Достапни линкови

Одреден 30-дневен притвор за пет лица, двајца во домашен притвор


Илустрација-Протест на ВМРО-ДПМНЕ пред Кривичниот суд против апсењето нивни пратеници за насилствата од 27 април

Постапувајќи по предлог на Основното јавно обвинителство за гонење организиран криминал и корупција, судија на претходна постапка при Основниот суд Скопје 1 - Скопје, по произнесување на спроведените лица во судот во однос на предлогот на обвинителството, донесе решенија со кои за О.П., О.Р., И.Д., М.П. и М.Ч. го прифати предлогот на обвинителството и им определи мерка притвор во траење од 30 дена, соопшти Основниот суд Скопје 1.

За лицата Е.Б. и С.М., судијата не го прифати предлогот за определување мерка притвор, а како мерка за обезбедување присуство им определи мерка куќен притвор.

За останатите лица, за кои се уште не е завршено сослушувањето, по донесено решение на судија на претходна постапка во однос на предлогот на обвинителството, јавноста ќе биде информирана утре преку соопштение на веб-страницата на судот со целосна информација за донесените решенија, се додава во соопштението од судот.

Дел медиуми јавуваат дека поранешниот министер за внатрешни работи и директор на БЈБ Митко Чавков и оперскиот пејач Игор Дурловски се однесени во притвор.

XS
SM
MD
LG