Лазарова Трајковска се обвинува за пречекорување на овластувањата

Претседателката на ДИК Мирјана Лазарова Трајковска се обвинува поради пречекорување на службените овластувања при спроведувањето на изборите, што е во спротивност со член 32 од Законот за избор на пратеници и на договорот за печатење гласачки ливчиња. Додека директорот на печатницата 11 Октомври Сашо Зафировски заработи кривична пријава од страна на МВР затоа што погрешно отпечатените гласачки ливчиња не биле поништени во кругот на печатницата туку во депонијата Алдинци што е оддалечена четири и пол килиометри од печатницата што според МВР е во спротивност со договорот потпишан меѓу ДИК и печатницата 11 октомври. Зафировски вели:

„Ние си имаме интерен правилник и тие нема да ни кажуваат каде и што треба да се уништува. Тоа не е нивно и нека го докажат тоа на суд. Еве, поднеле кривична пријава и ќе го докажуваме тоа на суд, нема проблем.“

Инаку Министерот за Внатрешни Работи Љубе Бошковски минатата недело по негово инсистирање оствари средба со претседателката на ДИК Мирјана лазарова Трајковска по што изјави:

„Изборниот процес не ја суспендира работата на Министерството за внатрешни работи и не можеме да зборуваме за тоа дека Државната изборна комисија е над законот, го суспендира законот и ја суспендира работата на извршната власт.“

Додека Лазарова одговори:

„Одговорно тврдам дека во досегашното мое работење особено водев сметка за непристрасноста и законитоста.“