Достапни линкови

Вести

Во тек е јавниот увид на Избирачкиот список, се бришат починати лица

Државна изборна комисија ДИК.
Државна изборна комисија ДИК.

59 лица од општините Кисела Вода, Студеничани, Сопшите и Зелениково ќе бидат избришани од Избирачкиот список. Според информациите од подрачната единица на Државната изборна комисија во Кисела Вода станува збор за починати лица за кои се донесени изводи од умрените од страна на месните канцеларии на Управата за матична евиденција по почетокот на јавниот увид за референдумот на 30 септември.

Освен по основ на смрт, бришење од Избирачкиот список може да има и по основ на државјанство, но во првите три дена од увидот барање за бришење по основ на државјанство немало во ниту една канцеларија на ДИК.

Од ДИК велат дека освен по службена должност, граѓаните можат сами во подрачните канцеларии на Комисијата и со уверение од матичната книга за умрени да побараат бришење на починато лица во Избирачкиот список.

По основ на државјанство, граѓаните тоа може да го побараат со потврда од Министерството за внатрешни работи, појаснуваат од ДИК наведувајќи дека доколку граѓани сакаат да променат податоци во Избирачкиот список тоа може да го направат со нова лична карта или нова патна исправа.

Меѓу општините каде што има најголем одѕив за увид во Избирачкиот список се Радовиш и Струмица каде имало 92, односно 96 лица кои направиле проверка на податоците. Увидот во Избирачкиот список трае до 23 август на полноќ.

види ги сите денешни вести

Путин унапреди висок службеник во затворот каде што почина Навални

Во неговото последно познато појавување, наводно снимено за време на судско рочиште на 15 февруари, рускиот опозиционер изгледа здраво и расположено. Ова е дел од неговото обраќање до судијата преку видео врска од затвор во северна Русија.
Во неговото последно познато појавување, наводно снимено за време на судско рочиште на 15 февруари, рускиот опозиционер изгледа здраво и расположено. Ова е дел од неговото обраќање до судијата преку видео врска од затвор во северна Русија.

Рускиот претседател Владимир Путин унапреди висок службеник во затворот во кој пред неколку дена почина рускиот опозициски лидер Алексеј Навални.

Заменик-шефот на затворската служба ФСИН, Валериј Бојаринев, беше унапреден во генерал-полковник на Министерството за внатрешни работи.

Директорот на Антикорупциската фондација, основана од Навални, во вторникот на социјалната мрежа Телеграм објави дека Бојаринев е лично одговорен за мачењето на Навални во затвор.

„Тоа мора да се сфати како отворена награда на Путин за тортура“, рече Иван Жданов во врска со унапредувањето на Бојаринев.

Во јули 2023 година, на судско рочиште, се дозна дека Бојаринев му наредил на Навални да го ограничи купувањето на храна и дневни потреби.

Затворениците обично можат да користат свои пари за да купат што им треба во продавница во близина на затворот.

Според Жданов, новоименуваниот генерал-полковник е одговорен и за други злоупотреби на критичарите на Кремљ.

Унапредувањето на Бојаринев стана познато во понеделникот кога претседателскиот декрет беше објавен во правната база на податоци. Заедно со него, во чин генерал беа унапредени уште тројца службеници од органите на редот.

Портпаролот на Кремљ, Дмитриј Песков, негираше дека овие унапредувања се поврзани со смртта на Навални, потенцирајќи дека тоа е нормална процедура.

Алексеј Навални (47) почина во петокот во сибирски затвор. Тој колабирал додека пешачел во дворот и починал и покрај обидите да биде вратен во живот.

Британски извештај: Русија ги обновува капацитетите за дестабилизација на Европа, вклучувајќи го и Балканот

Руски војник (Фотоархива)
Руски војник (Фотоархива)

Русија го обновува својот капацитет да ги дестабилизира европските земји и да го прошири своето влијание на Блискиот Исток и Африка, што претставува стратешка закана за НАТО додека нејзините членки се фокусираат на војната во Украина, соопшти на 20 февруари тинк-тенк со седиште во Велика Британија.

Во сеопфатен извештај, истражувачите од институтот „Royal United Services“ тврдат дека западните земји мораат да направат повеќе за да се спротивстават на руската неконвенционална војна, ако сакаат да ја спречат руската инвазија на Украина.

„Како што војната во Украина се одолговлекува, во интерес на Русија е да создаде дополнителни кризи“, напишаа авторите Џек Ватлинг, Олександр В. Даниљук и Ник Рејнолдс, наведувајќи го Балканот како регион зрел за такво нешто.

„Русија, исто така, има активен интерес за дестабилизација на партнерите на Украина, а со серија претстојни избори ширум Европа, постои широк опсег на можности за влошување на поларизацијата“, велат авторите.

Извештајот од 35 страници на овој тинк-тенк, основан во 1831 година, беше објавен само неколку дена пред втората годишнина од руската инвазија на Украина.

Додека руските напори за дестабилизација на земји како Молдавија пропаднаа поради безбедносни пропусти и масовни протерувања на оперативци на Кремљ, руската војска сега ја зајакнува својата способност за неконвенционални напади, се вели во извештајот.

Користејќи документи добиени од руските разузнавачки служби и интервјуа со официјални лица во Украина и некои европски земји, извештајот ги објаснува напорите на Русија да го прошири своето влијание надвор од сегашниот конфликт во Украина.

„Заканата се протега надвор од Украина и со активна соработка со земјите кои се мета“, се вели во извештајот, повикувајќи на „постојана будност“ за голем број прашања.

Во извештајот се споменува и дека влијанието се врши и преку разни добротворни здруженија, а меѓу нив е и фондацијата „Ахмат Кадиров“ која се обидува да го популаризира Кадиров како религиозна личност.

За таа фондација слично пишуваше и Европскиот исламски форум.

„Организацијата е особено активна на Балканот, каде што има воспоставено врски со авторитетни муслимански претставници (не само религиозни, туку и политички фигури) во Србија, Босна и Херцеговина, Црна Гора, Албанија, Косово, Северна Македонија, Хрватска, Грција и Романија“, се додава во извештајот.

Во јули 2021 година, делегација на Европскиот муслимански форум (ЕМФ) предводена од претседателот Абдул-Вахед Нијазов ги посети Исламската заедница на Косово и Факултетот за исламски науки.

Делегацијата на Европскиот муслимански форум на средбата ја пречека муфтијата Наим Трнава, претседателот на Исламската заедница на Косово, со своите соработници, но долго време не се размислуваше за тоа пто претсавува овој форум и кој е всушност лидерот Абдул- Вахед Нијазов.

Европскиот муслимански форум е организација со седиште во Брисел, а е основана во октомври 2018 година.

Некои од целите на овој форум, кои се наведени на неговата веб-страница, се: Интеграција на муслиманските мигранти во европското општество, помош за изградба и развој на џамии и исламски културни центри во европските земји, организирање активности насочени кон популаризација на исламската култура, европското наследство, онлајн развојни едукативни проекти за да допрат до поширока публика на млади муслимани, развој на халал индустријата во европските земји и така натаму.

Лидерот на форумот Нијазов, исто така раководи со Исламскиот културен центар во Москва, оддел на официјалниот совет на рускиот муфтија и исто така тело поврзано со Кремљ.

Во Руската Федерација, Нијазов важи за близок соработник на рускиот претседател Владимир Путин, кој беше пратеник во партијата на Путин во руската Дума од 1999 до 2003 година.

Трето американско вето на нацрт-резолуцијата за војната меѓу Израел и Хамас

Алжирскиот амбасадор во ОН Амар Бенџама и неговата американска колешка Линда Томас-Гринфилд на седница на Советот за безбедност на ОН во Њујорк, САД, на 20 февруари 2024 година.
Алжирскиот амбасадор во ОН Амар Бенџама и неговата американска колешка Линда Томас-Гринфилд на седница на Советот за безбедност на ОН во Њујорк, САД, на 20 февруари 2024 година.

САД повторно ставија вето на нацрт-резолуцијата на Советот за безбедност на Обединетите Нации (ОН) за војната меѓу Израел и Хамас, блокирајќи го повикот за итен хуманитарен прекин на огнот.

За текстот подготвен од страна на Алжир гласаа 13 членови на Советот, додека Велика Британија беше воздржана.

Тоа беше трето американско вето од почетокот на конфликтот на 7 октомври, потсетува Ројтерс.

„Гласањето за оваа нацрт-резолуција е поддршка за правото на живот на Палестинците. Спротивно на тоа, гласањето против, подразбира одобрување на брутално насилство и колективно казнување“, рече алжирскиот амбасадор во ОН Амар Бендјама пред Советот пред гласањето.

Амбасадорката на САД во ОН, Линда Томас-Гринфилд, во саботата, 17 февруари, најави дека Вашингтон ќе стави вето на нацрт-резолуцијата поради загриженоста дека таа може да ги попречи преговорите меѓу САД, Египет, Израел и Катар за договорот за привремен прекин на огнот и ослободување на заложниците кои ги држи Хамас - милитантна организација означена како терористичка организација од страна на САД и Европската унија.

„Барањето итен, безусловен прекин на огнот без договор кој бара од Хамас да ги ослободи заложниците нема да доведе до траен мир. Наместо тоа, ова само може да ги продолжи борбите меѓу Хамас и Израел“, истакна Гринфилд.

Во меѓувреме, САД предложија втора нацрт-резолуција, со која се повикува на привремен прекин на огнот во војната меѓу Израел и Хамас и се спротивставува на големата израелска копнена офанзива во Рафах, се вели во текстот во кој Ројтерс имал увид.

По кратка суспензија, Х го врати во функција профилот на вдовицата на Навални

Јулија Навалнаја, вдовицата на Алексеј Навални, учествува на состанокот на министрите за надворешни работи на Европската унија во Брисел.
Јулија Навалнаја, вдовицата на Алексеј Навални, учествува на состанокот на министрите за надворешни работи на Европската унија во Брисел.

Социјалната мрежа Х во вторникот, на 20 февруари, по кратка суспензија, го врати профилот на Јулија Навалнаја, вдовица на рускиот опозициски лидер Алексеј Навални. Сè уште не е јасно зошто нејзиниот профил воопшто беше суспендиран.

Антикорупциската фондација на Навални го означи Илон Маск во објава за да праша „точно кои правилаги прекршилa Навалнaja.

Претходно во вторникот, на својот профил на Х, Јулија Навалнаја го повика Кремљ „да го врати телото на Алексеј и да дозволи тој достоинствено да биде погребан“.

Таа исто така рече дека „не и е грижа како прес-секретарот на убиецот ги коментира овие зборови“.

Во понеделникот таа го обвини рускиот претседател Владимир Путин за убиство на нејзиниот сопруг и рече дека наскоро ќе ги презентира доказите. Од друга страна, Кремљ негираше вмешаност и оттаму истакнаа дека тврдењата дека рускиот претседател е одговорен се неприфатливи.

Истовремено, Русија распиша и потерница по братот на Алексеј Навални, Олег Навални, против кој е започната нова кривична постапка поради што се бара во Русија.

Во 2021 година, тој беше осуден на една година условна казна за кршење на мерките за спречување на коронавирусот, откако беше обвинет дека поканил Руси да присуствуваат на митинг за неговиот брат.

Тој беше осуден во отсуство на една година затвор во февруари 2022 година за прекршување на условната казна.

Русија ја прогласи РСЕ за „непожелна организација“

ТВ студио на РСЕ, во Киев, Украина
ТВ студио на РСЕ, во Киев, Украина

Русија ја прогласи Радио Слободна Европа (РСЕ) за „непожелна организација“, според регистарот што го води Министерството за правда на земјата.

Последното ажурирање на регистарот покажува дека РСЕ е означена како „непожелна“ од 20 февруари. Според записот, РСЕ е 142-от ентитет кој е означен како таков.

Претходно, Канцеларијата на главниот обвинител одлучи да ги означи активностите на корпорацијата како непожелни во Русија, пренесува ТАСС.

Законот за „непожелна организација“, усвоен во 2015 година, беше регулатива поддржана од Кремљ за невладини и други организации кои се финансираат од странски извори.

Радио Слободна Европа е уредувачка независна медиумска компанија финансирана со грант од Конгресот на САД преку американската Глобална медиумска агенција.

РСЕ дистрибуира информации на 27 јазици во 23 земји каде слободата на медиумите е ограничена или професионалното новинарство е недоволно развиено.

Претседателот на РСЕ, Стивен Капус, вели дека „означувањето на РСЕ како непожелна организација е само најнов пример за тоа како руската влада го гледа вистинитото известување како егзистенцијална закана“.

„Милиони Руси се потпираат на нас со децении - вклучително и публика која соборува рекорди во изминатите неколку дена по смртта на Алексеј Навални - и овој обид да не задушат само ќе ја натера РСЕ да работи понапорно за да донесе слободно и независно новинарство за луѓето во Русија“, вели Капус.

Московскиот суд го прогласи за банкротитан бизнисот на Радио Слободна Европа во Русија минатиот март, откако компанијата одби да плати повеќекратни казни во вкупна вредност од над 1 милијарда рубљи (14 милиони долари) за кршење на таканаречениот закон за странски агенти.

Законот, воведен во 2012 година, првично беше наменет за невладини организации и групи за човекови права, но оттогаш е проширен за да вклучува и медиумски организации, индивидуални новинари, блогери на Јутјуб, односно всушност секој што се финансира надвор од Русија и, според мислењето на Кремљ, изразува политичко мислење.

Радио Слободна Европа претходно објави дека овој закон претставува политичка цензура со цел да ги спречи новинарите да ги извршуваат нивните професионални должности и ги оспорува потезите на владата пред руските судови и Европскиот суд за човекови права.

Радио Слободна Европа го затвори своето дописнички центар во Москва на 6 март 2022 година, неколку дена откако Федералната даночна служба поднесе барање до Арбитражниот суд во Москва за задолжителен банкрот на РСЕ.

На 13 март минатата година, арбитражниот суд во Москва како причина ја наведе „неспособноста“ на РСЕ/РС, која ги застапува интересите на Радио Слободна Европа во Русија и чии сметки беа замрзнати во мај 2021 година, за да го отплати долгот.

Откако Русија ја започна својата инвазија врз Украина и воведе воена цензура во март 2022 година, рускиот медиумски регулатор Роскомнадзор ги блокираше веб-страниците на Радио Слободна Европа во таа земја.

Постапките на руските власти, изјави тогаш претседателот на Радио Слободна Европа Џејми Флај, претставуваат кулминација на повеќегодишната кампања за нарушување на работата на таа медиумска компанија во Русија.

И покрај блокирањето на страниците и другите форми на притисок, рускиот сервис на Радио Слободна Европа продолжува целосно да работи, а посетеноста на страницата на РСЕ од Русија забележа рекорден скок.

Притворениот новинар на РСЕ Ихар Лосик веќе една година во самица

Притворениот новинар на РСЕ, Ихар Лосик
Притворениот новинар на РСЕ, Ихар Лосик

Родителите на новинарот на Радио Слободна Европа (РСЕ), Ихар Лосик, кој отслужува 15-годишна затворска казна под обвиненија за кои тој, РСЕ и странските влади тврдат дека се политички мотивирани, велат дека нивниот син поминал една година во самица во затвор во Белорусија.

Родителите на Лосик тврдат дека пред една година последен пат тие добиле писмо од нивниот син, кој е сместен во соба од типот на ќелија, каде што се забранети писма, пакети од роднини и посети.

Триесет и едногодишниот Лосик беше уапсен во јуни 2020 година и осуден на 15 години затвор во декември 2021 година по неколку обвиненија, вклучително и за организирање масовни немири, поттикнување омраза и неколку други обвиненија кои остануваат нејасни.

Тој тврди дека е невин и сите обвинувања против него ги карактириза како политички мотивирани.

Лосик и околу 150 други белоруски политички затвореници, вклучително и друг новинар на РСЕ, Андреј Кузниечик, но и поранешниот потенцијален претседателски кандидат Виктар Бабарик, ја отслужуваат казната во истата поправна колонија број 1. во северниот град Наваполатск.

Работната група на Обединетите нации за произволно притворање, во октомври минатата година утврди дека Белорусија го прекршила меѓународното право со притворањето на Лосик, заклучувајќи дека неговото апсење и притворање биле „засновани исклучиво на неговите новинарски активности и неговото користење на слободата на изразување и здружување“.

Акција во Црна Гора, уапсени повеќе полицајци и бизнисмени

Осомничените за шверц на цигари доаѓаат на распит во Специјалното државно обвинителство во Подгорица, 20 февруари 2024 година.
Осомничените за шверц на цигари доаѓаат на распит во Специјалното државно обвинителство во Подгорица, 20 февруари 2024 година.

По налог на Специјалното државно обвинителство (СДТ), црногорската полиција во вторникот уапси 11 лица поради сомнение дека создале криминална група поврзана со шверц на цигари. Меѓу уапсените се и петмина полицајци и шест бизнисмени.

Како што соопшти портпаролот на црногорското државно обвинителство Вукас Радоњиќ, уапсените се обвините за кривично дело – „создавање на криминална група“, како и продолжено кривично дело – „криумчарење“.

Апсењата, како што информираше СДТ, се резултат на нивната повеќемесечна соработка со Европол.

Меѓу уапсените полицајци е и командирот на граничката полиција Драган Бацковиќ, како и неколку вработени со подолг стаж.

Од друга страна пак, помеѓу уапсените бизнисмени се наоѓа и Александар Мијајловиќ, кој претходно црногорскиот премиер Дритан Абазовиќ го означи како еден од неформалните ко-сопственици на градежната компанија Бемакс, иако неговото има официјално го нема во фирмата.

Полициската акција во Црна Гора ја спроведе Специјалното полициско одделение при тамошното државно обвинителство на чело со Предраг Шуковиќ, кој пак неодамна беше обвинет од министерот за правда, Андреј Миловиќ, за соработка со криминалниот клан во Будва.

Х го суспендираше профилот на Јулија Навалнаја, Русија распиша потерница по братот на Алексеј

Јулија Навалнаја на состанокот на министрите на ЕУ во Брисел, 19 февруари 2024 година.
Јулија Навалнаја на состанокот на министрите на ЕУ во Брисел, 19 февруари 2024 година.

Социјалната мрежа Х порано позната како Твитер го суспендираше профилот на вдовицата на рускиот опозициски лидер Алексеј Навални, Јулија Навалнаја. Но, останува нејасно зошто оваа социјална мрежа го суспендираше профилот на вдовицата на Навални, пренесува Скај Њуз.

Претходно, во вторникот, на нејзиниот профил на мрежата Х, Јулија го повика Кремљ „да го врати телото на Алексеј и да дозволи тој да биде погребан достоинствено“.

Таа исто така рече дека „не и е грижа како прес-секретарот на убиецот ги коментира овие зборови“.

Во понеделникот таа го обвини рускиот претседател Владимир Путин за убиство на нејзиниот сопруг и рече дека наскоро ќе ги презентира доказите.

Кремљ негираше вмешаност и рече дека тврдењата дека рускиот претседател е одговорен, се неприфатливи.

Вдовицата на Навални вети дека ќе ја продолжи неговата работа
please wait

No media source currently available

0:00 0:02:04 0:00

Во исто време, името на братот на Алексеј Навални се најде на листата на лица по кои Русија има распишано потерница, јавуваат државните медиуми, пренесува Скај Њуз.

Против Олег Навални, братот на Алексеј, отворено е нова кривична постапка поради што тој се бара во Русија.

Во 2021 година, Олег беше осуден на една година условна казна за кршење на мерките за спречување на коронавирусот, откако беше обвинет дека поканил Руси да присуствуваат на собир во организација на неговиот брат.

Тој беше осуден во отсуство на една година затвор во февруари 2022 година за прекршување на условната казна. Засега не е познато каде се наоѓа Олег Навални.

Олег отпатувал во Кипар во 2021 година и не се вратил во Русија, според судските документи цитирани од новинските агенции.

Московскиот суд ја одби жалбата на американскиот новинар Гершкович

Американскиот новинар Еван Гершкович (Архивска фотографија)
Американскиот новинар Еван Гершкович (Архивска фотографија)

Градскиот суд во Москва отфрли уште една жалба на американскиот новинар Еван Гершкович против неговиот истражен притвор под обвинение за шпионажа, што тој, неговата матична компанија „Волстрит журнал“ и Вашингтон, го отфрлуваат како неосновано.

Рочиштето во вторникот се одржа зад затворени врати бидејќи, според судот, материјалите од предметот содржат тајни документи.

Судот одлучи дека Гершкович мора да остане во притвор најмалку до 30 март, што ќе биде точно една година од неговото прво апсење во Екатеринбург.

Гершкович и поранешниот американски маринец Пол Вилан се притворени во Русија под обвинение за шпионажа што тие и американската влада ги отфрлаат како политички мотивирани.

Додека Гершкович останува во притвор, Вилан беше осуден на 16 години затвор во јуни 2020 година.

Третата државјанка на САД, новинарката на Радио Слободна Европа Алсу Курмашева, која има руско државјанство, се наоѓа во притвор повеќе од четири месеци под обвинение, за кое американската влада и нејзиниот работодавец велат дека се одмазда за нејзината работа.

Руските власти го обвинуваат Гершкович за собирање државни тајни за воено-индустрискиот комплекс по налог на американската влада.

Американскиот Стејт департмент во април минатата година го означи Гершкович како незаконски приведено лице, зголемувајќи го профилот на неговиот случај и давајќи му основа на Министерството да дејствува во интерес на ослободување на американскиот државјанин.

Москва е обвинета за приведување Американци со цел да ги користи како договор за пазарење за размена на Русите притворени во САД.

Американската кошаркарка Бритни Гринер, која беше осудена на девет години во руски затвор затоа што имала мала количина масло од канабис во багажот додека се враќала од САД во својот тим во Русија, била разменета за озлогласениот трговец со оружје Виктор Бут, кој одлежал 25 години во американски затвор.

Рускиот претседател Владимир Путин во неодамнешното интервју со американскиот водител Такер Карлсон изјави дека Москва ќе биде подготвена да размени дописник на Волстрит журнал за руски затвореници доколку се постигне договор со САД.

Путин не даде повеќе детали.

Во 2018 година, Русија го уапси поранешниот извршен директор за корпоративна безбедност на американскиот маринец, со седиште во Мичиген, Пол Вилан, кој има американско, британско, канадско и ирско државјанство, тврдејќи дека има УСБ-уред со доверливи информации.

Во 2020 година, рускиот суд го осуди на долга казна, отфрлајќи ги неговите тврдења за невиност и тврдењата на Вашингтон дека Вилан не бил шпион.

Притворот на американските граѓани во Русија доаѓа во време кога односите меѓу Москва и Вашингтон се на најниско ниво и тоа уште од крајот на Студената војна поради руската инвазија на Украина.

Мајката на Навални побара од Путин да и го предаде телото на нејзиниот син

Људмила Навални, мајка на Алексеј Навални (Илустративна фотографија)
Људмила Навални, мајка на Алексеј Навални (Илустративна фотографија)

Мајката на починатиот противник на Кремљ, Алексеј Навални, во вторникот го повика рускиот претседател Владимир Путин без одлагање да и го предаде телото на нејзиниот син, кој почина на 16 февруари во затвор во кругот на Арктикот.

„Апелирам до вас, претседателе Владимир Путин, бидејќи решението за овој проблем зависи само од вас. Дозволете ми конечно да го видам син ми. Ве молам телото на Алексеј да се врати без одлагање за да можам да организирам достоен погреб“, изјави Људмила Навални во видео снимка во близина на казнената колонија каде умре Навални.

Тимот на Алексеј Навални во понеделникот соопшти дека истражителите ќе спроведат „хемиско вештачење“ на неговите посмртни останки најмалку 14 дена пред телото да му се предаде на семејството.

Неговиот тим ги обвинува руските власти дека го кријат телото, бидејќи сметаат дека Навални е Убиен. Навални на 47 годишна возраст почина во петокот, како што тогаш соопшти затворската служба.

Повеќе од 67.000 руски државјани испратија официјални писма до Истражниот комитет на Русија, преку кои бараат телото на Навални да се врати на неговото семејство, пренесува Медуза.

Иницијативата започната од групата ОВД која се бори за човековите права и слободи, доаѓа во момент кога Европската Унија повикува на независна меѓународна истрага за смртта на рускиот опозиционер.

Вдовицата на критичарот на Кремљ, Јулија Навални, претходно јавно го обвини Путин за смртта на својот сопруг и вети дека ќе ја продолжи борбата против Кремљ и ќе ги казни одговорните за неговата смрт.

Вдовицата на Навални вети дека ќе ја продолжи неговата работа
please wait

No media source currently available

0:00 0:02:04 0:00

Министрите за надворешни работи на ЕУ во Брисел повикаа на дополнителни санкции кон Москва за таа да се смета за одговорна за смртта на Навални.

„Русија мора да дозволи независна и транспарентна меѓународна истрага за околностите на неговата изненадувачка смрт“, стои во соопштението на министрите за надворешни работи на ЕУ.

Вчитај повеќе

XS
SM
MD
LG