Достапни линкови

Косово воведе задолжителен тест за ковид-19 за државјани на Македонија, БиХ и Црна Гора


Косово воведе задолжителен тест за ковид-19 за влез во државата на граѓаните на Македонија, БиХ и Црна Гора, одлучи денеска Владата на Косово.

Тестот не треба да биде постар од 72 часа од времето на пријавување на граница.

Од оваа одлука се исклучени граѓаните од тие земји доколку влезат преку меѓународниот аеродром „Адем Јашари“ во Приштина. Тие не треба да приложат негативен тест за новиот коронавирус, но се обврзани да потпишат изјава дека во рок од три часа ќе го напуштат Косово. Исто така и патниците кои го користат аеродромот за патување во трети земји немаат потреба од тест.

Превозниците кои влегуваат во Косово од споменатите земји немаат потреба од тестот РТ-ПЦР, но треба да ги почитуваат протоколите за меѓународен превоз. И организираните превозници на патници со автобуски или меѓународни транзитни линии од тие земји не треба да приложуваат уверение за негативен тест, но треба да потпишат изјава дека се обврзуваат да ја напуштат територијата на Косово во рок од 5 часа.

Ослободени од обврската за тестирање се и странските дипломати и нивните семејства, како и државјаните на Северна Македонија, БиХ и Црна Гора кои имаат и косовско државјанство и живеалиште во Косово.

XS
SM
MD
LG