Достапни линкови

Притвор за уште двајца за случајот со девојчето од Домот за деца „25 мај“


Илустација.

Уште две лица добија притвор за случајот со штитеничката од Домот за деца „25 Мај“. Надлежниот јавен обвинител од Основното јавно обвинителство за гонење на организиран криминал и корупција донесе наредба за спроведување на истражна постапка за уште двајца македонски државјани инволвирани во предметот. По предлог на надлежен јавен обвинител, судија на претходна постапка од Основниот суд Скопје 1 – Скопје на осомничените им одреди мерка притвор во траење од 30 дена.

Тие се товарат дека сториле кривично дело - Трговија со дете, за кое е предвидена казна затвор од најмалку 12 години. Осомничените иако знаеле дека детето е жртва на трговија со луѓе биле корисници на сексуални услуги и друг вид екплоатација од малолетното лице.

Основното јавно обвинителство за гонење на организиран криминал и корупција, следејќи ги написите во врска со овој случај отвори предмет по допрен глас.

Претходно за случајот беше приведена жена за подведување на штитеничката од Домот.

XS
SM
MD
LG