Фудбалскиот натпревар меѓу Реал Мадрид и Манчестер Јунајтед во рамките на Супер Купот на УЕФА се игра вечерва во Скопје со почеток во 20:45 часот. Македонија домаќин на супер купот и на илјадници фанови на Реал Мадрид и Манчестер Јунајтед. Спорт и забава во центарот на Скопје.
Фудбалерите на Манчестер Јунајтед, актуелните шампиони на Лига Европа и нивните колеги од Реал Мадрид, кои се европски прваци тренираа и ја почуствуваат климата во главниоѕт град на Македонија. Велат топло е и затоа ќе има и малку одмор за фудбалерите и среде двете полувремиња. Дел од нивниот тренинг на Градскиот стадион во Скопје.
Како и да е, во Скопје се е под знакот на големиот фудбалски спектакл, Супер купот меѓу најдобрите екипи во Европа, Реал и Манчестер јунајтед.Љубителите на фудбалот уживаат во фан зоната на Плоштадот „Македонија“. Главниот град пулсира во ритамот на фудбалот.
Хотелите се под силно полициско обезбедување. Поради натпреварот има посебен сообраќаен режим и посебен режим на движење на пешаци во близина на стадионот, просторот во Градскиот парк во Скопје, од ресторанот „Томче Софка“ до ресторанот „Уранија“ и на Кејот на Вардар од пешачкиот мост во близина на Луна паркот до паркот на Франкофонија, соопштуваат од ФФМ. На овој простор ќе се пропуштаат само луѓе со соодветни акредитации.