Достапни линкови

6 починати, 54 новозаразени и 42 излекувани за 24 часа


Клиника за инфективни болести во Скопје

Министерството за здравство информираше дека на Клиниката за инфективни болести и фебрилни состојби во Скопје починаа 4 пациенти на возраст над 60 години, од кои двајца пациенти од Лабуништа, еден пациент од Прилеп и еден од Куманово. Во болницата „8 Септември“ починаа 2 лица, пациент од Велес (67) и пациент од Куманово (59).

Според Министерството, со два негативни теста и во добра општа состојба од Инфективната клиника се испишани 10 оздравени пациенти, а регистрирани се и 32 оздравени пациенти, од кои 12 се од Дебар, а 20 од Скопје, кои се лекуваа во домашни услови.

Инаку, во изминатите 24 часа се потврдени 54 нови случаи на ковид-19 и тоа во Скопје-13, Куманово -25, Штип -1, Прилеп -10, Тетово -1, Велес -2, Гостивар -1 и во Кичево -1. Со ова вкупната бројка на дијагностицирани пациенти со ковид-19 во нашата земја изнесува 908 лица. Според местото на живеење, досега се регистрирани во Скопје – 329, Куманово – 236, Дебар – 49, Штип-28, Прилеп –85, Тетово – 38, Струга – 43, Велес – 34, Битола –9, Охрид –4, Кавадарци – 3, Гостивар –9, Гевглелија – 4, Струмица – 2, Крива Паланка-3, Радовиш – 4, Крушево – 3, Кочани – 22, Пробиштип – 2 и Кичево – 1.

Во изминатото деноноќие направени се 710 теста. Преку ИЈЗ – 530, преку Ветеринарен ф-тет -18, Авицена – 20, Биотек – 24 и Филип Втори (Жан Митрев) – 118, а во тестирање со pcr метода се вклучи и Систина од каде во денешната бројка влегуваат 2 позитивни теста. Досега во земјата се направени вкупно 9.262 тестирања на Ковид -19.

XS
SM
MD
LG