Достапни линкови

Влада: ако стигнете во државава сега, ќе одите во карантин 21 ден


Архивска фотографија- владина седница

Владата на Република Северна Македонија на денешната 40-та седница донесе уредба со која секој македонските државјани кои влегуваат во нашата држава по 13-ти април 2020 година, а биле затекнати во земји со висок ризик од коронавирус согласно листата на Светската здравствена организација им се одредува мерката строга изолација (карантин) во времетраење од најмалку 21 ден од денот на пристигнувањето. Ова ќе важи не само за оние кои се враќаат со хуманитарните летови, туку и со конвои по копнен пат, соопшти владината прес служба.

Во однос на здравствените работници донесена уредба со која пензијата поради возраст им се одложува за време на траењето на вонредната состојба.

„Согласно оваа Уредба, започнатите постапки за престанок на договор за вработување или договор за продолжување на вработувањето на здравствен работник, односно здравствениот соработник, поради возраст, се одложуваат за време на траењето на вонредната состојба“, наведоа од Владата.

Инаку на истата седница е одлучено полицискиот час за време на Велигденските празници да трае од петок од 16 часот, до вторник во 5 часот.

XS
SM
MD
LG