Достапни линкови

Вести

Пакистанската армија уништи тренинг камп за бомбаши-самоубијци

Воени хелихоптери на пакистанската армија уништија тренинг камп за бомбаши-самоубијци во долината Сват, при што убија шестмина талибански милитанти, соопштува армијата. Безбедносните сили веќе три месеци се во офанзива против Талибанците во долината Сват и во околните области.

види ги сите денешни вести

Мицкоски го осуди „кукавичкиот обид за атентат“ врз Трамп

Премиерот Христијан Мицкоски, архивска фотографија
Премиерот Христијан Мицкоски, архивска фотографија

Македонскиот премиер Христијан Мицкоски го осуди обидот за атентат врз поранешниот американски претседател Доналд Трамп на предизборен митинг во Батлер, Пенсилванија. Тој во пост на социјалната мрежа Фејсбук напиша дека во овие моменти на,како што вели, тага, шок и загриженост на американскиот народ, изразува „најголема осуда за кукавичкиот обид за атентат“ врз поранешниот претседател Трамп.

„Истовремено, на претседателот Трамп и на повредените граѓани им посакувам побрзо опоравување и заздравување. Нашите мисли и молитви се со претседателот Трамп, со неговото семејство и со американскиот народ,“ пишува Мицкоски во објавата на Фејсбук.

Поранешниот американски претседател Доналд Трамп беше ранет во, како што рекоа претставниците на законот, „обид за атентат“ за време на предизборен митинг во западна Пенсилванија.


Трамп подоцна рече дека бил застрелан во увото, а на видеото од митингот на 13 јули се виде крв што тече од десната страна на неговото лице, додека агентите на тајната служба го симнуваа од бината каде што требаше да оддржи предизборен говор.

Две лица беа убиени, меѓу кои и осомничениот стрелец, а двајца други во публиката беа ранети, јавуваат американските медиуми. ФБИ подоцна го идентификуваше осомничениот вооружен напаѓач како Томас Метју Крукс, 20-годишен маж од град недалеку од градот Батлер, каде што се одржа собирот.


Светските лидери го осудија пукањето врз републиканскиот претседателски кандидат Доналд Трамп, инцидент што ја разбранува предизборната кампања во САД и ги зголеми стравувањата од дополнително политичко насилство.

Престрелката дојде два дена пред отворањето на републиканската национална конвенција, на која се очекува бизнисменот и поранешна реалити ТВ ѕвезда да ја обезбеди партиската номинација и помалку од четири месеци пред изборите на 5 ноември.

Девет гостиварци се затруле со храна во ист ресторан

Илустрација, болница во Гостивар
Илустрација, болница во Гостивар

Вкупно девет луѓе синоќа биле примени во гостиварската болница на Инективното одделение со симптоми на труење. Станува збор за помлади пациенти кои се жалеле доцна во ноќта на повраќање, дијареа и изнемоштеност. Од болницата велат дека по дадената терапија сите се испратени дома и нема потешки случаи.

Според првичните информации, лицата се затруле од храна во еден ист угостителски објект.

Епидемиолошката служба на Центарот за јавно здравје ги презела сите мерки, се вели во нивното соопштение.

„Земени се примероци за анализа, по што ќе се знаат причините кои довеле до влошување на здравствената состојба на пациентите и дали станува збор за бактериолошка инфекција“, е наведено во соопштението.

Пожарот на планината Серта се разграни на три, еден од нив се движи кон Криволак

Илустрација пожар
Илустрација пожар

Во моментов се активни 7 пожари на отворено, соопшти на 14 јули Центарот за управување со кризи (ЦУК). Во текот на вчерашното деноноќие беа активни 21 пожар од кои 14 се изгасени. Од ЦУК информираат дека врз седумте активни пожари од рано изутрина се дејствува и со воздухопловна поддршка.

Владата доцна синоќа на седница донесе одлука за постоење на кризна состојба во времетраење од 30 дена. Директорот на ЦУК Стојанче Ангелов утрово изјави дека по владината одлука во гасењето на пожарот на планината Серта се вклучени 100 војници и 30 полицајци, како и полициски хеликопотер и два армиски хеликоптери.

Тој додаде дека на падините на планината Серта утрово има три активни пожари кои започнаа од еден ист пожар, но сега се одвоени. Првиот е во општината Неготино во атарот на с.Калањево, додека вториот е во Општина Конче, во близина на селата Горни и Долни Липовиќ. Третиот пожар е во општината Штип меѓу селата Драгоево и Селце.

За само еден ден опожарени се над 100 хектари ниско стеблеста и дамова шума како и дел од боровата шума на планината Серта меѓу штипските села Селце и Драгоево. Ова за новинската агенција Миа го изјави командирот на Територијалната противпожарна единица од Штип, Благој Ренџов.

Инфографика - Пожари и штети (2019-2023)
Инфографика - Пожари и штети (2019-2023)


Тој посочува дека пожарот оди во правец на воениот полигон Криволак.

„Утринава околу пет часот рано наутро излегоа на терен две екипи на пожарникари, имавме помош од месното население од селата Драгоево и Селце и од Ловното друштво. Имавме помош и од воздух - еден хеликоптер на МВР, но поради високите температури, хеликоптерот беше повлечен околу 13 часот. Теренот е непристапен, само може да се гаси од воздух“, изјави Ренџов за МИА.

Тој додаде дека поголем дел од пожароте е локализиран, но пожарот се шири кон Криволак.

„Двете села Селце и Драгоево се безбедни и нема опасност за нив“, изјави Ренџов.

Секое лето има пожари на овој потег, а пожарникарите и сите институции се ангажираат на терен на овој непристапен планински терен.

Инфографика - Пожари на отворено за првата половина од 2024 година
Инфографика - Пожари на отворено за првата половина од 2024 година

Во јули 2024 до сега, заклучно со 12.07.2024 година, имало вкупно 173 пожари на отворен простор од пошироки размери.

Само од почетокот на годинава до средина на јуни се запалиле над 1175 пожари на отворено во земјава. Во нив спаѓаат и оние на дивите депонии и ѓубришта, потоа ниви, ливади, стрништа и дел шуми.

Путин потпиша законот за забрана на пратениците да ја напуштаат Русија без дозвола

Рускиот претседател Владимир Путин
Рускиот претседател Владимир Путин

Рускиот претседател Владимир Путин потпиша закон со кој пратениците на двата пратенички дома се обврзуваат да добијат дозвола за патување во странство. Неовластените патувања ќе резултираат со губење на нивниот мандат.

Авторите на законот го објаснуваат законот со безбедносните закани кон Русија во контекст на војната со Украина, притисокот на санкциите врз земјата и „значително интензивирање“ на работата на странските разузнавачки служби.

Предлог-законот не прецизира кој точно треба да ги одобри патувањата - во текстот се вели дека тоа треба да го утврдат самите Дума и Советот на Федерацијата. Веројатно, овие овластувања ќе им бидат дадени на претседателите на соодветните комори на парламентот.

Предлог-законот, исто така, ја проширува листата на структури во Државната дума кои можат да иницираат отповикување на мандатот на пратеникот. Според него, покрај досегашната законска можност тоа да се направи со иницијатива на комисијата во која припаѓа пратеникот, се проширува можноста да отповикување на пратенички мандат предложат и парламентарните комисии во кои тој е член и на Советот на Државната дума - тело под контрола на претседателот на Државната дума и неговите заменици.

Светските лидери го осудија „обидот за атентат“ врз поранешниот американски претседател Трамп

Поранешниот американски претседател Доналд Трамп при симнувањето од бината, неколку минути по истрелите на митингот во Пенсилванија
Поранешниот американски претседател Доналд Трамп при симнувањето од бината, неколку минути по истрелите на митингот во Пенсилванија

Светските лидери го осудија пукањето врз републиканскиот претседателски кандидат Доналд Трамп, инцидент што ја разбранува предизборната кампања во САД и ги зголеми стравувањата од дополнително политичко насилство.

Генералниот секретар на Обединетите нации, Антонио Гутереш „недвосмислено“ го осуди она што ФБИ го опиша како обид за атентат.

„Генералниот секретар недвосмислено го осудува овој чин на политичко насилство. Тој ги испраќа своите најдобри желби до претседателот Трамп за брзо закрепнување“, рече портпаролот на Гутереш, Стефан Дужарик.

Трамп зборуваше на предизборен митинг на 13 јули во западна Пенсилванија кога беа испукани неколку истрели. Подоцна изјави дека бил погоден со куршум во увото и полесно ранет.

Две лица беа убиени, вклучувајќи го и осомничениот стрелец, а двајца други беа ранети. ФБИ соопшти дека го истражува пукањето како обид за атентат. Полицијата соопштија дека на местото на настанот била пронајдена полуавтоматска пушка.

Претседателката на Европската комисија Урсула фон дер Лајен рече дека е „длабоко шокирана“ од пукањето.

„Политичкото насилство нема место во демократијата“, напиша таа на социјалната платформа „X“ порано позната како Твитер.

„Му посакувам на Доналд Трамп брзо закрепнување и му изразувам сочувство на семејството на невината жртва“, напиша фон дер Лајен.

Канадскиот премиер Џастин Трудо рече дека се ужаснал од веста за пукањето.

„Не може да се протцени, политичкото насилство никогаш не е прифатливо. Моите мисли се со поранешниот претседател Трамп, со сите луѓе кои присуствувале на настанот и со сите Американци“, напиша тој во објавата за социјалната платформа „X“.

Највисокиот дипломат на Европската унија, Жозеп Борел рече дека е шокиран и остро го осудува нападот.

„Уште еднаш сме сведоци на неприфатливи акти на насилство врз политички претставници“, напиша тој на X.

Италијанскиот премиер Џорџија Мелони изрази „солидарност“ со Трамп, додека францускиот претседател Емануел Макрон му посака „брзо закрепнување“, а пукањето го нарече „трагедија за нашите демократии“.

„Франција го споделува шокот и огорченоста на американскиот народ“, напиша Макрон во објавата за X.

Унгарскиот премиер Виктор Орбан, кој го посети Трамп во неговиот дом на Флорида претходно оваа недела, рече дека неговите мисли и молитви се со поранешниот претседател на САД.

И претседателот на Украина, кој во минатото имаше напорни односи со Трамп, рече дека е згрозен кога слушнал за пукањето.

„Таквото насилство нема никакво оправдување и нема место никаде во светот. Насилството никогаш не треба да преовладува“, напиша Володимир Зеленски во објавата до Х.

„Се молиме за неговата безбедност и брзо закрепнување“, рече израелскиот премиер Бенјамин Нетанјаху во објава за X.

Престрелката дојде два дена пред отворањето на републиканската национална конвенција, на која се очекува бизнисменот и поранешна реалити ТВ ѕвезда да ја обезбеди партиската номинација и помалку од четири месеци пред изборите на 5 ноември.

update

Трамп "добар" по обидот за атентат на предизборен митинг, осомничениот напаѓач убиен

Американскиот поранешен претседател Доналд Трамп по обидот за атентат на митинг во Пенсилванија
Американскиот поранешен претседател Доналд Трамп по обидот за атентат на митинг во Пенсилванија

По обидот за атентат, поранешниот американски претседател Доналд Трамп се чуствува добро. ФБИ го „неутрализира “ осомничениот 20-годишен напаѓач кој истрелал неколку куршуми кон бината каде што Трамп држеше говор на митингот во Пенсилванија. Претседателот Џо Бајден го осуди политичкото насилство.

Поранешниот американски претседател Доналд Трамп беше ранет во, како што рекоа претставниците на законот, „обид за атентат“ за време на предизборен митинг во западна Пенсилванија.

Трамп подоцна рече дека бил застрелан во увото, а на видеото од митингот на 13 јули се виде крв што тече од десната страна на неговото лице, додека агентите на тајната служба го симнуваа од бината каде што требаше да оддржи предизборен говор.

Две лица беа убиени, меѓу кои и осомничениот стрелец, а двајца други во публиката беа ранети, јавуваат американските медиуми. ФБИ подоцна го идентификуваше осомничениот вооружен напаѓач како Томас Метју Крукс, 20-годишен маж од град недалеку од градот Батлер, каде што се одржа собирот.

Истрели на митинг во Пенсилванија, Трамп со крв на лицето
please wait

No media source currently available

0:00 0:01:53 0:00

Асошиетед прес објави дека полицијата открила полуавтоматска пушка слична на американската воена пушка М16 - на местото на настанот. Станува збор за популарно оружје кое е лесно достапно за продажба низ САД.

78-годишниот претпоставен републикански кандидат Трамп штотуку почна со својот говор кога од публиката се слушнаа неколку истрели, што предизвика вресок од толпата.

Тогаш можеше да се види како Трамп посегнува со раката кон десното уво пред брзо да се спушти зад подиумот.

Членовите на тајната служба, кои се назначени да го штитат Трамп, како и другите врвни политички лидери, набрзо го опколија на сцената и потоа го симнаа од неа.

Додека тој стана и беше изнесен од бината, крв беше видлива на десното уво и образ на Трамп. Агентите на Тајната служба го втурнаа во автомобил и го напуштија местото.

Републиканскиот претседателски кандидат и поранешниот претседател Доналд Трамп е покриен од агенти на американската тајна служба на предизборен митинг, сабота, 13 јули 2024 година
Републиканскиот претседателски кандидат и поранешниот претседател Доналд Трамп е покриен од агенти на американската тајна служба на предизборен митинг, сабота, 13 јули 2024 година


Додека го водеа од бината, Трамп се сврте кон толпата, ја вивна тупаницата во воздух и изгледаше како да вика „борете се, борете се!“

„Неверојатно е таков чин да се случи во нашата земја“, напиша Трамп на својата социјална платформа „Truth Social“ по пукањето.

Агентот на ФБИ задолжен за локалната канцеларија на бирото во Пенсилванија изјави дека пукањето се истражува како „обид за атентат“.

Во изјавата објавена на социјалната платформа „X“ порано позната како Твитер кратко по инцидентот, портпаролот на тајната служба Ентони Гуглиелми рече дека напаѓачот бил „неутрализиран“.

Трамп беше лекуван во локалната болница, пред да одлета во неговиот клуб за голф во соседниот Њу Џерси. На видеото од неговото пристигнување објавено од официјален претставник на кампањата се гледа дека Трамп до клубот е придружуван од тешко вооружени агенти на тајната служба.

Бајден го осуди политичкото насилство врз Трамп

Престрелката доаѓа два дена пред отворањето на републиканската национална конвенција на која се очекува бизнисменот и поранешна реалити телевизиска ѕвезда да ја обезбеди номинацијата на партијата и помалку од четири месеци пред изборите на 5 ноември.

Пенсилванија се смета за една од клучните држави кои ќе го одредат исходот на изборите.Потпретседателката Камала Харис беше во државната кампања на истиот ден со митингот на Трамп.

Претседателот Џо Бајден, кого Трамп го предизвикува на изборите во ноември, рече дека е благодарен што слушнал дека Трамп е безбеден и здрав.

„Се молам за него и неговото семејство и за сите оние кои беа на митингот, додека чекаме дополнителни информации“, рече Бајден во изјавата.

„Нема место за ваков вид насилство во Америка. Мораме да се обединиме како една нација за да го осудиме“, додаде Бајден.

Според објавеното на веб-страницата за изборната кампања на Трамп, засега не се предвидени други настани за поранешниот претседател пред конвенцијата.

„Трамп со нетрпение очекува да ви се придружи на сите во Милвоки додека продолжуваме со нашата конвенција“, се вели во кусото соопштение објавено на веб страницата.

Конгресот ќе закаже сослушување по овој настан

Американските политичари го осудија пукањето врз Трамп, кој беше претседател од 2017 до 2021 година.

„Политичкото насилство нема место во нашата земја“, напиша лидерот на мнозинството во Сенатот Чак Шумер на социјалната мрежа „Х“, додавајќи дека е „ужаснат“ од веста и среќен што Трамп е безбеден.

„Овој ужасен чин на политичко насилство на мирен предизборен митинг нема место во оваа земја и треба едногласно и насилно да се осуди“, рече претседателот на Претставничкиот дом Мајк Џонсон во објавата на X.

Тој исто така рече дека Конгресот ќе закаже сослушувања за да ги знае околностите зад пукањето и како некој можел да донесе оружје на митингот.

Тајната служба, која обезбедува заштита на политичките претседателски кандидати како Трамп, спроведува и безбедносни проверки за политички собири.

Светските лидери го осудија обидот за атентат

Светските лидери го осудија пукањето врз републиканскиот претседателски кандидат Доналд Трамп, инцидент што ја разбранува предизборната кампања во САД и ги зголеми стравувањата од дополнително политичко насилство.

Генералниот секретар на Обединетите нации, Антонио Гутереш „недвосмислено“ го осуди она што ФБИ го опиша како обид за атентат.

„Генералниот секретар недвосмислено го осудува овој чин на политичко насилство. Тој ги испраќа своите најдобри желби до претседателот Трамп за брзо закрепнување“, рече портпаролот на Гутереш, Стефан Дужарик.


Претседателката на Европската комисија Урсула фон дер Лајен рече дека е „длабоко шокирана“ од пукањето.

„Политичкото насилство нема место во демократијата“, напиша таа на социјалната платформа „X“ порано позната како Твитер.

„Му посакувам на Доналд Трамп брзо закрепнување и му изразувам сочувство на семејството на невината жртва“, напиша фон дер Лајен.

Канадскиот премиер Џастин Трудо рече дека се ужаснал од веста за пукањето.

„Не може да се протцени, политичкото насилство никогаш не е прифатливо. Моите мисли се со поранешниот претседател Трамп, со сите луѓе кои присуствувале на настанот и со сите Американци“, напиша тој во објавата за социјалната платформа „X“.

Италијанскиот премиер Џорџија Мелони изрази „солидарност“ со Трамп, додека францускиот претседател Емануел Макрон му посака „брзо закрепнување“, а пукањето го нарече „трагедија за нашите демократии“.

„Франција го споделува шокот и огорченоста на американскиот народ“, напиша Макрон во објавата за X.

Унгарскиот премиер Виктор Орбан, кој го посети Трамп во неговиот дом на Флорида претходно оваа недела, рече дека неговите мисли и молитви се со поранешниот претседател на САД.

И претседателот на Украина, кој во минатото имаше напорни односи со Трамп, рече дека бил згрозен кога слушнал за пукањето.

„Таквото насилство нема никакво оправдување и нема место никаде во светот. Насилството никогаш не треба да преовладува“, напиша Володимир Зеленски во објавата до Х.

„Се молиме за неговата безбедност и брзо закрепнување“, рече израелскиот премиер Бенјамин Нетанјаху во објава за X.

Американската историја бележи неколку обиди за атентати врз политичари

Иако политичкото насилство е ретко во Соединетите Држави, неколку претседатели или кандидати се застрелани во текот на историјата на земјата.

Последен таков обид за политичко насилство историјата го бележи оној врз американскиот претседател Роналд Реган кој беше застрелан и тешко ранет додека го напушташе настанот во хотел во Вашингтон во 1981 година.

Во 1975 година, претседателот Џералд Форд беше неповреден во два одвоени обиди за атентат.

Четворица американски претседатели - Џон Ф. Кенеди, Абрахам Линколн, Џејмс Гарфилд и Вилијам Мекинли - се убиени.

Истрели на митинг во Пенсилванија, Трамп со крв на лицето

Фотографија од моментот кога обезбедувањето го евакуира Трамп по истрелите на неговиот митинг во Пенсилванија
Фотографија од моментот кога обезбедувањето го евакуира Трамп по истрелите на неговиот митинг во Пенсилванија

Агенти на тајната служба го турнале поранешниот американски претседател Доналд Трамп на митингот во Батлер, Пенсилванија откако се слушнале истрели. Тој паднал на земја, по што безбедносните служби го подигнале и го изнеле од бината, јавува Си-Ен-Ен.

Трамп потоа бил однесен во возило и евакуиран од местото на настанот. Инцидентот се случил неколку моменти откако тој се качил на бината на митингот.

Трамп ги поздравува насобраните на митингот за време на неговото евакуирање по пукањето
Трамп ги поздравува насобраните на митингот за време на неговото евакуирање по пукањето

Новинарите кои известуваа од митингот во Батлер, каде што поранешниот претседател Доналд Трамп требаше да оддржи говор, велат за Си-Ен-Ен дека слушнале „серија силни експлозии или силни удари“ пред агентите на тајната служба да се упатат кон Трамп и да го заштитат.

„Припадници на тајната служба веднаш го покрија Трамп, и потоа повторно се слушна нешто што наликува на силни удари “, се вели во новинарскиот извештај.

„Агентите го фатија Трамп, кој беше виден како ја крева тупаницата во воздух“, се додава во извештајот од митингот, а на видео снимките од новинската агенција Ројтерс се гледа, како што објави Ројтерс „нешто што изгледа како крв на неговото лице и увото“.

„Поранешниот претседател е безбеден“, соопшти тајната служба набрзо по евакуацијата.

Од кампањата на Трамп набрзо соопштија дека тој е во добра здравствена состојба, откако на митингот во Пенсилвација беа слушнати, како што јавува новинската агенција Асошиетед прес, очигледни истрели од огнено оружје кои одекнаа низ толпата.

„Претседателот Трамп им се заблагодарува на органите на редот и на првите што реагираат со нивната брза акција за време на овој грозоморен чин. Тој е добро и се прегледува во локална медицинска установа. Повеќе детали ќе следат“, е наведено во соопштението од претставници на кампањата на републиканскиот кандидат за претседател Трамп.

Владата вечерва прогласи кризна состојба поради пожарите

Пожарот во близина на Неготино
Пожарот во близина на Неготино

Владата доцна вечерва ( 13 јули ) прогласи кризна состојба во времетраење од 30 дена поради зголемена појава на пожари на територијата на Република Северна Македонија.

Со одлуката на Владата, Министерството за внатрешни работи (МВР) доби задача да ангажира полициски сили при гасење на пожарите.

Министерството за здравство и здравствениот персонал од општа и медицина на трудот се задолжуваат да бидат во приправност за времетраењето на кризната состојба, додека Министерството за финансии се задолжува да обезбеди дополнителни наменски финансиски средства доколку за тоа се покаже потреба.

„Владата му предлага на претседателот на Република Северна Македонија да одлучи за учество на дел од припадниците на Армијата на Република Северна Македонија (вид и број на сили и капацитети на армиските единици, намена и задачи за кои се бараат и времетраењето на активноста и ангажираноста на армиските единици), во справувањето со кризната состојба“, наведуваат од Владата.

Центарот за управување со кризи (ЦУК) соопшти дека се активни 8 пожари на отворено, од кои 3 избувнале денеска, а 5 се уште се активни од претходно.

Претходно, кризниот штаб на општина Неготино информираше дека состојбата на терен е алармантна и дека досега се ангажирани сите расположливи ресурси.

„Неопходна е многу поголема поддршка. Да се обезбеди комплетна опрема за противпожарна заштита, со цел да може при гасењето на пожарот да интервенираат поголем број лица. Да се обезбеди дрон од СВР Велес и припадници на СВР Велес, кои ќе интервенираат при гасењето на пожарот“, се заклучоците на Штабот за заштита и спасување на Општина Неготино по седницата одржана вечерва.

Од Авто-мото сојузот информираат дека во прекин е сообраќајот на регионалниот пат Штип – Неготино кај клучка 21 км, и тоа во двата правци поради пожар на планината Серта.

Инфографика - Пожари и штети (2019-2023)
Инфографика - Пожари и штети (2019-2023)

Според податоците од ЦУК, Во општина Неготино гори во атарот на село Калањево, во општина Ново Село на Огражден, а пожар има и на планината Кожуф кон Гевгелија. Пожар има и близина на прилепско Црнилиште како и во штипско меѓу селата Драгоево и Селце. Исто така пожар има во општина Конче, кај сeлата Горно и Долно Лаповиќ, а гори и кај велешкото село Јаболчиште.

Истовремено, Владата упати апел до граѓаните за внимателност при движењето во шуми и шумските појаси и областите зафатени со пожари.

Според податоците од ЦУК, од почетокот на месецов до сега, заклучно со 12 јули, евидентирани се 173 пожари на отворен простор од пошироки размери.

Обвинителство бара притвор за скопјанецот кој им дал седативи на четворицата малолетници

Илустрација
Илустрација

Основното јавно обвинителство отвори истрага и побара од Судот мерка притвор против 40 годишниот скопјанец кај кого полицијата пронајде четворица малолетници во бессознание. Според соопштението истрагата е покрената под сомнение дека на четворицата малолетници им дал медикаменти, односно од неговите лекови за одвикнување од алкохол.

Тој е осомничен за сторени кривични дела „тешки дела против здравјето на луѓето“, како и за кривичното дело „излагање на опасност“.

Осомничениот, додека на 11 јули во вечерните часови во неговиот дом престојувале четири деца на возраст од 15 до 17 години, ставил во промет лекови што се штетни за здравјето.

„Тој заедно со децата почнал да конзумира алкохол и во текот на вечерта извадил лекови “тергатол 200 мг”, “запира 10 мг” и “дијазепам 5 мг” кои ги користел за одвикнување од зависност од алкохол и кои им ги понудил на малолетниците да ги испијат за подобро расположение“, се вели во соопштението на Обвинителството.

Во соопштението се вели дека тој им дал да испијат поголемо количество од лековите во комбинација со алкохолот, иако бил свесен за штетната последица што може да настапи и со тоа тешко им го нарушил здравјето.

Следниот ден попладнето полициски службеници ги пронашле оштетените деца во неговиот дом во бессознание и со сериозно влошена здравствена состојба. Со возило на итна медицинска помош биле префрлени на Клиниката за токсикологија, каде што кај децата било констатирано високо присуство на бензодијазепини во крвта.Некои од овие лекови се сметаат за седативи, а други се сметаат за анти-анксиозни лекови.

„Осомничениот претходно станал и во дневната соба ги затекнал децата како лежат во сериозно влошена здравствена состојба која претходно самиот ја предизвикал, но и покрај тоа ги оставил без помош“, е наведено во соопштението.

Директорот на клиниката Андон Чибишев соопшти дека докажано е присуство на психоактивни супстанци кај четворицата малолетни пациенти, без при тоа да има присуство на алкохол.

„Сите четворица пациенти се свесни, во подобрена здравствена состојба, со стабилни витални параметри. Немаат посериозни повреди. Продолжува интензивното лечење и надзор на Универзитетската клиника за токсикологија“, појасни Чибишев.

Во описот на случајот се вели дека вчера во 13:57 часот во Секторот за внатрешни работи Скопје било пријавено оти во двор од куќа, сопственост на Д.Ѓ., тој со тврд предмет бил физички нападнат од малолетник.

По добиената пријава полициските службеници биле во куќата каде ги затекнале четирите малолетни лица од кои две биле во бессознание.

САД предупредува:Русија ќе ги искористи тензиите во Западен Балкан

Илустрација
Илустрација

Москва се обидува да ги искористи етничките тензии на Западен Балкан за да предизвика „нестабилност и да ја попречи интеграцијата на регионот во евроатлантските институции“, соопшти американскиот Стејт департмент.

Предупредувањето дојде откако пензионираниот американски генерал Весли Кларк, поранешен врховен командант на НАТО во Европа, неодамна предупреди дека Русија, која одржува блиски врски со српскиот претседател Александар Вучиќ, го користи Белград како полномошник за да сее раздор во регионот.

Србија, која е кандидат за членство во Европската унија од 2012 година, досега одбиваше да воведе санкции кон Москва поради војната против Украина, иако гласаше за неколку резолуции на ОН со кои се осудува руската агресија.

Тензиите се во пораст во последниве месеци во северно Косово, каде што има значително етничко српско малцинство, и во Република Српска, ентитет во Босна и Херцеговина со мнозинско српско население.

Лидерот на Република Српска, Милорад Додик, кој беше ставен под санкции од САД и Велика Британија поради неговите напори да го поткопа Дејтонскиот мировен договор од 1995 година со кој заврши граѓанската војна во оваа балканска земја, исто така беше во пријателски односи со рускиот претседател Владимир Путин.

Сепаратистичките изјави на Додик беа една од главните пречки во напредокот на Босна кон членството во ЕУ, откако таа стана кандидат во 2022 година.

„Јасно е дека Русија не ја поддржува истата европска иднина за земјите од Западен Балкан што тие самите ги избраа и што луѓето од регионот ја заслужуваат. Русија се обидува да ги искористи меѓуетничките тензии, да создаде нестабилност и да ја опструира интеграцијата на регионот во Евроатлантските институции“, изјави за РСЕ портпарол на Стејт департментот.

Во северно Косово, во кое доминира српското население, тензиите останаа високи по инцидентот во септември 2023 година, во кој загина полицаец етнички Албанец, по средбата со маскирани командоси, наводно предводени од политичар од косовски Србин.

Долго одложуваното ветување на косовската влада за асоцијација на општините на косовските Срби за дијалог со Приштина и неодамнешната забрана за употреба на српскиот динар, кој остана во широка употреба во северно Косово, исто така ги зголемија тензиите со Белград. која не ја призна декларацијата за независност на својата поранешна покраина во 2008 година.

„Остануваме загрижени поради ризикот локалните тензии да се претворат во сериозни политички пожари кои ќе ги задржат државите од регионот, на пример во северно Косово и со оглед на заканите за отцепување во Босна и Херцеговина“, изјави портпаролот за РСЕ.

Тој додаде дека тесно соработуваат со сите страни за да се минимизираат тие ризици.

Американскиот помошник државен секретар за Европа и Азија Џејмс О'Брајан неодамна ги опиша тензиите на северно Косово и заканите на Република Српска за отцепување како главни безбедносни ризици на Западен Балкан.

„Ова е причината зошто Соединетите Држави работат со земјите од Западен Балкан за зајакнување на регионалната соработка и унапредување на реформите што ќе ги намалат можностите за злобно руско влијание и ќе донесат траен мир, стабилност и просперитет во регионот“, рече портпаролот.

„Руската агресивна војна против Украина ја нагласува итноста и важноста на овие приоритети.

Вчитај повеќе

XS
SM
MD
LG