Достапни линкови

И Париз, по Вашингтон и Лондон, се сомнева во Кина за коронавирусот


Францускиот претседател Емануел Макрон

Францускиот претседател Емануел Макрон процени дека во Кина има „магливи области“ над пандемијата на коронавирус. Тој за „Фајненшл тајмс“ изјави дека е јасно оти имало работи што се случиле, но никој не знае за тоа. Така и Париз им се приклучи на сомнежите изразени од Лондон и Вашингтон. Британија вчера ја предупреди Кина дека треба да одговори на „тешки прашања за појавата на вирусот и зошто не е запрен порано“.

Кина реагира дека Ковид-19 не настанал во лабораторија

Администрацијата на американскиот претседател Доналд Трамп го обвини Пекинг за „криење“ на сериозноста на епидемијата при нејзиното избувнување во Кина и во вторникот го замрзна финансискиот придонес на САД во Светската здравствена организација, оценувајќи дека таа е на страната на Кина. Русија пак и даде поддршка на Кина. Рускиот претседател Владимир Путин во телефонски разговор со неговиот кинески колега Си Џинпинг изјави дека биле „контрапродуктивни“ обвинувања дека Пекинг шири дезинформации за новиот коронавирус.

XS
SM
MD
LG