиот лидер во ситуација кога Бајден го обвини Путин дека ја нарушува меѓународната безбедност.

Претходникот на Бајден, Доналд Трамп во Хелсинки во 2018 година се сретна со Путин и на заедничка прес конференција тогаш застана во одбрана на Русија во врска со проценките дека Москва се вмешала во американските претседателски избори во 2016 година.

Бајден денеска е во Велика Британија каде што учествува на Самитот на Г7 каде што една од темите на разговор ќе бидат и односите со Русија и Кина како и пандемијата и климатските промени. Потоа заминува во Брисел на средба со лидероте од ЕУ и НАТО.

Во ковид-центрите хоспитализирани 101 пациенти

Инфективна клиника, ковид 19 амбуланта

На инфективните одделенија во Скопје и во болниците низ земјава вкупната се лекуваат 101 пациенти позитивни и суспектни на корона вирусот. Од министерството за здравство велат дека засега има околу 530 празни болнички кревети во ковид центрите. Поради намалениот број на болни, болниците затворија дел од капацитетите наменети за ковид пациенти.

Како што информира Министерството за здрваство, во изминатите 24 часа во ковид центрите во Скопје се хоспитализирани четири нови пациенти поради компликации од корона вирусот. Четворицата пациенти биле примени на Клиниката за инфективни болести и фебрилни состојби.

На инфективните одделенија во главниот град вкупно се лекуваат 36 лица сомнителни и потврдени за Ковид 19. Голем дел од пациентите се на кислородна поддршка. Во изминатите 24 часа дома се пуштени 7 оздравени пациенти.

Саудиска Арабија го ограничува годинашниот аџилак на 60.000 вакцинирани посетители

Властите во Саудиска Арабија соопштија дека ќе дозволат само 60 илјаци вакцинирани верници ќе може да одат на аџилак годинава. Во соопштението е посочено дека на странци нема да им е дозволено да присуствуваат на одржувањето на традиционалните обичаи кои се задолжителни барем еднаш во живитниот век за сите муслимани.

Саудиските власти денеска посочија дека настаните ќе бидат отворени за државјани и жители на кралството, но ограниченио за само 60 илјади аџии. Аџилакот ќе биде дозволен за муслимани кои се вакцинирани и немаат хронични болести, а потребно е да бидат на возраст од 18 до 65 години. Причината за ваквите ограничувања се новите варијанти на коронавирусот.

„Не сакаме овогодишниот аџилак да биде епицентар на ширење на вирусот во кралството ни во муслиманскиот свет“ изјави саудискиот министер Маџид ал-Касаби.

Аџилак со ограничен број верници во Мека поради коронавирусот

Многу земји веќе ги откажаа турите организирани од државата за аџилак во Мека. Ова ќе биде по втор пат вакво откажување поради загриженоста за ковид-19. Претходно во просек по 2 милиони муслимани ги посетуваа Мека и Медина во период од 17 до 22 јули.

Средните училишта в понеделник ги отвораат вратите за нови ученици

Илустрација

Средните училишта в понеделник ги отвораат вратите за нови ученици. Според Конкурсот на Министерството за образование и наука, во јавните средни училишта слободни се 30 053 места во 913 паралелки во 109 средни училишта. Пријавувањето и запишувањето на учениците ќе се врши согласно изготвен распоред од страна на училиштето. Во јунскиот уписен рок има три пријавувања и запишувања – од 14 јуни до 17 јуни кога ќе бидат објавени и резултатите од запишаните и останати слободни места.

Квалификациското тестирање ќе се организира во училиштата на 21 јуни 2021 година и тој ден ќе бидат објавени конечните ранг-листи со резултатите. Второто пријавување овој месец е на 23 и 24 јуни, а третото е на 30 јуни.

Од вкупниот број слободни места во прва година средно, 19 602 се во стручно образование во 604 паралалеки, 9261 во гимназиско образование во 274 паралелки и 1190 места во 35 паралелки се за училиштата од уметничко образование, спортска академија, спортска гимназија и за математичко-информатичка гимназија.

Со годинашниот Конкурс, отворени се 97 дуални паралелки (во 46 средни училишта во 25 општини), кои заедно со над 200 компании ќе спроведуваат концепт на дуално образование и зголемен обем на практична обука за 2001 ученик.

Годинава се предвидени и стипендии од 3500 денари за две илјади ученици кои ќе се запишат во дуална паралелка или во тригодишно стручно образование, а 200 стипендии од 2.200 денари ќе им бидат доделени на ученици запишани во прва година во дефицитарните струки, како електротехничката, машинската, угостителско-туристичката, градежно-геодетската, земјоделско-ветеринарната и текстилно-кожарската струка.

Канаѓани протестираа против исламобофија

Демонстративен марш во Онтарио

Илјадници Канаѓани денеска излегоа на демонстративен марш во Онтарио во знак на чест на четворицата Пакистанци кои загинаа откако беа прегазени со камион минатата недела. Меѓуверскиот марш започна од раскрсницата каде што петмина членови на муслиманското семејство Афзал беа прегазени со камион кој го управувал 20 годишен осомничен полицаец. Тој откако бил приведен изјавил дека извршил „планирано, немерно кривично дело мотивирано од омраза“.

Салман Афзаал и неговата сопруга Мадиха, нивната годишна ќерка и нејзината баба загинале додека ја поминувале улицата, додека нивниот 9 годишен син е повреден.

Протесни маршови против исламофобија и омраза беа организирании во Монтреал, Отава, Торонто и Квебек каде во 2017 година при пукање во џамија загинаа шест лица.

Погребот на членовите на семејството Афзаал кои се доселиле од Пакистан во 2007 мата година е закажан за денеска.

Осомничениот полицаец Натаниел Велтман е обвинет за четири убиства и едно убиство во обид за што може да добие и доживотна казна затвор.
Премиерот Џастин Трудо го нарече инцидентот „терористички напад“ а властите најавија дека осомничениот може да се товари и за тероризам.

Во Грција следниот месец ќе се укине полицискиот час

Плажа во Грција

Од денеска во Грција стапува во сила новата одредба во која се намалува полицискиот час и тој ќе започнува во еден часот и 30 минути по полноќ, наместо како што беше досега пред полноќ. Со измената на времетраењето на полицискиот час ќе се продолжи и работното време на угостителските објекти и дополнително ќе биде дозволена и жива свирка во нив. Кафулињата и рестораните и натаму ќе смеат да услужуваат гости само на отворено, односно на летни тераси и плажи.

Ноќните клубови, дискотеки и внатрешните делови на угостителските објекти и натаму ќе бидат затворени. Заменик-министерот за цивилна заштита на Грција, Никос Хардаљас изјави дека доколку епидемиолошката слика во земјата е добра, од 1 јули целосно ќе биде укинат полицискиот час, а на прославите дозволени ќе бидат најмногу 300 гости, наместо 100 како што е сега. Актуелните мерки во Грција, освен за грчките граѓани, важат и за туристите.

Епидемиолошката слика во Грција се подобрува, бројот на нови случаи е во просек под илјада дневно, намален е на 2,3 отсто процентот на позитивни случаи во однос на направени тестови, а хоспитализирани се 1.700 лица. Од почетокот на епидемијата, во земјата има 413.954 заразени и 12.381 смртен случај. Од почетокот на масовната имунизација до вчера се вакцинирани над 4 милиони жители со една доза, додека 2, 6 милиони граѓани примиле две дози од вакцините против ковид-19 .

Вчитај повеќе

XS
SM
MD
LG